帕莎@K11

隔幾個月又聚一聚

三個女人一墟!次次出趁黎都好多野講

 

今次去K11帕莎食中東菜

入面黑媽媽, 部傻瓜機影得好差....

 

我未黎過, 所以由syliva拍板, 佢叫乜我食乜!!

 

佢地飲中東啤酒

我試左一啖, 少少甜, 比香港啤酒好飲

 

我當然飲水啦, 我一飲酒就變紅棗人wakakaka

 

呢度仲有肚皮舞睇, 3個dancer會係客人面前跳舞,

但我只影左呢個

 

食野喇!!!!

呢個中東部加埋d醬真係幾特別..

 

仲點左牙籤羊, 串燒雞, 兔肉, 駝鳥肉

噢....兔肉....好殘忍呢.!!!

我地都考慮左好耐, 但個侍應係咁推介...

又話係野兔....=.= .............所以試下...

um...其實食落似嫩滑d既雞咁!

 

 

 

租衫 -蝴蝶樹 (confirmed)

星期日同阿kit行婚紗街

真係行到腳都跛, 我地差唔多間間都入下

最後得"俏佳人" 同"蝴蝶樹"係我地心水

 

俏佳人真係靚, 連個價錢都好靚

=.=真係好貴!最後放棄左....

雖然話一生人一次, 都唔使同錢作怪

我又唔係有錢人

 

最後都係揀"蝴蝶樹"

價錢合理, D衫都好新淨, 都多款揀

今日放工上去搵返上次個sales Jace

因為我地兩個一齊join, 仲有得平, 另外包埋首飾俾我

其實我地阿kit差唔多時候結婚真係幾好

大家一齊睇野, 揀野, 咁岩join埋一間又會有多d優惠

 

咁又完成左一樣野, 又了左件心事

 

Jace真係抵讚, 服務態度真係好好

今日仲試左三條婚紗添, 點知睇中個條唔岩我身型

反需另一條又著到我瘦d喎...

到時到正式試衫又試多d款先得!!!

 

呢家仲有MUA未confirm

揀埋MUA先叫放心

 

 

 

煎大眼雞+椒盬雞翼

媽媽爸爸又去左旅行

呢幾日都係食自己! 所以今日煮下飯..

wakaka..其實今次係阿比要求我煮

仲話我咁耐都無煮飯俾佢食!

唔通我煮既野真係好咁味..

 

放工去到超市咁夜都無乜餸揀

求其揀左兩條大眼雞煎

 

仲黎個椒盬雞翼

無買菜丫, d菜都唔靚既, 食少一日菜唔緊要啦

 

兩個人, 兩碟餸 剛剛好

仲有紅米飯--夠健康!唔使半個鐘就煮完...

快靚正!!!

 

仲買左料聽日煲椰子雞湯

 

 

選婚紗 --Round 1

放工去TST會合阿四同叮叮食個飯先

KAKAKA, 多謝阿四請食飯, 佢見我窮請我食好野

日燒 set lunch

噢!..d牛同豬都好好味喎!!!

 

阿四次次都唔肯影相,得叮叮上鏡

******************************************************************

食完飯, 做正經野, 去睇婚紗

 

第一站: 顯卓

得個平字, 款都多, 睇佢d相簿, 都係普普通通

 

第二站: 新婚情報

d衫好新, 款都ok, 但又唔係我d style, 價錢可以接受

 

第二站: 俏佳人

個sales好好, 係咁拎d衫俾我地睇

睇左頭兩件己經令我叮一聲, 係我d style黎架...

睇埋晚裝, 又係我d style, 價錢當然貴

我鐘意個3條都要成79xx度...

點算????好似貴左d!!!但真係好鐘意bor...........

 

 

**有冇其他好介紹??我星期日會再去睇過...

PN婚介

頂, 岩岩打完呢篇blog, 死yahoo都唔知搞乜, 無晒

又要再打過, 激死我喇!!!!!!

******************************************************************

上次婚展買對PN介指終於有得拎喇..

 

其實初初無諗住要石, 點知最後買既都係有石wakaka

睇過好多間, 最後都揀左PN

 

我地個對唔係一對款黎  我地覺得唔係一對都唔緊要

所以最後自己揀左自己鐘意個款

 

PN送既介指枕

 

仲有呢對熊仔

每隻都整左英文名

K字

Y字....個Y字有少少古怪

 

WOHOHOHOHO!!

 

結婚公仔-暴力熊

之前blog友floral話我知元朗有間做公仔衫平

上次趁去拜山順便拎左我隻結婚公仔去造衫....

$250一對, 真係比出面平

貨期兩星期

 

尋日打去問, 拎得喇...HOHO!!

所以今日急不及待叫妹妹陪我去拎

叫妹妹陪要有著so俾佢, =.=咪包佢車錢包佢食..

 

好彩有村巴呢家野, 7點去到

拎完去食飯

 

噢!呢間刀削麵又幾好味bor

下次有機會再去元朗再食先.........

食飽拿拿淋返屋企

今日唔知做乜又跌到16度, 凍死人咩~~

 

暴力熊結婚公仔

黎個大等寫先!

