莊大爺DAY2 @醫院

襯阿大爺訓左, 我自己又訓唔著, 打下BLOG先

唔係真係追唔切!!


DAY 2

2012.3.22

尋晚姐姐拎走BB之後, 我就可以休息喇!

但係成晚都訓唔著

隔離啲BB全晚不停輪住喊, 仲有啲媽媽訓到扯晒鼻寒,

我平時太醒訓, 全晚眼光光到天光



天光, 六點幾, 姐姐就黎問我落唔落床, 有冇暈,

我訓係度又唔覺暈

佢叫我試下落床去廁所

落個下好似少少暈, 但都行到...傷口都仲痛緊, 行到超慢咁去廁所

去廁所坐底又要換產後巾, 又要清洗傷口, 搞完一輪開始見暈,

即刻拿拿聲出返去, 阿姐姐全程都係門外等, 驚我暈

暈住咁又慢慢痛住行返去床!!


上床等醫生檢查完, 姐姐就推返BB俾我喇!!

惡夢開始喇, 由於我餵人奶, 我要不停餵佢,

每2個鐘餵一次, 一喊又要餵, 驚佢餓!!



終於等到探病時間!

爸爸黎喇, 爸爸行樓梯上8樓好心急見你

因為探病時間LIFT口勁多人等..



做人爸爸喇!!哈哈, 不得成日周圍去玩喇.....嘿!!!



仲有婆婆公公黎喇!!!幾開心.......



今日下午既餐都不過不失啦, 醫院啲野會有幾好味啊...

我都預左, 當順便食清啲當減肥..哈哈!!



夜晚探病時間

哥哥, 阿嫂, 妹妹, 奶奶, 大姑奶都黎左..

我己經俾個仔玩左成日, 唔記得影相添...


衰仔!!唔訓啊嗱....

媽媽傷口仲痛緊, 又要上上落落湊你食奶

攰到手根青根都現埋....




由於我中左B鏈, 所以BB要留院48小時先走得,

我亦都未出得院!!

眼見隔離同日入黎既都出晒院, 真係好羡慕啊..

真係好想沖涼啊, 成個人都唔舒服...

36wks5days我生左喇喇喇喇喇!!!! DAY 1

2012年3月21日 

生左隻小魔怪出黎喇!2.71 KGS

12.3.21

呢個no. 好好, 12321






3月21日照常返工, 仲好快手整完野,

見有時間就黎放產假, 執乾淨枱面...

唔知BEBE係咪知, 下面開始個肚三角位怨怨痛, M痛咁

怨到我都懷疑係咪陣痛

去廁所望下, 點知見紅, 有少少血

當時好緊張, 但又保持鎮定返埋位同會計講我見紅要去醫院

會計小姐即刻好緊張, 係超緊張, 仲話要即刻CALL的士

係喇, 佢幫我CALL完的士個神情係仲緊張過我..


然後我執好晒野, 打俾阿比叫佢拎個走佬袋去醫院會合 (好彩佢當時放左工)

阿比聽到之後, 都係好冷靜, 仲問我佢係咪搭的士定搭巴士

頂, 緊係搭的士啦...WAKAKAKA


我就由阿KIT陪我去醫院

五點幾到達, 兩條友仲要行錯路, 去錯地方HAHA!!

搵返F座, 阿比己經到左等我地

我就同姑娘講見紅同陣痛, 姑娘就安排我檢查!

當時己經開到2度喇!!!!


即刻叫我換衫, o係待產房駁機

插埋呢舊野(因為我有b鏈, 每四個鐘要打抗生素)

不過去左產房佢又幫我吊左鹽水(我唔知有冇聽錯)



哈哈, 偷影, 姑娘話唔俾影相但生仔咁大件事, 緊係影低留念啦!!

駁左機, 姑娘話一陣痛就禁制



當時己經5-10分鐘痛一次,其實真係痛,  但我仲忍受到!!

多謝kit子送我黎啊...哈哈!!!!



七點半食飯, 我己經痛到無心機食,

但唔食我又驚無力生, 所以我係咁食係咁食!!


探病時間過左, 阿比同kit要走lu...

叫左阿比返屋企沖埋涼先黎, 我諗住自己有排等

因為對面床個女仔, 朝早九點入院, 到夜晚都係開左3度..



我啲痛開始越黎越密, 突然間.................穿水... (阿比走左無耐就穿水)

仲要係好多, 即刻叫姑娘...

大家好緊張, 幾個人入晒黎check...好尷尬囉, 幾個人望住我下面

check完唔鬼知佢地講乜鬼暗語, 咩專業名詞=.=即刻叫我換袍過產

啲阿姐又好急叫我執好野, 人地痛到執唔得快啊嘛, 我夠想執快啲啦, 噓~~~



去到產房

開始越黎越痛, 越黎越密, 己經痛到要屈埋一舊

個姑娘係咁叫我訓平, 唔到打側, 唔係check唔到bb心跳

我都唔想架, 一痛就屈埋一舊, 屈埋一舊我感覺上好啲!

有叫我聞氣, 但聞氣對我無作用, 越聞越痛

本身同姑娘同我做無痛分勉, 但佢話醫生做緊手術, 做完落黎我都生左=.=那星啊!!!

