廣州婚紗街

話說九月可能又會影輯免費既pre-wedding

雖然哥哥可以幫我影多幾次, 不過都想試下其他攝影師..

今次多得syliva我先有多輯相咋

今次同syliva兩pair一齊影, 地點行程8月先約埋攝影師出黎傾!

 

所以今日同syliva上婚紗街造婚紗

我其實唔使買, 屋企仲有2條o係度!!不過都剪左d相去問下價

 

兩個女仔返大陸, 仲要去咁遠真係第一次

好似好危險咁!!!

噢, 去廣州一程都要$80, 都幾貴!!

搭到去廣州, 仲要轉地鐵

嘩哈哈, 兩個傻婆到站無落車, 結果又搭返轉頭...

點解廣州d地鐵咁多站轉架!!

 

搞到五點幾先去到

即刻去返之前syliva 個fd 造過o個間...

點解得個男人o係度架???? 佢又唔清楚咁, 答又答得模糊

問佢幾時仲要諗左好長時間

結果白行一趟!!!

 

算....去下其他舖頭問下...

依我地d相造都要成500-700蚊人仔=.=咁貴!!

佢仲要話得八成似添...

 

好彩後尾入左間買現成既婚紗

$488, 都有十幾款揀

終於有收獲喇, syliva揀岩左, 試左都fit身

可以即刻拎走!yeah~~唔使左上黎喇!!

 

**感想**

點解d大陸人咁鐘意迫...係咁迫...

推住人地上車, 又推住人地落車

仲要貼住人地黎行架喎!!!火都黎!!!!

架車又唔係有位

行咁快都無位坐架啦, 迫乜鬼???

真係好討厭!!!

 

 

 

 

 

 

大妹wedding@九展煌府

今日大妹BIG DAY丫

九展煌府...返工又九龍灣, 放假都要返九龍灣

 

七點幾去到

wow, 好靚丫九展煌府, 夠晒大

怖置仲好靚添!!

同大妹影完相大家無無聊聊就周圍逛

 

嘩............靚女丫!! ((嘔))

咁早去到又影完相坐底周圍望

噢, 好彩洛洛到左, 可以解悶喇!!!

周圍騰黎騰去

影影影

個場D冷氣真係唔夠

玩到我地出晒汗

 

終於等到大妹出場

嘩, 出場對門一大開, d輕煙好勁

wakakaka, 好似火燭咁, 好大煙..

 

woo...長拖尾, 好靚丫!!

我都鐘意拖尾!!

.......

........

 

新郎唱歌幾好聽bor..

初頭一路睇住片播呢首歌,

我地仲誤以為係張國榮添!!

直至新郎打開門入黎o個一日我地先知原來係佢現場唱緊

嘩, 真係好suprise..

原來首歌新郎突登搵人做黎送俾新娘

真係好sweet!!!!!仲送埋99支玫瑰添..

 

至於食物方面

我無乜時間食真佢,

因為洛洛小朋友走左過黎玩

仲坐左我半邊"登"

 

十一點幾閃人, 成十二點幾先返到屋企

但我都預左訓唔著

次次去完人地d婚禮, 我都訓唔著

實在太抗奮喇!!

 

 

Toy Story 出奇蛋

尋日哥哥o係惠康見到呢盒野

第一時間打拎黎問我.....使唔使買俾我...

緊係要喇!!

 

好多人都知我一向都鐘意3眼仔

但睇完Toy story3之後.

仲鐘意埋隻士多啤利熊丫!!

真係好想買隻返屋企...

呢家開左一隻旦

=.=係豬黎...

都好過係隻八爪魚既...

唔知其餘o個兩隻係咩呢???好心急!!

 

 

呢隻弱智版既巴斯光年老細送

佢成日出trip或者上網見到d得意三眼仔都買買俾我.

不過今次點解係巴斯???

都幾得意, 係個樣低能左d..

 

星期六, 難得妹妹唔使搵佢既愛郎..

去左元氣嘆下先...

無無聊聊又一天!

聽日去飲....我親愛的大妹大喜日子!

 

Toy Story3

好耐阿比無放星期日喇!

倆口子去左睇3D TOY STORY3

因為老細俾左2張免費飛我, 今個月尾到期

所以拿拿淋睇, 唔好蝕..

3D只需每人加多$15就有得睇

又限返唔少!!WOHOHOHO!!

好多人睇TOY STORY, 坐到第四行=.=

等入場前, 無聊又影下相

我最愛既三眼仔, 因為佢青色

見到佢隻耳仔就好想met爆佢..

呢場士多啤利味既熊OK有得儲印花換

好想換丫!!!!!!!

其實都係一塊怖景板, 俾我地影完又影

嘿嘿, 有得睇喇!!!

其實都唔覺3D既...TOY STORY 3D黎做乜呢??

睇完: 好睇好睇, 第3集好好睇

個爪丫.....個爪丫.....

WAKAKA睇左既應該明我講乜!!

 

睇完周圍SHOPPING下..

shopping下又買野喇=.=唉!!!

Quicksilver買滿$600減$300丫...抵到呢...

阿比呢d咁鐘意去海灘既人又忍唔住買野喇!!

咁抵唔買真係對唔住自己!!

 

行到咁上下去醫肚...

石燒

都幾好味bor...下次可以再食!!

 

咁又放完假喇, 又要返工=.=

放假d時間過得特別快!!

 

 

通淋巴-前後分別

又匯報下我通淋巴進展

 

通淋巴都有3-4個月時間

對我呢d長期坐o係office, 成日打字, 少運動既人黎講..

真係好work!!!!

 

今次有相為證, 線條出返黎喇!!

 

第1張相:

3月岩岩join左3V,上去試免費送o個件婚紗

**留意下膞頭部份**

自己本身唔係肥, 只係個線條古怪, 尤其是個膞頭, 背部

個膞頭由於長期坐, 經常打字己經變到又腫又厚

A字膞咁, 好圓潤!!!真係想死...沒有線條

第2張相:

5月, 隔兩星期通一次,

通淋巴4次後, 即刻見到分別

 

第3張相:

7月, 影pre-wedding前上3v試衫

背部薄左好多, 膞頭附近再無腫脹

鎖骨位終於出返黎...手臂都無咁粗

((但都有待改善))

 

通淋巴最有效係去腫, 通順返淋巴, 做埋運動就會瘦得快d

幫我通淋巴既阿姐話" 淋巴塞左,做幾多運動都唔會瘦"

唔知係咪真呢???

 

不過我輕左, 應該係我既食量少左

多菜少肉, 希望結婚前都會keep到!!

好驚又變返大食..

 

之前目標係95磅, wakakaka, 完全達唔到呢個目標

算!!!!我呢家目標改左..

黎緊係令隻手既拜拜肉再firm d, 實d...我己經心滿意足!!

 

由於之前為左pre-wedding有返個膞頭,

每次去通都係通上半身

呢家仲有一段時間先到BIG DAY

所以黎緊會上下身一齊通

到時再同大家匯報!!

 

 

 

 

遊樂場@公司

我個位附近超級多玩具

連木頭車, 單車, 梳妝枱都有=.=

真係成個遊樂場咁..

好彩唔會有客行過黎, 如果見到......真係....

 

今日洛洛大小姐仲自己舖晒墊o係地下扯我埋去

噢...佢話呢度係海灘喎

要掘沙, 砌船,釣魚

就係咁......我lunch既私人時間就送左俾佢喇