六月中某一日 (唔記得幾時喇)
大爺鼻塞, 又有幾聲咳
安全起建都帶佢去睇醫生
因為我要返工, 阿比負責帶佢去睇醫生!!
醫生話佢無發燒, 大爺係氣管問題
但我收到阿比send黎張相嚇一跳...............好鬼多支藥囉
不過好彩, 有啲係醫生開定, 有需要先食(for看門口用)
大爺對呢啲藥反應好大差別!!
隻隻色都食到lamlam脷, 但一食到橙食, 好似中毒咁..
不停係度典黎典去咁...=.=好恐怖!!
明明我食過係甜既橙味....幾好味啊....都唔知佢做咩咁痛苦
但食左藥, 大爺都仲係鼻塞
之前買左個吸鼻器, 好似個細揼咁既, 吸黎吸去都唔得..無料到
見佢透氣透得咁辛苦, 我試下用口吸=.=都係唔得...
經同事介紹左買下面呢種
尖個條對住大爺個鼻, 另一條我用口吸
真係掂!!!!!一吸就聽到大爺啲鼻涕上緊去!!!
kaka..終於吸到喇!!
大家未買既, 可以買呢款看門口...
2012年6月29日 星期五
大爺小病 + 吸鼻器(推介)
2012年6月26日 星期二
3個月 - 識轉身
21 JUN 2012
大爺三個月喇!!!
三個月既大爺, 肉多左 (大家都應該睇得出)
成日要人地望住佢, 連瞓覺都開左一條線既眼黎昅住我
同埋成日撩人講野
不停係度嘰嘰咕咕唔知講乜鬼
我唯一聽得最多係"阿BU"........成日係度"BU""BU""BU""BU""BU"...
BU到近排成日落雨@@
越黎越多反應同表情, 越笑越誇..
真係見到佢啲表情, 明明佢扭緊計整炆我, 我都俾佢
o係大爺3個月前既一日, 即係20號
返返下工, 公公send左段片黎話大爺識轉身
((我唔識點整段片放blog度))
段片睇到大爺自己好努力, 好努力咁轉
公公話見佢咁辛苦, 諗住幫佢一把, 點知一幫就喊
一放返佢係度又唔喊, 要自己轉!!
轉左3分鐘終於成功左
自從呢次之後, 大爺越黎越識轉, 越轉越快
連換片時都想轉
不過佢轉左落去, 係唔識轉返上去
好似呢幅相咁, 轉左落去, 佢個頭就申到好高, 仲定左係度好耐
唔知係咪諗緊辦法轉返上去呢???!@@
左望望右望望, 隻手隻腳又不停郁, 可能係想轉返上黎
點解咁好力 , 可以定係度咁耐???唔攰既咩??
見佢死不敗休咁, 真係好好笑
成隻肥青蛙咁young下young下咁..好過癮!!!
2012年6月20日 星期三
戒夜奶
大爺終於戒左夜奶喇
早o係五月尾開始己經幫大爺戒夜奶, 因為我6月1日開始要返工
唔想返左工後仲要半夜起身餵奶
o個時大爺通常三點幾, 四點幾就醒
佢醒左無人理佢就會大喊
=.=喊到咁大聲唔理佢都唔得啦!!
初頭真係好心軟, 見佢喊得咁淒涼就忍唔住餵奶俾佢食,
有晚試過餵水, 成功左, 佢飲完又瞓返
諗住第二日再醒又餵水俾佢, 點知佢今叻, 試左少少, 發覺係水就頂返個出黎=.=
最後我又餵奶俾佢!!!
又有晚佢醒左喊, 我諗住塞個奶咀俾佢, 等佢咪鬼嘈啦,
都係唔成功, 因為大爺唔鐘意食奶咀
放左落去又頂返出黎, 我就好努力咁執完又塞, 重複又重複都唔成功,
結果又係餵奶俾佢!!!
所以到我返工都未成功戒到夜奶..
6月1日終於返工
同另一個同事研究, 點解大爺瞓唔得耐
我留意到佢成日"扎"醒, 瞓瞓下雙手一呻就"扎"醒喊
係咪佢覺得無安全感呢?? 之後拎啲被, 枕頭圍住佢, 都係唔得
所以同事建議我試下保嬰丹 (佢個囝兩個月食完就瞓得安隱左)
咁我又黎試下!!!
,
((BB過左一個月可以食架喇))
用一匙溫水倒一支保嬰丹, 用牙籤攪混,
再針筒餵佢
=.=我諗應該係難食, 佢食到苦口苦面咁..
成效: 嘻嘻, 一日比一日瞓得耐
第一日仲係四點幾醒
第二, 三日就五點幾
好似第五日度, 開始瞓到六點幾
有一日
我好反賤, 唔知係咪慣左,六點自然醒左等大爺起身
諗住佢好快醒, 等到七仲未醒...我又瞓唔返..
