BYE! YAHOO BLOG!---更新((開左新BLOG))

YAHOO !BLOG 關閉服務

尋日同大爺去完海灘諗住上黎打下BLOG,

點知收到呢個壞消息!!!..



咁即係唔使再打啦~~~~等搬..........

相片會FACEBOOK post架喇, 大家去我FACEBOOK睇喇



更新 2 SEP:
 開左個新BLOG喇!!!
http://lowbki.blogspot.hk/

暫時未打野住, 等我呢個電腦白痴研究下點搬BLOG過去呢度先..


BYE YAHOO BLOG

Play Academy (遊學園) 油塘

24 AUG 2013

首先多謝小檬媽邀請, 我地成班BB都有得免費全日任玩油塘呢個PLAYHOUSE


Play Academy (遊學園) 油塘

九龍油塘高超道38號（油塘港鐡站A出口）
上午7時至晚上11時
電話：+852 2870 2660


由於朝早要返工,  唯有放左工返去再會合爸爸, 再去接大爺出黎

好彩爸爸今日早放, 去playhouse如果得我一個睇住大爺, 我應該會虛脫


我屋企有巴士去藍田, 再轉MTR一個站就到油塘喇!!

大爺每次落到MTR月台都好興奮, 因為有佢鐘意既地鐵睇.

Happy 17 Months

21 AUG 2013

HAPPY 17 MONTHS

又一個月喇! 

依個月大爺說話方面有好大進步

教佢講啲新野, 佢都好乖跟住講

所以我依家同佢出街, 或者搭巴士時都係咁不停同佢講野, 叫佢跟住我講 

**但講襯都要孖字佢先跟住講**

見到識或唔識既, 總之望住大爺笑既, 我都會叫大爺打招呼,

佢都好似親善大使咁SAY HI, 叫姨姨, 叔叔, 哥哥, 姐姐...有時心情好會自己加個飛吻俾人.



平時叫我MAMA, 呢家教佢個MAMI, 佢係講MI~MA 

平時叫爸爸做DAD DAD, 教佢講DADDY, 佢就DY~DAD

點解會咁既????兩個字唔同音既佢就調轉黎講...

近排大爺愛上 玩咀

不停玩自己個咀, do咀, 扁咀, LAM咀, 一字咀, 總之一得閒就係度玩咀



食方面: 無乜改變, KAKA, 因為我太懶喇!!!

都係粥, 粥, 粥, 同粥, 有時唔得閒煮就跟我地食大人飯

好彩大爺對食無乜要求



POO POO方面: 都係用廁板痾POO POO

但未開始罰練戒片, 遲下先...


作息時間: 無乜改變, 同上個月差唔多

上, 下午都各出一次街放電



呢個細佬仔成日靜靜雞留意大人啲一舉一動, 悄悄地學


婆婆新剷既型仔髮型, 維持左三日, 俾公公破壞左.

呢個係剷完影既!!

哈哈哈, 呢張好大個仔啊... 件衫後面睇成條裙咁長..

點解你咁矮架????

有一日放工返黎望望下咁古怪, 做乜前面啲陰齊輯輯架, 然後問邊個剪過

第一個懷疑: 虎虎, 佢死話無~~~~我不停問都話無

然後宜姨話: 你睇下, 公公唔出聲, 擺明係佢啦.~~~~~

好, 阿公唔認~~~仲係咁話不嬲都係咁, 依家咪幾得意



我估公公係想幫大爺剪到個髮型似自己

中間有個尖尖位, 但佢剪衰左, 搞到大爺變左傻仔頭=.=!!!

日落下的青蛙大爺

11 AUG 2013

今日有朋友帶埋bb黎搵大爺玩, 本來無諗住出街

點知中途虎虎打黎搵大爺去公園行斜路((平時公公下午會帶佢去公園迫佢行斜路))

 當然有朋友係度唔去喇, 仲要咁熱..., 虎虎勢不擺休, 邀請埋我朋友一齊行=.=!!

