[[X'MAS 2014]] BOXING DAY

26 DEC 2014
[[X'MAS 2014]] BOXING DAY

大爺期待己久既BOXING DAY終於到啦!!!

日日不停問
可唔可以開啊??
呢份禮物我架???
幾時BOXING DAY???
答都答到我口乾XDDDD

為左拆禮物, 坐定定仲要笑晒咁俾我影相!!

[[X'MAS 2014]] HOHOHO!! MERRY CHRISTMAS!!

25 DEC 2014

MERRY CHRISTMAS

尋晚去完BBQ好夜先返屋企
明明好夜瞓, 今朝又係咁早起身~((暈))

今日無節目啊, 但聖誕節點都搞啲野出黎氹下大爺開心既!

登登~~~係~~雪人朱古力包包

[[X'MAS 2014]] pre-x'mas lunch @Simply Life

20 DEC 2014

Pre-x'mas lunch @Simply Life

開心既聖誕黎啦, 又係一大班朋友聚一聚既時間
大家聖誕都好忙, 好多聚會都早早o係月頭己經開始

今日約左兩位靚太一齊食個pre-x'mas lunch

今次黎大爺夠高自己可以坐一張凳, 唔使坐大脾
((點解呢間唔增添BB凳呢??我見都好多BB,小朋友黎食))

Kitten EE整既熊貓曲奇好靚
大爺極速食晒, 我一啖都無食過=.=!!!

影到佢好刷得咁..XDDD

假像黎, 佢淨係食薯片同魚咋.

我地情深地....食薯片..WAKAKAKAKA

CINDY EE送聖誕禮物俾大爺
睇下大爺幾咁開心!!!又有玩具玩啦~~~

多謝晒!!!!

KITTEN EE送既....多謝晒!!!
大爺個樣幾冧滋滋, 仲要捱埋去.....^^

睇書既POSE都有型過人???XP

食完野吹完水, 又係時候食啲甜品啦!!
佢自己揀左呢個.....

食cake前威迫佢影合照先...有蛋糕食幾合作...

yeah!!!食得~~~

嘩,個食相真係.......呢...

咁又過左一個愉快既下午啦~~
下次到新年見啦~

[[BIG YEAH]] 32 + 33個月 冧豬豬

21 DEC 2014

[[BIG YEAH]] 32 + 33個月

11月面試月忙完一大輪,skip左一個月無打

 12月都仲係好忙,因為大爺爸下半個月返夜更

啲x'mas party都就佢12月頭開始

((即係x'mas得我同大爺兩個人過 =.=!!!))

[[BIG YEAH]] K班大作戰 - 好消息(5) + 總結

K班大作戰 - 好消息(5)

最後一間結果出埋喇!!!

大爺話呢間實收, 嗯!!果然~~~真係收上午班正取生

不過媽媽爸爸己經有作決定, 所以依間唔會考慮喇!!

((總結))

總共in左7間

結果 4間AM, 1間PM, 2間後備

o個2間後備((其中有TOP1心水)), 點解後備.....????

我搵到2間都有個共通點, 就係依2間都有group in家長既

而大爺依兩間真係表現得好好

後尾發覺大爺爸in top1個間時答左第二間既教學理念囉,
錯晒!!!!!!!=.=!!!

我同大爺爸講笑 , "好明顯係你拖累個仔啦, 一in家長就衰左喇"

 然後我預左大爺爸答"噓, 咁叻又唔見你入去in"XDDDDD

其實如果係我入去in, 可能後備都無, 所以我又點會怪佢
講下笑啫..HAHAHAHA

依家有5間offer, 全靠大爺自己得返黎, 真係要好好咁獎勵佢~
 ((其實我都有功勞, 我覺得件面試戰衣有啲料到xppp))