算, 橫掂都痛緊!!!


痛到要痾大大咁, 但姑娘又叫我忍住

嗚, 忍到幾時啊大佬


痛左唔知幾耐, 我聽到隔離個媽媽生左

跟住就有幾個姑娘過黎

(我懷疑我其實一早生得, 但等隔離個媽媽生完先到我)


係咁叫我出力, 又call左阿比入黎陪產

我己經痛到無理過阿比

一路出力, 個種痛真係難以形容啊!!!


下面痛緊, 阿比叫我加油努力既時候又係咁撞到我手個支野

搞到移晒位, 姑娘都睇唔過眼, 話佢整到我支野, 整甩左又要插過架喇!!

我隻手痛都唔得閒理..wakakaka... (事後我隻手痛左幾日=.=, 仲有個血洞係度)


終於十一點幾生左喇!!

敷左mask既bebe...kakakaka...好樣衰啊....



影完合照, 仲要痾返個胎盤出黎

痾完阿比就要出返去等

我就等醫生黎連針



連完bebe檢查完無問題姑娘就抱俾我即刻餵左第一次人奶

噢!!!好奇妙啊~~~


餵完推上病房, 個時應該己經一點幾,

阿比可以入黎五分鐘, 幫我執好啲野就要走lu!!


隔左唔知幾耐, 啲姐姐幫bb沖好晒涼, 推返俾我餵人奶



食飽玩口水波, 衰仔!!!



餵完姐姐就推走bb, 我就可以休息!!!

第一天完!!!

侍續!!!

36wks (9個月) 大肚相

16 MAR 2012

36wks (9個月)

話咁快到最後一個月喇!


集齊九個月既大肚相喇!

我諗唔會集埋第十個月掛, BEBE早幾日出黎我都OK架喎!!






到最後一個月, 個肚真係迅速澎脹...36WK 己經38吋腰喇!!

個個見到我都話做乜無見一陣個肚大左咁多..

係囉, 隔左一個月度, 竟然大左成吋半....

其實咁都幾好, 最後一個月先黎辛苦!!




呢2日個三角位開始怨怨痛, 個肚好明顥好重又聚左好多

行路都唔可以行得快, 好驚"登"襯BEBE

仲要佢不停郁, 郁郁下又突又硬

好似岩石肚咁!!!真係頂到我好唔舒服

我諗佢己經頂住左我個胃, 呢家肚餓既感覺都無

食少少野己經飽晒!!!


四月開始放產假喇!!快啲過埋3月喇, 仲有個幾星期捱..

呢家己經日日同bebe講, 4月8日後先好出黎

仲日日俾個月曆佢睇, 日日提住佢..

希望佢聽聽話話啦...!!!!

High Tea@金鐘香格里拉

15 MAR 2012

今日又係產檢既日子

例牌檢產完都會約我既high tea腳去tea一tea..

有人話我有左仲出街密左

係啊, 呢家唔出, 生完無乜機會出街架喇..!!


平日放假真係好好, 條街又無乜人, hgih tea又唔使bk位,

所以我會好好享受呢段日子..


今次去左金鐘既香格里拉

佢有三款tea set

普通, 士多啤利, 朱古力三款


我當然揀左朱古力既tea set啦...wohoho!!!




花紋既餐具!!!




有三種漿, 朱古力, 香橙, 士多啤利

三種都好味!!!!香橙仲有果肉添..唔錯..




好少食tea有朱古力味既鬆餅, 正!!

因為平時多數係提子乾, 我自己唔鐘意食提子乾..


其實咸點好普通, 都係三文魚, 吞拿魚, 旦沙律 夾三文治

但勝左飽肚, 我又覺得ok喎!!

甜點, 多數都朱古力..而且唔會太甜太漏..good!!

但三個人都係食唔晒!!



YEAH YEAH!!!!

不過唔知今次之後仲有冇機會再出去high tea lu!!

遲來的生日禮物 (阿比 + 老闆)

呢份過左正日先收到既禮物

阿比話因為無貨要訂, 所以遲左送


個盒面係阿比自己整架, 整到成個正品盒咁

我初初睇都無睇就打開左

阿比仲問我, 點解我唔望下個盒.....

我點知係佢自己整既啫



o拿!!!出面個盒, 真係同入面個原裝盒真係一模一樣架!!

我無留意都唔出奇



多謝晒啊!!!呵呵!!!又有新錶帶喇!!!



我鐘意帶啲大表面既錶, 呢隻岩晒我....好鐘意!!!

(其實我之前行過見到講過鐘意, 不過我覺得太貴, 無買到)









仲有老闆遲左2日既禮物

遲左2日係因為我正日去左海洋公園, 第二日去左產檢啫..wohoho!!


老闆應該知我鐘意呢隻牌子, 第二次送呢隻牌子..

我未打開之前, 佢話見到青色就即刻買左


我當堂面都青埋, 標晒冷汗......青色, 唔係呢隻啊嘛!!!咁大獲

我雖然鐘意青色啫, 又未至於樣樣都要青色架嘛



好彩好彩!!!!係淺粉草色.....

呢個款我之前己經好鐘意, 不過係pink o個隻色

呢家有個淺粉草色都好好喇!!!!多謝老闆!!!