隔左無耐send相黎=.=虎虎同舅母兩個自己去左行真係得閒

又隔左一陣打黎, 約大爺去游水喎.......見朋友都差不多走, 我就叫虎虎上黎接大爺落去先



大爺第一次黃昏游水水

又自己要勾住個袋袋, C9仔!!!!

未夠鐘, 泳池仲未開, 大爺己經急不及待了!!!

大爺: 開門啊.......快啲開門啊.........我要游水水啊....

唯有o係附近等, 又影下相啦..

日落下的青蛙大爺

好喇好喇, 開門喇!!! 

今日啲水好暖啊, 但好大風

幾開心

今日好多人, 大爺成日八八卦卦啲大人游水...

睇住日落游水水幾寫意

呢家游水我係無得游, 要睇住大爺...好想游個直池爽下

大家都睇到漏, 我地又kiss kiss喇...哈哈哈

水怪虎虎黎喇, 大爺幾驚

大爺: 媽媽, 走啊, 快啲走啊, 有怪物啊~~~

今日有虎虎同舅母一齊游, 大爺好開心

莊大爺上班記

10 AUG 2013

星期六, 可憐我呢個媽媽仲要返半日

放工又約左三位靚姨姨去TKO, 所以帶埋大爺返工


但半夜大爺無端端發燒, 餵佢食藥都搞左好耐 ((大爺係最憎食藥))

佢會不停吐返晒出黎, 仲大嗌, 郁黎郁去, 其實唔知有冇少少落到肚


朝早諗住請假唔返工, 點知佢又無燒囉喎

飲埋奶奶就一齊搭車返工!!!


係呢程巴士仲有3個站就落車, 大爺竟然想嘔咁既樣, 仲嘔左少少水出黎

我又無帶膠袋,  見佢仲想嘔, 烏定佢個身係側邊
跟住口話未完, 一條白色水柱噴出黎
好彩對面個人避得切, 唔係佢成條褲都係
大爺個身同條褲都有少少, 真係好呢HEA, 不停拎紙巾抹抹抹...

抹抹下就到站落車, 真係SORRY, 搞到成地都係

落車問佢有冇事, 邊度唔舒服
佢當然無理我啦..WAKAKAKA
但佢鬼打咁精神係咁指住啲巴士, 若無其事咁, 我就繼續帶佢返公司

好彩有帶定套衫出街, 返到公司即幫佢換走件臭嘔奶味衫


佢真係好精神, 係咁同啲同事SAY HI , 又叫"姨姨"


媽媽個位, 睇下個WALLPAPER, 當然係大爺啦

每次叫佢笑啊, 佢都好出力咁"E~~~~~~~~~"

今日細佬啷啷都有黎一齊玩

o係我個位側邊舖左墊俾佢地玩, 好似野餐咁

等媽媽安頓好晒, 回返條氣就帶佢去玩

呢個大爺無乜興趣, 玩左兩次就要走

我諗佢厭條滑梯太短喇

細佬呢個時候瞓左, 仲要嘈都唔醒

大爺就走去扮瞓

唔好搞細佬喇, 帶佢去搵玩具

多玩具到唔知玩邊樣先好, 幾迷茫

仲彈埋琴, 大爺對琴都好有興趣, 亂彈左好耐

啲手勢仲要似模似樣.

重點: 細佬瞓左O係後面

大班椅啊, 有冇BOOS FEEL呢???

望下海, 望下船船先

呢個大爺真係唔識怕羞, 周圍搞搞震

仲拖住我周圍行, 唔知以為佢地頭

平時唔俾佢搞既風筒, 佢終於得賞所願有得玩喇...

好彩有同事陪佢玩, 我可以休息下..

推呢架單車推到老遠, 佢就笑到咔咔聲..

細佬終於瞓醒喇, 有得一齊玩喇!!

但細佬唔係咁鐘意俾你推bor

話咁快就一點收工喇!!!

大爺一上車就即瞓, 呢個仔有得玩就唔願瞓..