呢家同大爺爸都決定揀top2 (下午班) 依間黎讀
當然我都有寫信去申請轉上午班, 我寫到好感人架~希望有機會轉到
而兩邊家人都一致認為, 下午班返返下就慣
大家都係依間係最心水既!!!
好喇~~希望我地無揀錯!!大爺到時返得開心
好好享受3年幼稚園生活~

面試後感:
呢家生活香港啲小朋友真係唔容易
咁細個就要面試, 面試得好亦未必一定收
基本上, 收生準則都係睇老師既喜好眼緣
所以, 既然無準則, 唔收或後備都唔需要太介懷


 

[[首試]] 澳洲趣樂 Cherub Rubs

[[首試]] 澳洲趣樂 Cherub Rubs
澳洲趣樂 Cherub Rubs 產品100%全天然有機的
不含石油化工品, 不含人造色素或香料, 不含化學防腐劑,
不含化學泡沫劑, 不含化學合成物
並獲澳洲Organic Food Chain 驗驗及澳洲不含有毒原料認證

 今次有請大爺親自試下先!!XDDDD
哈哈, 睇佢幾開心, 不停叫我快啲吱俾佢搽搽.

今次收到Cherub Rubs既x'mas gift
呢家天氣開始凍, 我正正愁緊買咩俾大爺搽之際就收到呢套gift set
真係好開心啊..kakaka

全天然有機護膚膏
呢支護膚膏蘊含100%有機成分, 包括澳洲堅果油, 可可脂和洋甘菊油
適用於破損或漲紅的面頰,手和尿片位置, 可以保持寶寶肌膚的柔軟幼嫩

一睇就知大爺期待以久, 哈哈!
佢雙手黎迎接我吱出黎啲creamXDDDDD

大個仔, 自己搽搽搽~
好易推開, 小朋友可以自己試下搽~
同埋一啲都唔會"立痴痴"~~

呢支沖完涼搽一流啊!!!
大爺搽完都話"好滑啊"HAHAHAHA

全天然有機紓緩痕癢露
裡面有蘆薈, 金盞花油 和 龍舌蘭油 , 可緩和寶寶的肌膚和減低痕癢既感覺
寶寶如果有濕疹或汗疹 可以試下呢支

大爺話"嗱, 係咁架囉" haha

搽另一隻腳試下先

大爺到凍天,腳比較乾同痕, 成日係度RRR, 有時更加R到損晒
有左呢支就岩晒喇!!!

呢個小小用家, 試用完當然要玩埋其他野先心熄
大爺"shu~~~唔好嘈啊, BB瞓覺, 我要照顧佢"
((呢家大爺講野越黎越叻, 連"照顧 "都識講))

仲幫BB整埋枕頭, 仲蓋被添..

[[BIG YEAH]] K1大作戰 - 好消息(4)

 

之前講過如果呢間中左真係要大大力慶祝, 媽媽心儀top2黎架~

((TOP1得後備亦都無乜人會放棄學位, 所以唔使諗))

因為要係二千幾人當中, 老師睇中大爺既, 我自己覺得機會好微

 星期六同大爺去同啲靚ee high tea時大爺爸send黎

真係好驚喜 !!! 但睇下睇下, 收pm咋喎..

心情又開始複習返啦!!

 

今朝打去問過有冇得排早上後補, 

個老師話註冊可以交信申請, 但以佢過住幾年經驗黎睇

應該機會好微!!!

鐘意依間原因:

北區不知名排位係第二 

極少BIG6, 雙非

獨立校舍, 兩個操場, 遊樂場(sir滑涕o個啲), 音樂室,魚池, 廁所又好靚XDDD

家長評價亦非常之好

派小一亦都好好

最重要, 好近屋企...唔使搭車, 行過去唔使5-10分鐘

 pm 返 1-4pm, 撞正大爺瞓覺時間

最閉如果想大爺朝早瞓耐啲先起身好難

想佢起身後11點度再瞓陣仲更加難

但其實呢家大爺有時玩到成四點先瞓肯晏覺 

咁即係佢可能會捱到??

點好? 點好? 點好?? 

