一年一度遊迪迪尼

17 NOV 2016

一年一度遊迪迪尼

學校旅行之後大爺有一日假期, 襯佢唔使返學, 我都請日假
帶大爺去迪迪尼玩, 平日少人啲唔使排咁耐

今年又係多得vicky ee既朋友帶我地入去, 我地又有得入去玩yeah!


 YEAH!!好期待既大爺~

[泰好hea] 布吉DAY 5 (完)

03 NOV 2016

[泰好hea] 布吉DAY 5 (完)

通常旅行既時間過得特別快, 話咁快就最後一日喇!!

之前一日大爺話臨走前要游多次水先

我地係下午3點45分機, 約左司機1點黎接我地去機場

仲有一個早上時間, 可以俾大爺游多陣水

好心急既大爺9點起左身之後, 好乖換好衫等待

但大爺爸未起身, 唯有食啲零食等下先~

秋高氣爽野餐去

13 NOV 2016

秋高氣爽野餐去

學校旅行前3日,我地同幾個同學仔去野餐
又係海濱公園~ =.=我地約左學校先出通告
不過我地都照去, 因為啲小朋友都係周圍跑下就好開心
地點同佢地黎講都無乜所謂~哈哈!!

襯佢地未玩到忘我之前影左張大合照先XD

[BIG yeah K2] 學校秋季旅行

16 NOV 2016

[BIG yeah K2] 學校秋季旅行 

地點: 大埔海濱公園

粉嶺消防局開放日

停一停布吉之旅先, 仲差一日先寫完
 嗱嗱淋追返其他BLOG先
 

06 NOV 2016

粉嶺消防局開放日

自從大爺出世之後, 年年消防局開放日我都會帶佢去逛下
今年都唔例外, 同往年一樣, 10點開始我地就去到玩喇~

今年除左消防局開放日,仲開埋對面球場, 有得玩電動車,充氣彈床, 迷宮....
一去到剛好電動車開始有得玩, 唔使排隊就有得玩啦~~YEAH!!

今年仲約埋幾個同學仔一齊去, 大爺超開心, 幾個不停跑黎跑去!!

消防員大爺

今日啲爸爸負責排隊, 就到我地就過去!!
我同大爺當然痴埋去...今日單拖特別輕鬆hahaha

扭波波, 但大爺話唔鐘意
因為個姐姐畫到比卡超隻眼太大喎=.=真係麻煩~

佢既好兄弟仲帶埋面具黎同大爺分享添~

今年見返貓仔叔叔啦, 上年放假見唔到

等緊玩充氣彈床時既娛樂
玩紅綠燈同捉雞仔遊戲

終於玩得, 呢個彈床排得最耐, 因為每次放6-7個小朋友入去咋
岩岩佢佢地6個人, 全部自己人, 個個玩癲晒, 狂跳狂笑~

合照

珍珍表妹都嚟左!!
不過表妹唔俾人拖架, 要自己行黎行去散步
大爺就係咁跟住珍珍~~HAHA

除左珍珍表妹, MOMO表妹, 公公婆婆都有黎架
不過大爺掛住同同學仔玩無理佢地..HAHA

又有得玩多轉電動車

因為要會合返公公婆婆佢地飲茶, 所以我地走先
臨走去返消房局影下消房車先

同盈盈搭2個站就分手啦~我地去飲茶茶喇!!

飲完茶茶, 珍珍就黎左我地屋企搗亂..
雖然大爺無妹妹同佢兄妹裝, 不過佢有珍珍表妹啊嘛~KAKA一樣啫~

[泰好hea] 布吉DAY 4 - 倒轉屋/ BIG C/ 玩Buggy/ 巴東/ Playhouse/ Seafood

02 NOV 2016

[泰好hea] 布吉DAY 4
倒轉屋/ BIG C/ 玩Buggy/ 巴東/ Playhouse/ Seafood

今日包左10hrs車,出下去逛下行下

呢度早餐咁豐富, 緊係點都早少少起身食左先出發啦~

司機好準時10點嚟接我地出發喇!!

路經Tiger Kingdom, 司機問我地入唔入去睇下..

咁經過就落車睇下, 不過我地無俾錢入去同老虎影相

我覺得大爺會驚~~~同埋主要係我都好驚..haha

喺呢度都睇到, 唔使入去啦...XD

睇左陣又繼續喇, 去我地第一個目的地, 倒轉屋!!

佢另外有樹屋同迷宮都係另外俾錢, 我地無俾, 淨係入倒轉屋

因為上網睇啲人話個迷宮入面好多蚊

呢度會有職員主動教點擺po屎同幫你影相既

啲職員好識用i phone,影完仲幫我較返晒啲光暗, 仲幫我影到有2個老公

i phone呢個功能我都未用過添haha

唔係好大, 好快影完閃喇!!

去個廁所見有隻手又伸出黎咁騎呢又影下囉..

之後我地去BIG C 掃少少貨 同食埋lunch

大爺去左玩具部揀玩具, 仲攬住唔肯放低~

我地都未行完, 佢就暈左~

真係百年難得一見架!!

買完拿拿淋食完個lunch就再出發去玩Buggy

其實本身無plan去玩buggy, 係今朝喺車上面有幾本野介紹,大爺爸話想玩

司機又好人幫我地打去問吓小朋友可唔可以玩

做好安全措施, 帶好頭盔

我地揀左玩30分鐘

大爺同大爺爸一架車, 我自己一架!!

呢啲活動實有人影相, 然後完左叫你買相

我中途都見有人拎住大機影我地~

估唔到佢中途叫我地停低, 仲叫我拎電話俾佢幫我地影相

真係好啊!!

影得又唔求其喎, 仲多角度幫我地影..HAHA

初初有人帶我地行一個圈先, 之後就俾我地自己行

大爺爸臨尾中左泥氹卡住左唔郁得

好快有人救佢地, 不過佢一踩油啲個輪濺起晒啲泥水

搞到大爺爸成件衫都係泥... , 好彩大爺細粒濺唔中

唔係佢呢啲潔癖怪真we嘩鬼叫~

玩完落車地方有水喉俾你沖下腳抹下身

仲有人叫你買相, 本身無諗住買

但大爺又話好鐘意張相, 結果都係買左~~

玩完就去巴東帆船商場入面間playhouse玩

我就放左大爺爸自己去shopping, 我陪大爺玩

((大爺爸好鐘意shopping架, 但佢成日都唔認))

好大地方, 仲要無乜人, 好似包左場咁!!

仲有呢啲俾佢扮下嘢, 好岩大爺, 佢好鐘意~

壽司師父

啲手勢似摸似樣咁架!!

收錢, 成日都收我2蚊, 真係好平..wakakaka

好忙, 做完壽司師父又要去賣雪糕喇!!

夾趺左個雪糕就笑到咁~~傻瓜蛋!!

幾咁勁, 飛薄餅haha,但其實塊野俾佢飛到無雷公咁遠...

最鐘意佢呢個郵差look, 有埋個袋仔俾你裝信

仲有架戰車俾你送信, 好正!!!

今日大爺衝破左口理關口, sir左充氣滑梯

之前成日話有好大風聲, 佢驚...

((佢呢家咁大個都驚風筒, 吸塵機, 廁所吹風機...之類既野=.=))

sir過番尋味, 不停sir~

跳跳跳~

呢度真係好好玩!!可惜我地無乜時間

玩左個幾鐘就要走lu~~

夜晚dinner望住巴東海灘吹住海風食海鮮!!