補祝syliva生日
本來話去大澳郊遊, 但下午兩點幾先去又太晏,
結果改左去半島hea tea!!!!wakakaka
其實呢度hea tea真係不錯既地方,
環境真係好靚!!
連個tea都好靚!!!
難得黎到當然左影影右影影啦!!!
之前黎過半島兩次都無影下相....
杯野飲都好似好味d架!!!
其實咪睇d野咁靚, 我覺得唔話真係好好味!!
普普通通啦, 可能出面o個d仲好味好多...
但如果三個女仔o係度傾下計都不錯,
三個女人一個墟
乜都講一餐!!!
講得最多既咪結婚d野,
真係好煩惱!!!
咁高貴既地方扮呢d低能樣,
真係失禮死人!!
生日當然有禮物啦!!
半島, 我唔會再黎hea tea架喇!!
因為真係唔好食!!
下次試第二間先!
十週年自制了一本冊子,
將這十年的相貼在這本冊子上
這是封面
**偷了公司的閃石貼了一個心型**
內容俾第一頁你地睇下啦!!!
其實 .....唔好嚇趁大家喇!!
N年前個樣實在太搞笑
過了十週年, 阿比終於提到結婚
((以前我一問呢方面, 佢就即刻轉話題))
真係好難得!!!
仲傾到成零晨四點=.=
不過都係傾下啫, 未有錢結住!!
自從買左樓, 個個月頭就即係糧尾...
真係好窮!!點有錢結丫??????
仲有........如果結, 咁咪要減肥...???
隻手臂係最肥, 點可以減到????
其他部位都唔成問題,
係個拜拜肉係都要一漸長大
哎吔~~~人一到左呢個階段真係好多野煩!!!!
不如求其註冊算
但一生人一次bor!!!
唉!!!影左結婚相先算..
有乜好介紹丫???
搭攬車落返山腳, 真係惡運連連!!
隻腳己經好攰, 仲要等間巴士返碼頭都等左半個鐘...
我地搭船過尖咀, 順便欣賞下維港景色!!
都係綠白色既天星小輪靚d bor!!!
紅當當好似大龍舟咁...
經過海港城, 影下燈飾先!!
紫色....我鐘意既紫色~~~
十十十十十!!!十週年...應下景!!
趁d人剛好散晒, 即刻zip過去影....
阻晒色既格仔衫=.=
波兒波兒!
年年都要影下波波自拍先安樂!!!
阿比話呢隻bb公仔唔得意喎!!!
然後惡運又黎喇,
本來想去o個兩間餐聽...
一間full晒 ((有人無bk位))
另一間, 俾人包左場!!!!
真係晴天霹靂丫~~~~oh god!!!
由於隻腳己經支撐唔住, 求其去左山林道揀左"沙煲"食
仲有間房俾我地兩個
真係好, 有自己既空間!!!!!又坐得舒服...
講低能野都無人聽到...
做乜咁惡!!!???
食丫食丫.
未滾唯有狂食芽菜=.=
d牛都ok既, d菜好新鮮, d墨魚滑都幾彈牙!!
但其實咪同o係吉野家食個鍋差不多.....wakakaka~~
慶祝完畢!!
多謝收看!!!!!
今日係我同阿比十週年
真係呢要講返句, 一生有幾多個十年丫~
多謝你陪左我十年!!!
我地一早請左呢日假, 出去慶祝一番!
節目就係上山頂~
總係覺得山頂係一個浪漫地方!!
自從小學黎過上過去之後, 我都無去過呢個地方!
平日都好多日上山頂
排隊買飛中
無E起棚牙笑左兩年, 即係幾生硬!!
仲未練到自然~
N年無搭過既攬車, 啞!!原來咁斜.....幾過癮喎!!
好多外國人, 仲有好好好多大陸人
等D人落晒車又狂影!!
無去蠟像館, 同出面個李小龍影都一樣姐...
似得咁恐怖, 連毛孔都有.....
亂逛逛 +亂影!!
佢教我擺pose, 我叫佢親身示範
=.=咦!!!點擺丫....仲要申脷.....
彩你都傻!!!我呢個咪幾好.......
咁似大快活個logo既????
我...似唔似雀仔飛???wakakaka...
我覺得呢間餐廳個外觀好靚...不過無入去食!!
成兩點幾, 去食野先!!!
揀左間食蝦既餐廳, "BUBBA GUMP", 仲有靚view!你都咪話唔爽~~
仲望到架攬車上黎!!
間餐廳咁靚, 狂影狂影都未叫野食....wakaka!!
叫左一個主菜+一杯野飲
=.=好彩點左一個咋, 咁大份, 食到我地兩個好飽!!
仲好熱氣添~~
d侍應好好人!個個都好nice~~good!!!
佢問我做乜要咁影, 中間咁多空位!!
嗱, 終於知點解啦~~~
係咪型先????拍廣告咁喇!!!
大少爺, 食得開唔開心丫????
食飽上天台影下個view先!!
個太陽係正頭頂, 燦眼到丫.....眼都盲!
終於搵到個位有野遮住個太陽!
笑...笑..笑..wakakaka~~
張凳好可愛!!!長頸鹿...我覺得好似阿比..wakaka!!
青蛙就似我啦....成日食食食, 又咁肥!!!
無端端又會有畫展o係一個暗角!!
阿比個張扮得幾似, 影完笑左我幾耐!!!
禁你個死人機關制!!!!
=.=阿比又扮model擺型pose囉
需我.........型唔起!!!wakakaka..
以下時間容許我地曬下幸褔!!
無幾可影呢d相架咋, 十週年丫嘛......等我地sweet下~留個紀念
睇到眼怨呢...wakakakaka!!!
好靚既日落!!!
以後我會少d亂發脾氣 ((盡量啦.))
後面d望遠鏡令我諗起WALL~E~
呢個亭唔知點解咁多大陸人聚集=.=
日落lu!!!走lu~~
去下一個節目, 去尖咀食晚飯!!!
**由於太多相喇, 要分開兩part打**
~~待續~~
