[近來] 突然麻麻煩煩的大爺
大爺開始大個仔,亦開始有自己既主見,
即係多左啲麻麻煩煩既要求~暫時通常朝早先麻煩多多, 晏晝又無事好順灘架喎~
大爺爸話可能佢朝早未醒晒個人, 所以忟憎!!
事件一:
有一日朝早返學前, 突然話唔著校服, 坐係度又唔郁
媽: 點解唔著啊?
大爺: 我唔想著啊, 我要著運動服
媽: 唔得啊, 學校規定今日係著校服, 要守規矩架
大爺: 唔係啊, 我唔鐘意著對黑鞋, 我要著白鞋
媽: 唔得啊, 校服係一定要配黑鞋, 運動服先著白鞋
點解你唔著黑鞋呢?
大爺: 因為我覺得黑鞋唔有型囉, 一啲都唔靚
((我真係~~~~~俾~~~~佢~~~~吹~~~脹~~~))
我: 咁媽媽呢度都係黑鞋啦, 你上次先讚我靚架
大爺: 咁你o個對係adidas啊嘛, 我o個度都唔係
((~~~~~~暈~~~~~~~~))
我: 咁你今日著返學先, 睇下有冇人話你唔靚, 唔有型先啦~....
{佢講完一大輪, 佢先肯著 }
事件二:
通常朝早等嫲嫲黎左, 唔理大爺醒左定未醒, 我都出門口返工, 相安無事
有一日大爺未醒, 我己經出左門口搭緊車,然後就收到嫲嫲電話
大爺發晒癲咁係度喊(好淒涼o個種喊), 仲係咁叫我返屋企
媽: 唔得啊 我己經上左車
大爺: 嗚...唔得啊...嗚....你快啲返黎啊, 返黎啊~~
如是者, 佢都無聽我講咩, 就淨係不停喊, 不停叫我返黎
聽到我都好想喊囉..陰功!!
短短時間就打左3次黎俾我, 到最後一次我終於說服到佢收聲唔喊喇!!
呼~~~~仲未結束架~~~
依一晚瞓覺我就同佢傾計, 問佢今朝做乜事咁樣
大爺: 我都未同你講拜拜, 我要同你講拜拜架嘛~
媽: 哦~咁你仲瞓緊啊嘛, 我想你瞓多啲啊~
大爺: 但我掛住你啊嘛, 我要見下你, 你先走架嘛...
你聽朝要叫醒我, 沖埋奶奶, 仲要睇埋我飲完
講埋拜拜先好走啊!!!
媽: 咁我會遲到俾老闆鬧架喎
大爺: 咁你早啲叫醒我, 我會好早起身架...
第二朝, 我就叫醒佢飲奶, 睇佢飲完我先走
開門走同大爺講拜拜, 點知佢叫停左我, 話我唔記得錫佢
((暈))
好好好, 錫佢一啖就走喇!!
點解~~~~咁黐纏架???????唯一原因, 大爺太愛我喇!!!wakakakaka
從此以後, 依家每朝, 我就要睇佢飲埋奶奶先走得....
啊, 仲未得, 仲要同佢講完拜拜, 再錫佢一啖先走得
所以我...返工...通常都遲到!!XP