[[BIG YEAH]] 放風箏

22 NOV 2014
大爺爸今日放假, 一於瞓夠就去放電啊~
上次去完大尾督踩單車, 大爺爸見到人地放風箏,今日又話要放下
不過無入大尾督啦!!!近近地去海濱公園算喇!!
連公公同宜姨都好有興趣一齊去放風箏..XP

今日真係天朗氣晴, 去到己經好多風箏係天空上面

 

[[BIG YEAH]] K1大作戰 - 好消息(2), (3)

呢兩日分別收到好消息

我心目中top4想入既其中2間都收大爺上午班

本身都打定輸數, 因為呢兩間大爺係in得最差

一間恰眼瞓, 兩眼無神

一間就忟忟憎憎

收到呢兩個好消息真係開心到爆

仲開心過中六合彩!!!

不過第一首選想入既得下午後備

um..都無唔開心既, 因為都預左!!大爺爸答得真係麻麻地

呢間就係要答問卷兩條長問題, 面試當日又in家長

對我地黎講啲問題都好深,好難答~(我地把口唔靈光)

好明顯我同大爺爸都唔符合佢地要求!XDDDD

[[BIG YEAH]] FAMILY DAY踏單車

16 NOV 2014

完成所有面試, 唔理結果係點, 都要去慶祝下, relax下個人既

難得大爺爸放星期日, 當然我又唔放過呢個機會啦!!keke

大爺爸今次好有主見, 話去大尾督踩單車

好好好!!我都想踩家庭單車好耐架啦..

今日天氣真係好好,踩單車真係一流!!
最重要, 有大爺爸o係度, 我可以唔使點踩, un un腳坐係度就得喇!XDD
大爺呢個名真係並非浪得虛名架,睇佢幾識嘆...

[[BIG YEAH]] K1大作戰 -- 最後三回 {{完}}

 [[BIG YEAH]] K1大作戰 -- 最後三回 {{完}}

14 NOV 2014

5th INTERVIEW
10:00AM
今日星期五, 好彩係得一個面試平日啫!唔係我啲假好快無晒..
大爺唔知咩事, 一話去面試就又拎帽又拎太陽眼鏡

氹佢除底左頂帽, 但又死都要帶款太陽眼鏡
家下去面試, 唔係去郊遊囉=.=!!!!

準時去到排隊, 大爺今朝心情麻麻地, 成日ee err err既聲氣,又係咁話要抱
又要拎本書出黎, 今次拎左近排佢大愛既ELMO書出黎
點知一拎出黎, 排後面個小朋友一見到就過黎搶
大爺呆左係度, 但都死拎實本書唔放, 仲用好慘既表情話"佢搶我本書"
最後個小朋友搶唔到, 就係度發癲喊
(我諗個媽媽真係多得我地唔少, 整喊左佢個仔@__@)

等到入去喇, o係禮堂聽講座, 聽完就跟號碼分批入課室
今次係group in, 一個家長陪  (大爺爸陪)

好似pg咁, 都係跟住唱歌, 做體操
大爺有跟住唱同做動作, 但大爺爸話佢間唔中都有ee erer個啲聲氣
然後老師每個小朋友叫出去問下咩名, 幾歲啲例牌野,
o係個籃拎野, 叫大爺拎個檸檬, 然後問佢咩顏色
大爺拎左, 但佢想繼續拎下面個啲橙, 就答左橙色((暈))
不過老師都有問多次佢, 佢先答返岩 (好明顯佢遊緊雲)
之後就clean up, 大爺好大力將架車掉落個箱度
老師見到就話要細細力bor, 大爺就好小心細細力再放落去

總結:呢間學校我都幾鐘意, 世事就係咁,心儀既學校佢就玩野
今日大爺咁多次面試中最差, 大爺爸話佢應該肚餓同眼瞓
之後in完去食左個飯, 大爺就精神晒, 心情又好左, 唔通真係肚餓???