等等..等....又影下佢.....等到七點幾先起身!!!
平時起身無人理會狂喊
我今日試下唔理佢, 佢又無喊喎, 眼仔碌碌咁..
唔通啲保嬰丹咁有用??
希望佢KEEP落去唔好再食返夜奶啦!!!
2012年6月16日 星期六
Karson - 2個月傻仔相
呢家除左返工外, 其餘時間都俾晒大爺
所以打blog唔可以再o係屋企進行, 呢家o係公司偷偷打blog!!
不過, 又係懶關係, 費事搵相喇....下面啲相張全部o係fb post過晒
嘻嘻!!!大爺唔敢望我
我係媽媽啊.........做乜避開我???
有一日, 爸爸幫佢剪手指甲
點知......................
突然大爺慘叫"啊~~~~~~~~~嗚嗚嗚嗚~~~~嗚嗚嗚嗚"
爸爸剪走左佢小小肉 哎唷唷, 喊到好淒涼啊!!!
不過好好笑, 佢個咀可以彎到咁
成個囧樣咁
囧囧囧囧囧囧囧囧囧囧囧囧囧囧囧囧囧囧囧
wakakakaka!!!
嗱, 唔關我事架, 雖然我好想生女, 但我點都唔會搞到佢變女仔
呢啲係o個啲變態姨姨所為
啲fd成日話我變態, 其實佢地都好變態!!
其實我懷疑大爺有思覺失調
佢個樣可以話變就變
o個頭笑完, 下一秒就扁晒咀, 再笑, 再喊..
究竟咩事令佢心情大起大落呢???
大爺呢個名, 我改得好岩
佢真係無時無刻都擺個大爺款出黎!!!
1比1 size
大爺啲肉日漸澎脹......拍定住士多啤利熊!!
食完奶奶high大左既滿足樣!!
雖然笑到好傻仔, 但真係好冧屎媽媽......
真係好想啜爆你!!
開始俾大爺扒係度, 等佢用下條頸力
扒扒下又high大左=.=!!!!!!!
又反眼又傻笑 , 唔知佢想點囉
((我真係覺得大爺笑到成個傻仔咁, 可唔可以笑得型啲呢?))
用力用得太耐, 攰得滯, 瞓埋
2012年6月15日 星期五
2012年6月6日 星期三
第一次帶大爺搭巴士
03 JUN 2012
星期日 親子日
呢家決定星期日絕對唔會棄嬰
我要親自湊返大爺, 去街都要帶埋大爺去!!
今日第一次用揹帶
去邊度玩????
搭巴士搵爸爸接爸爸放工...呵呵呵!!!
第一次自己帶大爺出去, 事前餵飽佢食奶,
等佢乖乖地, 唔好O係巴士度喊
慈母LOOK
大爺細粒到見唔到個頭
諗住大爺搭車會周圍望下
點知, 一落樓己經瞓.....瞓瞓.....
我地去左食飯又瞓, 行街又瞓..
連過左鐘食奶都仲瞓緊
俾著平時, 早成個幾鐘己經扭食奶, 喊到拆天
我呢家有理由相信, 佢唔鐘意O係屋企..
返到屋企樓下, 有個細佬仔係度喊, 勁喊...仲喊住同佢爸爸講喊到透唔到氣
((我自己都想笑個細佬WAKAKKA..不過忍住..))
點知大爺偷偷地笑, 笑到個身震晒
仲笑左兩次添...
唔通大爺都笑個細佬????
返到屋企大爺即醒, 仲扭奶食
次次出完街返到屋企佢都即醒....唔通聞到屋企陣味???
食完奶睇佢個樣似想痾AA
我就逗佢痾
((((阿比成日話我買埋啲騎呢衫俾大爺, 搞到佢騎騎呢呢
明明大爺就係行騎呢路線架啦!!點會係行得意路線啫=.=)))
呢家如果見到佢夜晚個餐奶都未痾AA, 我都會逗佢痾
一路向住佢"唔"...."唔"...."唔"咁........佢又會用力"唔"....
都幾得架喎, 有幾次佢都會痾
High tea @Agnis B
2 JUN 2012
TEA@ ANGIS B又一城
放工同三位好友去嘆個tea先返屋企湊仔
呢家生完終於可以飲返COFFEE喇!!!
返左工之後日日都飲..WAKAKAKAKA...
I LOVE COFFEE!!!!!
呢個TEA幾岩我口味
樣樣都OK....下次可以再黎食...YEAH!!!
好開心又RELAX既一個下午
RELAX過後要返屋企同大爺對戰
訂閱：
文章 (Atom)