((爆趣事))媽媽呢度有bra bra

爆趣事一則

話說有次趕住出街, 入房拎返個bra bra背住大爺就諗住帶返 

(諗住大爺睇緊電視唔會望我架嘛)

點知俾大爺望到, 佢就好好奇問"媽媽, 你呢個咩黎架?"

由於我趕時間, 求其拋下一句"bra bra黎架",然後拿拿淋換埋衫就走

點知有次搭巴士抱住佢坐

佢竟然眾目睽睽下拍住我個胸講"bra bra bra bra,媽媽呢度有bra bra啊??"

我即刻細細聲stop佢話"唔可以咁架 !"

但我真係覺得好爆趣, 我stop完佢自己都忍唔住笑...XDDD

見佢個勢好似仲想問野咁, 即刻封住佢個咀, 同佢講巴士唔可以咁大聲講野架

我諗有啲乘客望住我地, 好彩o個次好快落車 ><尷尬死

跟住有次抱住佢, 佢唔覺意甩到條帶既物體

佢又問"媽媽呢個bra bra黎架, bra bra bra bra"

一路拍一路天真咁o係度笑

唔通佢覺得bra bra好有趣???

 我答佢:"係啊, 媽媽要帶架, 但軒軒你唔掂得架, 男仔唔可以架,知唔知?"

大爺: "知!!!男仔唔掂得既"

為左停止佢啲好奇心, 呢家換衫都一定閂房門

等佢慢慢淡忘媽媽呢度有bra bra啦.. 唔好再o係公眾地方問我呢啲野啦

 好彩佢淨係問我一個, 無乜其他人, 唔係真係尷尬死人..><

 

 

[[BIG Yeah]] 29個月- 管家仔

21 AUG 2014 

29個月大啦!!!!

話咁快下個月兩歲半啦~點解啲時間過得咁快??

言行方面: 

呢個老積仔大爺今個月做左管家仔

成日係度扮大人講道理, 佢又講得好好架喎, 有文有路

問佢點解, 佢又識答"因為xxxx" 解釋得到俾你知

有時我扮無知, 扮唔識叫佢教我啲野, 

佢又好有心機教我"首先你要咁既, 然後你就要xxxx"

真係覺得好搞笑..好鐘意扮無知同佢傾計..XDDD

 

 有次去7仔買TicTac糖, 佢自己搵到拎去收銀度

呢個時候大爺爸又拎起左包熊仔糖一齊去俾錢

大爺見到, 即係話"DadDad你唔乖喇, 唔可以買架, 放返低啦, 睇下得架啦"

((平時出街, 我都話唔買野架, 睇下得架啦, 睇完放返低))

呢個大爺真係學到足XDDDD

有次宜姨搶左佢架車車, 佢又同宜姨講" 唔可以搶人野架, 要講唔該架"

 有時佢玩得好興奮掉野, 我惡話佢"你做咩啊, 吓?"

佢就即刻"SORRY媽媽, 我唔敢啦, 唔可以掉野架" 呢句講得好順口架XDDD

((大爺好肯SAY SORRY, 佢有理無理, 拿拿淋SAY完SORRY再玩))

[[BIG Yeah]] 愛用筷子

 大爺一直各樣既自理能力進展都唔錯

係食飯呢方面差啲, 佢無心機自己食

無心機食我諗都有原因既, 公公嫲嫲都係煮粥俾佢食

日日黎黎去去都係個啲餸

其實佢地都想煮其他, 但大爺對粉麵類無乜興趣

食幾啖就唔食, 反而粥就一大碗都食得晒..

不過大爺最愛唔係係粥, 係白飯XDD飯筒一名

夜晚佢食完自己碗粥又過黎跟我地食飯

平時叫佢自己, 食3分1左右開始玩野, 不停係度搞個碗

最後都係餵佢食!!!

 今日lunch拎左對筷子俾佢用, 諗住都兩歲學下ja筷子

啊......呢隻野有左對筷子不停係度夾餸食

仲同我講:"媽媽啊, 筷子好好玩啊" 

((暈)) 即係平時用匙羹佢覺得唔好玩??

 

最後食淨幾啖, 不過己經好叻仔!!

[[BIG Yeah]] SWIMMING

10 AUG 2014

今日等大爺爸放工返黎瞓埋晏覺
 夜晚六點左右又帶大爺落去游水水喇!!
大爺爸終於一齊落去游啦~~佢今年既第一次~

唔使再得我地兩母子玩喇!!大爺都勁開心..
都唔使WARM UP, 大爺己經一枝箭沖左落水喇!!!

呢個背包水槍真係唔錯, 唔使成日勘水落去, 又易射

上水PLAYHOUSE

扭計王病完終於回復正常, 唔扭計啦, 真係謝天謝地
除左病令佢扭計, 呢家我地先發現佢爆緊兩隻大牙出黎
唔怪之咁忟憎....呢家爆左出黎, 無再發出啲ee er er個啲聲氣出黎..


見大爺病左咁耐, 又無得去公園玩, 咁慘
佢好返帶左佢去上水新開張既playhouse放電

依間大過油塘o個間好多, 地方夠晒闊落
大爺o係出面見到己經好興奮, 不停話要入去玩
好心急, 不停係門口行黎行去, 又話要除鞋..wakakakaka

有六條七彩滑梯,隔離波波池, 再隔離仲有三層迷宮,射槍

另外有一邊for細啲既BB爬既軟墊區(呢度無影, 大爺大個仔對個度無興趣XD)