============================================================

15 NOV 2014
 今日又黎快閃INTERVIEW 11:20AM--> 12:00PM
依兩間係最心儀架, 為免好似尋日咁大爺玩野
大爺爸話佢尋日係因為肚餓, 所以我今日一早煲定粥
10點就餵到佢飽飽先出門口WAKAKAKA

6th INTERVIEW
11:20AM

全個北區家長都想入呢間, 其實我地都係碰下運氣, 因為呢間係in家長多

首先之前報名後就派左份問卷, 有2條問題, 要今日交 ((暈))
 (1) 你對於"棒下出孝子"這句說話有何意見? 這對你教養子女有何啟示呢?
(2) 你同意"想像力比知識更為重要"這句說話嗎?請分享之

今日又係group in, 兩個家長陪, 不過今次就唔係pg咁啦!
有六個小朋友圍住枱坐, 家長坐小朋友後面, 有三個老師坐前面
首先in小朋友先, 逐個問, 未到既玩住玩具先
 問咩名, 幾歲 , o係個碗入面拎粒紅色波波出黎
俾個匙羹, 筆啲波波去另一個碗度
老師o係個袋拎三樣野出黎, 問o係乜黎, 然後再一齊放返入去
((大爺全部都答到做到, 同埋佢今日心情好好, 答得好醒神))

最後 問家長, 全部家長可舉手作答
問左2條 
(1)你覺得學校課程有咩特色?
(2) 你覺得咩係家庭教育
((大爺爸兩條都有擧手答, 不過其他家長都好戰鬥格, 大爺爸未必答得最好))

最後老師送禮物, 講多謝, 拜拜, 完成~~

 總結:我覺得大爺表現好好, 答得好醒神 (唔通食飽係好啲?)
大爺爸就答得未必最好,如果唔收應該係大爺爸答得唔好wakakaka
((不過我都係唔好話佢, 因為我個腦一片空白都無舉手答XDDD))
但份問卷聽啲家長講, 係都幾重分既, 希望份問卷幫到手
不過呢間真係好多人爭, 個個家長戰鬥格咁
學校亦都好睇家長睇法同佢學校既理念一唔一樣
如果收左大爺, 真係要大大大大大大力慶祝 

============================================================

 7th INTERVIEW
12:00PM
好彩頭先o個間準時in, 又唔使太耐就in完..可以趕得切in埋呢間
因為呢間又係好心儀架~~~我真係好好好好開心!!!
其實行過隔離就係架啦, 行十幾步就到..XDDDD

早左3個字, 佢都俾我地入, 好快排完到交登記, 又好快排隊等
又好快排到入課室IN...又好快IN完

一個家長陪IN, 呢間又係group in, 起碼有十個小朋友
有好多玩具俾小朋友自己玩, 大人可以陪玩
老師就從旁觀察, 之後就會過黎問下小朋友問題傾下計
派禮物, 講多謝, 咁就in完喇!!!快到無朋友..wakakaka
((大爺表現好好,坐定定同大爺爸玩lego, 老師問, 佢又答得好好))

總結: 呢間同頭先個間又係北區最愛歡迎學校之一
不過呢間入到真係講運氣, in2000個收120個
面試過程快到無朋友, 真係睇下老師有冇留意到你

==========================================================

終於完成所有面試喇!!!
YEAH!!!

 大爺爸話大爺表現好好, 好叻仔
忍唔住要買架車車獎勵佢!!!!

大爺都好開心啊!!!!

睇到大爺咁多次面試, 真係好叻仔,媽媽真係感到好安慰~

唔理結果係點~~YOU ARE THE BEST!!!

未IN晒既BLOG友們, 繼續加油啦!!!!

[[BIG YEAH]] 消防局開放日

9 NOV 2014

消防局開放日

上年都有帶大爺去開放日, 今年都唔執輸
消防局行幾分鐘就到, 又有免費既地方玩XP

幫佢坐係電單車影返幅型仔相都好啊嘛..HAHA

以上年經驗, 一開即去就岩喇, 越晏越多人((係超級多人先岩))
10:00AM開, 我地準時去到啦..YEAH!!!

