新凳仔 + 食米糊

大爺一個星期裏面有3日公公湊, 有3日嫲嫲湊

由於佢越黎越鐘意坐, 所以每度買左一張凳俾大爺坐


因為嫲嫲度己經有張二手既bb床,

呢張吹氣既放嫲嫲度

大爺好鐘意坐, 幾開心!!哈哈!!!




呢張搖搖椅放公公度, 可以瞓, 又可以坐, 仲有玩具吊住俾佢玩

大爺都好like坐, 呢張二手300蚊買返黎, 好平, 又超新淨


((請留意右下角, 大爺隻腳趾由出世到呢家都成日自然會分開))


上次行開吉吉島買左兩樣野俾大爺食下

第1樣, 牙仔餅

呢條真係好鬼硬, 連我自己咬都咬唔開

大爺啜左好耐都原封不動咁, 啜到佢發忟憎, 因為無野食到落肚wakaka



第二樣, 就係買左hello米糊

都幾鐘意食咁,

第一次俾左一啖, 第二次俾左4-5啖, 第三次慢慢加落去

但有個問題, 佢成日食到第8-9啖就開始發癲尖叫, 忟忟憎憎=.=!!

成日想搶我個碗同匙巾咁, 好似厭我餵得慢咁




有一次同阿比兩個去一田SHOPPING,

買左條蕉俾大爺啜!!! 大家齊齊食BANANA...哈哈!!

不過佢自己隊唔中自己個口, 又係度忟憎..



點解大爺一食襯野都忟憎既呢???

大爺5個月啦!!

21 Aug 2012

大爺又大一個月喇!!!!

5個月既大爺

呢家開始轉完身識轉方向, 同好似條虫咁攣上前, 仲未識爬住

講野越講越勁, 仲成日尖叫咁勁嗌, 真係好嘈!!

同埋講"唔要啊"最清楚...因為上次放膿之後, 又要成日洗傷口,

佢一遇到呢啲事就會一路喊一路嗌"唔要啊"

我初初以為咁岩講到, 但每次洗傷口佢都會講"唔要啊" 連阿比都話佢講得好清楚@@

真係陰功, 爸爸媽媽都未識嗌, 就識嗌"唔要啊"

呢家一舉高佢加拿大, 佢好似有陰影咁, 好大力反抗


佢真係無時停!!!手手腳腳連個pat pat都成日郁黎郁去!!




開始鬧情緒..wakakaka..好好笑!!

仲要拍晒大脾扮喊 (無眼淚架)

喊喊下無人理自己啜手指睇電視自我安慰!!




成日扮大爺款!!!=.=...個樣得戚到爆..

唔鐘意瞓係度, 係都要坐!!





鐘意咁樣腳fing fing嘆住冷氣黎睇電視

((我淨係臨瞓先會開冷氣俾佢, 費事佢嘆慣左冷氣))




越黎越八掛, 反身去宜姨度睇人地玩電話

仲要一硌睇電視, 真係無佢款, 第時一定係電視精黎!!

呢張相成日返返下工開出黎睇返, 大爺個樣真係好八卦=.=!!




自從上次病完之後, 大爺無再瞓到十點

呢家夜晚十點瞓, 第二朝七點半前就醒喇!!

大爺瞓醒特別好心情, 鍾要扭黎扭去, 仲好好笑容

((大爺都有嬌俏一面架, 扭得幾女仔, 哈哈))




屋企無買公仔, 呢隻傻仔巴斯都係人地送

呢家拎返出黎俾大爺玩岩晒, 佢都好鐘意, 鐘意到成日用腳夾死巴斯




呢家接手左同事好多二手玩具, 大爺終於有野玩喇!!

但大爺好鬼大力拍落去囉, 乜唔痛既咩???

大爺影相日@大秋culture

5 AUG 2012

大爺出世後哥哥成日叫我帶大爺去STUDIO影相

但帶大爺去咁遠真係好多野要帶, 同埋頭3個月大爺真係好難

成日好快扭奶食, 其實主要都係我懶..WAKAKAKA...所以無帶去影相!!


終於到呢日, 阿比又放假, 一齊帶佢去影相

今次造型, 同我大肚時一樣, 都係鬆弛熊

((哥哥俾左呢張我咋, 其他又唔知HEA幾耐先有=.=!!))


今日其實黑仔日

先係拎車爆呔, 再俾人抄牌=.=所以影完即閃, 邊度都唔好去!!


去到餵飽大爺先開始影相

大爺都好合作, 無扭計!!



但影影下走黎痾屎, 換片又請我地飲茶.=.=正衰仔黎..



影左兩個鐘大爺開始攰, 扭計, 又嗌又喊

咁就收工!!!

同佢坐低無耐, 佢就瞓著左喇!!!




嘻嘻, 點解唔走住~~~因為等埋KITTEN姐姐嘛!!!!

好彩大爺叉左一陣電就醒左喇!!!!



大爺對鏡頭真係好敏感架..WAKAKAKA...





返屋企途中大爺又再瞓

連我地食左餐飯都無醒過

返到屋企放低佢係梳化都無反應



佢真係好攰, 因為平時一放低即醒

呢家點郁都無反應

DINNER--Hotel Icon @ Green

17 JUL 2012

嘻嘻, 今日星期一返工無乜野做, 又打下blog先!!!