(男)

 

(女)

 

 

黎張合照先SWEET^^

造得都OK丫!!

下個月去3V影可以帶埋佢地去喇...

 

**後記**

呢隻暴力熊真係搵左好耐

因為我地唔要個咀同埋個爪有血, 結婚公仔有血唔係咁吉利丫嘛

呢對都係上YAHOO拍賣BID返黎

仲要個賣家又無交帶, 打電話又唔聽

E-MAIL又一日覆一次, 真係炆死我!

 

咁辛苦買返黎真係值得, 都幾型仔丫!!

 

 

 

 

銀座梅林

放工去左尖咀

阿比今日放假, 出去搵下好野食!!

之前睇雜誌推介呢間"銀座梅林"既吉列豬扒

一於去試下先!!

 

 

哈~仲叫埋kit同昌一齊去

嘩..阿昌叫左呢個吉列豬柳真係好食

下次去我會叫呢個!

 

普通既吉列豬扒都好味

不過試完豬柳, 咁豬柳好食好多....

 

一人一份唔好爭

飯同椰菜都係任添...無限量供應

 

阿昌同阿比仲食左兩碗半.....wakakaka

椰菜都添左三次, d沙律汁幾好味!!

 

試驗篇- pre wedding

經過一輪催促後,  尋日終於睇左去蒲台島d相

由於係試驗版加上o個日大霧又大風

嘩!個頭真係吹到亂到七彩

十張有九張d頭髮都係飛起晒....wakakaka

所以無乜相ok既!

唔怕喇, 唯有下次再影過!

等阿比星期日放假又可以再影過....

 

d相仲未執, 俾住幾張大家睇住先

呢張影到阿比大細眼

阿比平時一隻單眼皮, 一隻雙眼皮

影相出黎都好覺下bor, 點搞???

我呢張個頭己經係最唔亂架喇!

其他個d真係一條條咁飛起晒=.=

 

 

呢張睇到當日天氣

真係好大霧, 個天灰暗暗咁!

 

 

嗱!!呢張我d頭髮又飛起晒....

咁大風真係好難搞, 仲要吹到隻眼開唔得大

 

其他等哥哥有時間執完先再pos出黎

其實都無其他ok

一係個咀又笑得太大WAKAKAKA!!

一係就d pose太低能!!

一係就太肥......減肥仍需努力...

 

經過呢次之後, 都知道下次影相要留意D乜

下次到正式影3V時要更加注意

話晒俾錢影架嘛, 影得唔好都唔知點算!!

 

 

仲有, 遲d應該會去廣州造套婚紗

有朋友造完出黎真係幾靚, 仲要三百幾蚊套, 真係好平!

買黎影pre-wedding真係抵!!

到時去完再跟大家分享^^

 

 

 

改掉壞習慣

我唔要做一個自私既人

我唔要做一個唔聽人意見既人

我唔要做一個自大既人

我唔要成日嫌棄人

我唔要成日無自信

 

我要改改改改改

 

我唔要再有呢D壞習慣!!

 

通淋巴

經朋友介紹 今日放工去左屋企附近既按摩店通淋巴

呢間按摩店有得淋足, 推油, 穴位按摩...通淋巴....等等...

正宗架!!!唔係d唔正經骨場!kaka

 

按摩師係一個肥阿姐

手勢非常之掂, 十個掂掂掂......唔係講笑!

大陸個d真係行開一邊, 真係無得比

經佢推一推, 我真係覺得大陸個d骨場真係亂黎架...

又求其, 又迫人俾貼士...

 

聽人講通淋巴好痛  初初都有d驚

第一次通既我黎講  真係痛

但我又受得到呢d痛  阿姐仲話我d淋巴好塞  塞到一舊舊

真係聽到d辣辣聲   由開始好緊...按按按...按到鬆晒

真係十級舒服!! 

我諗住每個星期都去通一次  通到d淋巴鬆晒為止

 

其實美容院都有得通淋巴,

但我貪呢度唔使買package, 阿姐又到力d

阿姐d手勢真係好專業....好到位

通淋巴都係$198/45分鐘

價錢ok, 我仲加左半part推油, 噢...真係好爽!!

 

返到屋企上下磅

下!!又輕過尋日一磅....

唔通.......通淋巴真係有減肥作用??

等我試多幾次話俾大家知!!

 

我要再瘦d

尋日返老家食飯, 無聊磅下呢家幾重

真係眼都突晒, 係咪我睇錯呢???100磅??

自從幾年前黎左呢間公司做, 每日都大魚大肉..

我既重量維持係106-108磅

好耐都未試過100磅喇!!!

 

唔通之前成日嘔, 嘔到輕左???

定因為我食少左飯, 少左肉, 多左菜既關係呢??

真係難以置信, 今日走去買左磅返屋企再磅多次先...

噢!!真係喎...無錯喎..一樣喎...

 

但點解我隻手都無瘦過咁既

淨係無左個肚腩仔囉!!

 

哎吔哎吔, 我要再努力d

我唔止要輕, 我仲要瘦

新目標: 95磅有冇可能呢??