[[BIG YEAH]] K1大作戰 -- 快閃interview

8 NOV 2014

快閃interview

9:00>> 10:00 >> 11:00

本來10:00個場唔去in, 諗住趕唔切

點知9:00個場半個鐘搞掂晒, 結果就決定去in埋

橫掂交左$40報名費, 唔好蝕..XDDDD

2nd INTERVIEW
-- 9:00AM -- 
準時到達, 1個家長陪in
當然呢個重任又係大爺爸黎啦!!

大約9:30am前出返黎
大爺爸話依間係group in
好似上pg咁, 唱歌仔玩遊戲 (有其他老師側邊觀察)
大爺表現唔錯, 有參與, 玩得好開心
之後老師淨係叫家長坐前面, 每個家長都問下問題啦..
小朋友就後面各自玩玩具 (都係有老師側邊觀察, 同問下大爺問題)
大爺爸話佢偷望到有小朋友搶左大爺玩緊既玩具
不過大爺無搶返

總結: 大爺爸話老師好似好鐘意佢, 成日向佢發問
老師又好似好留意大爺咁喎, 佢覺得呢間有把握
((嗱~呢啲佢自己覺得咋, 有少少自作多情...wakakaka))


3rd INTERVIEW
-- 10:00AM --
去到o係門口排左陣就入得, 又係1個家長陪in
唔夠10分鐘就拎住粒棉花糖出返黎, 我就問, 做乜咁快...有冇in架??
大爺爸話, 大爺全部好快答岩晒就走得..

例牌問, 叫咩名, 幾多歲, 傾下計
將老師講既顏色積木按指示疊高
眼耳口鼻, 併圖 大約呢啲問題
 
總結: 大爺爸又話呢間有把握喎=.=!!


4th INTERVIEW
-- 11:00AM --
一批11:00AM IN既人O係門口排隊
我諗排左幾個字, 成批人放入去, 登記啲老師講英文
但入到去同我地打招呼有啲老師又講國語
之後就一大批人,係禮堂度好多玩具俾小朋大玩黎等interview啦!
又等左幾個字, 又唔覺得耐, 因為大爺玩住玩具等
但feel到大爺開始眼瞓, 雙眼無神了 (今朝又六點幾起身=.=)

嗌到我地喇!呢間可以2個家長陪 (我終於有份參與kaka)
老師例牌問 叫咩名啊, 幾多歲 (掛住玩枱面啲玩具無望住老師答)
問呢個係咩黎~~答:fish黎架
問生果~~答: 蕉蕉, 橙橙, 雞旦
又叫大爺俾條蕉蕉爸爸食 (請佢吔蕉..kaka)
老師又話, 咁好啦, 我又請個橙你食啊..
大爺接左個橙, 話" 都唔凍既" ((平時食生果要食凍既先肯食))
之後拎左架車車出黎 (大鑊), 大爺見到雙眼發光, 係咁車車, 我想要車車啊..
 老師就問大爺咩色, 答岩左送俾大爺, 答完老師俾佢時問, 要講咩架?? 大爺:多謝~
臨走問, 你件衫好得意, 有款眼鏡, 可唔可以借我帶啊
大爺" 可以, 但係假架喎, 唔拎得出黎 "
say bye bye, 泊埋張凳

總結: 呢家都算心儀,大爺開頭無望住老師答問題, 有少少心散
雙眼無神, 好眼瞓咁, 無頭兩間咁有把握


in完拿拿淋返屋企, 但短短車程, 大爺己經頂唔順瞓左~

[[BIG YEAH]] K1大作戰 -- 有好消息(更新)

大爺第一間interview既學校, 尋日可以上網睇結果

o係60個正選號碼中搵到大爺0525既號碼

o個一刻既心情真係難以形容, 再加少少難以置信...