呢家出街食飯真係要諗過度過

因為大爺呢家十點前就一定要飲奶瞓覺

所以我其實都唔係咁想平日出去食


不過一個月出一日去relax下食下好野都唔係問題既

阿比會幫我湊, 呢家要讚下佢..哈哈!!

因為有啲爸爸好怕單獨同個bb o係屋企..


今次難得出去食飯, 當然要搵好野食下啦..哈哈!!!


HOTEL icon@GREEN

唔錯啊, 大家可以去試下..





同埋佢啲CAKE好好味!!!

打針-->發燒-->氣管炎-->入醫院

大爺上次受左一刀之後, 都未好返晒

今次又再受苦喇!! 真係陰功~~

一波未平一波又起, 唉!!


25 JUL 開始有幾聲咳

諗住都唔係大問題, 會慢慢好返, 所以無俾藥佢食

始終初生既BB唔好食咁多藥



26 JUL 今日大爺咳得勁左

下午去健康院打四個月既針, 每邊大脾一支

姑娘都聽到大爺有幾聲咳, 不過照俾大爺打針, 佢話如果發燒就一定唔打得

大爺每支都喊左兩下就收聲

因為佢喊左兩下就啜手指黎安撫自己..哈哈!!

呢兩支針可能會發燒


半夜我起身望下大爺, 摸下佢額頭仔, 好慶

即刻幫佢探下熱, 38.6度, 發燒

即叫醒佢餵佢食退燒藥, 再貼退熱貼



燒到眼都腫腫地

但佢又無瞓返, 係咁食手指, 應該肚餓

所以餵左支奶俾佢...點知飲完後狂咳, 勁多痰, 勁到好辛苦嗌左幾下,

最後仲咳到嘔晒成支奶出黎

我就好呢HEA咁又幫佢抹身, 又幫佢換衫 ((阿比瞓到死豬無醒過))

好彩換完衫放佢落床拍拍下就瞓返!!


27 JUL  爸爸話佢成日咳到透唔到氣咁

仲嘔左3次奶 (大爺平時激少嘔奶)

所以覺得唔對勁, 都係帶佢去睇醫生

等睇醫生大爺己經攰到瞓著左!!



醫生話大爺氣管炎, 呼吸好束, 啲痰己經落左小支氣管度

俾左啲擴張氣管既氣大爺聞, 但都無好到

醫生就寫左封轉介信去威爾斯急症

佢話最好留院觀察, 驚大爺夜瞓覺咳咳下懶得咳, 俾啲痰卡住, 透唔到氣


夜晚經過家庭會議之後都係睇定啲先, 無去威爾斯

呢晚大爺食完藥, 沖埋涼就攰到瞓左

平時沖完涼後會好精神, 不停轉黎轉去

呢晚都未幫大爺抹身己經瞓到咁


點搞佢都唔醒, 著好晒衫都仲係瞓緊

真係陰功!!!



成晚我就間唔中起身望下佢,

好彩既係佢仲瞓得好, 無咳醒!!!


28 JUL 星期六, 下午放工食埋野就帶大爺去威爾斯

係爸爸度湊大爺返屋企, 大爺己經攰到同佢玩都無反應 

就咁就o係bb車度瞓左, 仲要瞓到好衰下..=.=!!




諗住去急症會等好耐, 點知好快就嗌我地名

再望下張咭, 原來大爺屬於緊急!!唔怪之咁快..

醫生都建議大爺最好入院觀察下

叫我地出去等等, 好快安排我地上病房

又真係好快, 好快有人帶我地上左去



大爺細細個要住醫院真係陰功豬囉!!!



一間房有兩張床, 好好彩大爺隔離床未有人入黎..

大爺呢個名無改錯, 入左醫院都有大爺既風範



醫生建議大爺住一, 兩晚

因為阿比第二日要返工, 所以今晚陪大爺呢個重任就交俾我喇!



我返屋企食個晚飯沖埋涼就返返去接更

返到佢見大爺駁左機!!嚇死我, 原來大爺頭先咳左成十分鐘

所以姑娘駁機CHECK住佢心跳同含氧量

夜晚九點後只可以一個家人陪, 所以阿比都要走LU.


我餵大爺食完奶奶就暗佢瞓!!



原來醫院會有埋奶提供, 仲要有大爺飲開個隻思敏兒, 非常之好啊!!

不過硬係唔同味咁, 聞落似麥精味


夜晚本來大爺好地地瞓, 諗住佢一覺瞓到大天光

點知, 隔離床十二點度入左個BB

佢阿媽不停出出入入, 大大聲聲嘭門同開櫃桶

搞到大爺喊醒左幾次, 真係想XYZ%.#佢..

終於佢四點幾同個工人帶埋BB偷走出院((聽到佢話去法國醫院))

我同大爺終於有返個清靜既環境瞓覺



其實我成晚都瞓唔到, 因為實在實在太凍

係超級凍!!!!我己經著左件外套都仲係好凍



七點幾有醫生黎, 話大爺可以回家渡假一晚, 叫我等多個醫生黎先

點知等下等下成十一點先黎

終於十二點可以同大爺返屋企喇!!


腳帶仲未剪, 第二朝返去覆多次診可以真正出院先剪



今日大爺精神唔錯!!同佢玩終於有返反應, 同笑返

己經兩日無乜點笑, 呢家見返佢笑, 真係安心晒喇!!




不過都係咳, 希望大爺快啲好返啦!!