雖然呢間唔係我最心儀既, 但依家有一間收, 個心都定啲!

黎緊今星期in個三間, 都係我心儀, 希望大爺繼續努力..

更新:

終於收到信啦, 係安排左上午班, YEAH!!!
 

[[BIG YEAH]] K1大作戰 -- 1st INTERVIEW

住北區, 再加上龍年, 競爭真係好大
大爺又唔算好標青,  叻過佢既大有人在
樣子又唔太可愛吸引唔到老師 (但係我心目中好可愛XD)
所以我都唔敢掉以輕心, 報多幾間為妙...
一共報左9間, 但其中己經有3間撞左時間, 即係得返6間

1 NOV 2014

終於黎到呢日啦!!
大爺人生第一個面試, 真係好緊張(大爺爸)
我又唔係好緊張..WAKAKA..因為大爺爸負責陪in..
 
平時真係好少買恤衫俾大爺, 因為覺得大爺著左好傻仔KAKA
褲又係,平時都係sporty為主, 何來一條斯文少少既褲呢..
即係全部都要買過晒!!

一早起身, 大爺就俾大爺爸搞到好抗奮
(話左唔好搞到佢咁=.=仲要唔認自己搞到佢咁)
出門口大爺以為去農莊(之前話面試完去農莊玩)
呢條友仔又要帶帽又要帶太陽眼鏡
唔俾佢帶又we嘩鬼叫 , 死都要帶住~

結果就係咁出門口啦!!仲問我有唔有型..(暈)

o係途中,幾經辛苦先俾我收左佢款超同帽
沿途大爺都依然好抗奮...., 大爺爸仲問我佢今日做乜事
((=.=咪有人今朝同佢玩到咁抗奮囉, 仲問乜事, 哼!!))

到左門口排長龍, 分時段入
仲要出門有個公園, 一見到己經跑左過去, 我即刻捉住佢
話面完試先玩, 但實在有排都未入得, 結果都係阻止唔到佢

中途有個姐姐唔俾大爺行o個條獨木橋
結果打左大爺個頭一下, 我都估到大爺又係企係度唔郁, 又唔避又唔擋
我就拉開佢, 話呢度都唔好玩既, 我地返dad dad度,我講故事你聽啦..
(唔知咩事大爺成日o係公園都俾人打頭)
yeah!!終於成功令到佢坐定定..我突登帶左本好厚既書黎講

 我諗等左45分鐘終於入得去
 大爺爸人緣好啲, 有異性緣啲,口水多過茶啲,
老師應該鐘意啲掛......所以陪in呢個重任交俾佢啦..
大爺出黎好開心咁拎住張thomas貼紙 , 仲話我叻叻貼左張俾我
((係咪想讚我叻叻負責o係出面等??XDDDD))

大爺爸講返: 老師問既都有答啦, 答岩晒啦..
係中途俾架玩具車車吸引想離開o個位, 不過最後都無
一致上都好滿意!!
((車車真係大忌, 希望下次面試唔好再有車車係度..haha))

 

大家都繼續加油, 過埋呢個面試月就可以去玩喇!!

[[BIG Yeah]] 31個月 -- K班大作戰(((暈)))

21 OCT 2014

[[BIG Yeah]] 31個月

實在太忙, 太多事苦惱緊, 遲左兩個星期先打

一向都好hea既我, o黎到大爺報K既日子, 都要認真起黎

每日返工必做既事就係, 留意心儀既學校website幾時可以報名,

報完又要留意幾時in, 又要物飾定大爺面試既服裝

其中一間要答既問卷~~~見到真係想暈

 講返大爺今個月先 ((31個月))

生活轉變: 呢個10月嫲嫲開始退休

公公一早講明, 嫲嫲退休俾返嫲嫲湊, 不過我最後爭取到公公湊返2-3日

公公湊 星期一, 五, 六 

(星期六我開始返長短週, 下年可能唔使返, 可以多一日對住大爺喇.HOHO)

嫲嫲湊 星期二, 三, 四 

(星期二, 四朝早返1.5hrs pg, 突登安排嫲嫲湊呢2日, 大家明嗎?XD)

不過朝早嫲嫲黎湊, 一開口見到, 大爺依然扁咀+喊 +痴住我

仲要傷嫲嫲心, 次次都話"媽媽你唔好返工, 我唔要嫲嫲啊, 我唔鐘意嫲嫲啊"
 
但公公黎又無事, 甚至連少湊既婆婆黎都無事bor~


認知方面:  突然間開晒竅
 PG度今個月有免費評估講座俾考K1既小朋友
老師打返黎話, 大爺全部都做到, 有望住老師答問題
形狀, 顏色,數字, 字母都無問題
UM..其實我都幾出奇, 因為我唔知大爺認到數字同字母
好耐之前問襯佢都亂答我. 平時都無教佢認字,聽到老師講我又返去考下大爺
噢!真係大部份都答岩晒~唔通佢知自己要面試, 突然間開竅


 說話方面: 依然講唔停
有問題答, 仲識反問你, 同反駁你, 好老積, 有時仲醒過我
依然好識氹人, 成日把口浪過油,有時聽到佢講野令我好窩心

有次好凍, 我:"軒軒你就好, 有外套著, 媽媽無啊"
大爺:"吓, 你無啊, 唔使擔心啦, 我大個仔賺錢錢買過件俾你啦,
我好似媽媽daddad返工賺錢錢啦"
我:"你點賺錢錢, 你咁細個"
大爺:"咁我俾心機讀多啲書啦, 讀多啲書就得架啦"
((嗱,佢唔只對我咁,後來我發覺佢應承左好多人=.=!
公公, 婆婆, 宜姨, 姑媽, 嫲嫲.....佢係咁話大個買呢樣o個樣俾人囉..
細細個就"咩"起咁多債, 大個有排還XDDDD))

戒片片方面: 夜片仲未戒 ((原因, 我懶..XDD))
依家連出街都唔著片, 我會帶定個密實袋仔, 或者細樽仔
以防不時之需!!因為大爺好鐘意o係唔適當既時候急v v

食方面:越黎越麻煩
一向有少少潔癖既大爺, 連食方面都有
白飯有少少汁o係面又話污漕, 唔肯食
生果有核o係中間又唔肯拎

慶祝大爺爸生日@環保農莊

01 NOV 2014

慶祝大爺爸生日@環保農莊BBQ

近排好忙,幫大爺報名K1, 日日就上網睇學校資料

有間仲要填問卷(兩題, 仲要俾八行位你填),我呢個hea媽真係頭都爆埋!!!!!

今日朝早同大爺完成佢一生第一場面試後,

加上今日係大爺爸既生日, 一於約埋啷啷細佬去玩下先..

地點: 元朗環保農莊

 錦上路 西鐵站一出,過條隧道就見到, 好方便

原來隔離係hello kitty 農莊,本來想走既時候順便望望

可惜己經天黑, 所以無入去

BBQ$100/一個人/四個鐘 - 包兩個飲品

呢度其實好細, 如果你地唔係BBQ, 好開行完玩晒!

BBQ呢啲粗重工夫緊係男人黎啦HAHAHA

我地呢啲女人當然陪小朋友玩啦~~~

呢度好多大肥兔, 一啲都唔怕人

俾$5買一兜蘿蔔絲就可以兩個人入去餵

無限時, 你可以慢慢玩慢慢餵

Happy Birthday to BBB @海濱公園

19 OCT 2014

Happy Birthday to BBB @海濱公園

多謝融融媽邀請, 大爺又有得同一班小朋友玩喇^^

 出發未行到火車站扭抱=.=!!通常扭抱佢都係眼瞓
抱左行唔夠幾步佢己經暈底左..結果去到大埔上商場搵個位坐
 等到佢瞓醒先再行, 如果唔係我隻手會斷..


去到同一樣係車迷既豬脾玩下車仔先

[[韓燒]] BBQ Military Tsuen Wan

8 OCT 2014

[[韓燒]] BBQ Military Tsuen Wan

近排韓風好勁, 我同啲朋友都愛上食韓國菜

好多時約食飯都會食韓燒, 我最愛, yummy!!

知道尖咀BBQ7080 o係荃灣開左分店, 

加上契媽生日, 我地兩家人就去試下

之前食過尖咀個間, 其實覺得麻麻地, 又迫又限時

不過聽朋友講荃灣呢間無乜人, 唔會趕你走, 仲有野玩添

所以黎試下!!

連個水樽都好貼合主題

((重點: 生菜係免費無限添的, 正~~ 之前試過第二間唔包, 仲要一兜好貴))

補祝波哥生日@科學園

1 OCT 2014

woo, 今日放假, 約左兩個小可愛同大爺玩

同埋補祝波哥生日!!

今日好好天,我地去左科學園,食完飯可以放下電

呢間餐廳對住個海,環境好好啊~~

食完飯豬脾媽預備左個旦糕
三個小朋友見到旦糕雙眼發亮

[[公,婆,孫 三人組]] + ME 親親大自然

5 OCT 2014

[[公,婆,孫 三人組]] + ME 親親大自然

今朝一早公公就打黎搵大爺問佢去唔去農莊
大爺挭係答去啦, 但轉頭又同公公講:"媽媽呢, 但係要媽媽一齊去"
見你咁愛我, 懶惰既媽媽我唯有捨命陪仔XDDDDD

好彩........今日涼風陣陣, 唔太熱
行起黎都舒服啲, 如果烈日當空, 我應該半路中途暈左..

~~~~~好!!!出發~~~~~

大爺個背嚢係婆婆N年前買落無乜點用, 呢家俾左大爺
好FIT身啊~~哈哈
公公仲拎左掛頸電話繩個扣縫左係前面
唔使佢跑跑下甩, 真係細心

[[BIG YEAH]] 我兩歲半喇!!

21 SEP 2014
大爺兩歲半喇!!!!

最開心說服到大爺爸一年一度既旅行帶埋大爺去!!
好期待~我諗連大爺都好期待
因為有次星期日問佢, 今日想去邊玩
佢竟然答我"嗯~~~UM~~我想去日本"
我"吓, 日本, 好遠架喎"
大爺"要搭飛機架, 好似虎虎同公公咁"
好, 既然你咁想去日本, 今次好大可能會帶你去日本

炎炎夏日遊長洲

14 SEP 2014
熱辣辣長洲遊

又係難得大爺爸放星期日既日子, 當然唔會放過佢, 嘿嘿!!
我地約左契仔一家遊長洲
想當年, 我同大爺爸都成日去長洲拍拖架..真係好懷念


約左十點碼頭等再一齊出發, 咁岩係慢船, 我地揀左豪華位, 有冷氣嘛!
等船開左就帶佢地出出面睇海睇浪

兩父子, 有冇型??

[[BIG YEAH]] 中秋節快樂!!!

8 ~9 SEP 2014

大爺第二年既中秋節

咁岩大爺爸放假, 本來都想PLAN下去遠啲啲

不過天氣唔係咁好, 打消左呢個念頭...結果都係o係樓下平台公園玩

不過平台玩都ok, 好多人好有中秋氣氛

o係奶奶度食完晚飯, 近近地o係奶奶屋企樓下玩一陣先

我地買左盒蠟燭俾大爺開下眼界 (俾佢睇我地玩..XDD)

細個時中秋節點少得點蠟燭呢

不過我地都係點幾支過下癮算

大爺初初都好好奇, 不過睇睇下自己又無得玩既, 無興趣睇落去

轉個頭走鬼左去lu!!!  臨尾佢唱埋生日歌吹熄晒我地就收埋啲蠟燭