3rd X'MAS PARTY@CINDY HOME

22 DEC 2013

今日約左KITTEN EE & CINDY EE 預祝聖誕

今次CINDY EE預備左好豐富既LUNCH俾我地食

我同大爺都食到LAM LAM脷啊!!

MERRY CHRISTMAS

大爺21個月喇!!

21 DEC 2013

大爺21個月喇!!!

~越大越似大爺媽, 好識HEA, 又好識嘆~

唔知係邊度學返黎~蹺腳~, 連飲奶都要嘆住電視蹺住飲

((我一路係佢面前左影右影, 佢都無望我一眼))

張搖搖椅無用一輪, 拎返出黎, 佢又好鐘意坐

仲坐到大班椅咁, 睇佢個樣坐得好舒服,

仲自己走去開個震震制, 震住黎睇TV=.=!!

拍拖14週年

27 NOV 2013

同大爺爸拍拖14週年

今年拍拖週年無乜特別慶祝

只係求求其係屋企打個邊爐仔算喇!!

等結婚週年先食大佢...

大爺都好合作, 一早瞓左, 我地倆口子可以安安樂樂地慢慢打

自從生左大爺之後, 都冷落左大爺爸好耐~

真係對唔住, 我個心分左一大半俾大爺

不過我呢家開始要公平啲, 兩個都咁錫, 兩個都咁愛先得!!!

講下大爺爸, 佢好錫大爺,我亦都知佢好錫我

大爺爸好乖仔, 屋企上上下下既家務都係佢做

連幫大爺沖涼既都係佢

um, 其實我都唔好意思, 所以搵樣家務做下

就係洗奶樽..WAKAKAKAKA

大爺爸放假, 佢要湊大爺, 等公公放假

即係佢自己都無假放, 無得瞓耐啲

為左報答佢, 佢想同啲好友踩單車, 篤波, 食飯, 踢波

我都會係咁叫佢去玩, 等佢平衡下啲心理啊嘛XD

出去同啲老友傾訴下, 我老婆屋企唔做家務, 成日係度HEA

有個地方發洩下嘛...HAHA

好喇!!黎緊2014年開始, 大爺爸同大爺兩個我都會咁愛你地架!!

唔會咁偏心架喇!!

2nd X'MAS Gathering (with 3位妹妹)

13 DEC 2013

今日大爺約左3位妹妹

嘻嘻, 著型仔啲吸引下啲妹妹先~~~XD

1st X'MAS Gathering (LKS) + 尖東燈飾

話咁快12月喇!! 密集式既飯局又開始喇XD

11 DEC 2013

出尖咀經過尖東俾大爺睇下燈飾

 大爺一見到就"嘩~~好靚啊, 著燈燈啊"

大爺在我肚

***我未有第二胎啊, 呢輯係陀住大爺時影架, 唔好誤會, 哈哈**

記得呢輯係33W既時候影(好似), 隔左無耐36W度大爺早左出黎

而生完大爺之後生活太充實, 都遺忘左呢輯相LU!!!

造型: 

大爺媽 -- HEA爆熊

大爺爸 -- 打雜一名

個造型好符合現實既生活

我出名懶,鐘意HEA,唔鐘意做家務

大爺爸現實中好慘, 屋企上上下下既家務都係佢做

件衫太大件, 正面睇唔覺有個肚

大爺20個月喇

21 NOV 2013

大爺20個月喇!!

~~話咁快2字頭喇~~

大爺呢個月講野又叻左, 講到短句喇!! 

((佢呢家無野叻, 最叻講野XD))

佢識表達到自己既心情,

識話我地知佢想乜做乜, 己經無再聽到佢講外星語

聽佢講野真係好搞笑, 原來佢己經暗地裏識講某啲野

爆趣語錄: 

沖完涼, 瞓左o係床抹身, 佢一款hea樣講"好舒服啊"

有次佢睇電視見到啲好笑野就同我講"喱個..好搞笑啊"

暗佢瞓覺佢會叫我"媽媽一齊啊, 拖住"

有時唔要大爺爸, 就會話" dad dad 走啊, 唔要dad dad,bye bye"<--我暗爽中

有次問佢叫咩名, 我話莊咩啊, 佢"莊沚軒...唔係莊大爺"<--但平時我無乜叫佢大爺

日日聽住佢講野, 心情都靚啲..真係氹得我地一家好開心

BB記性好好, 大爺都唔例外, 講左一次既佢己經記得

不過大爺鐘意記啲唔等使野 (即係第時學校唔考既野)

形狀, 顏色, ABC, 佢無興趣去記=.=!!!

睇黎大爺唔係讀書既材料XD

食方面: 無乜特别, 個個月都差不多咁

瞓方面: 唔使暗佢, 我只要瞓佢隔離, 佢自己會瞓著

有時佢想瞓, 會話我地知好眼瞓, 然後一枝箭衝入房上床瞓

POO POO方面: 之前同我地講"唔唔", 我地拖佢去廁所,

 呢家佢會主動走黎拖返我地去廁所話要"唔唔"

仲學我地講"等等, 唔好住"WAKAKAKA..

啊, 仲有, 20M呢個月我終於同大爺報左PG上喇!

不過搵左間o係屋企附近, 又有星期六下午既黎上~

因為星期日通常有街街去嘛!!

佢上完一堂, 個晚就不停話"返學學啊, 老師唱歌歌 , 玩遊戲"

我問佢鐘唔鐘意 佢話" 好鐘意啊"

但返左兩堂, 隔一日大爺就發燒,

今個星期仲發埋高燒, 燒左3日..呢家都仲未好

唔知關唔關上pg事..

襯佢2字頭同佢去公園影下相

UM......我家大爺真係好爆...失禮晒HAHA!!

Relax BIG YEAH Bear

17 NOV 2013

真係好, 今年有鬆弛熊影 

見大爺上年件鬆弛熊衫仲岩著, 即刻帶佢去影

不過件衫本身係長衫架, 今年著變左七分, 但都仲著得落.XD

為免星期日人山人海, 一早十點己經帶去到,

己經有十幾人係度, 即刻氹大爺埋位影相!!!

佢一行上台,其他人即望住佢, 路人甲乙丙就講:

"嘩, 好得意啊"

"咦, 一樣既...哈哈哈, 好可愛啊"

"喂, 幫我影埋佢"

然後有啲龍友就舉機影佢喇!!

PLS CALL ME" RELAX BIG YEAH BEAR" XD

消防局OPEN DAY

10 NOV 2013

消防局OPEN DAY

之前搭巴士經過消防局見有橫額寫住今日係OPEN DAY

難得星期日無地方去, 又有新地方玩下, 就一早帶左大爺去喇!!!

10A.M.開始, 朝早同公公婆婆飲完茶, 十點幾就去到喇~~唔係太多人

樣樣都可以俾大爺掂下, 又唔使點排隊, 正啊!!!

型唔型先???哈哈哈!!!

DadDAD生日@Ocean Park

1 NOV 2013

大爺爸生日

HAPPY BIRTHDAY!!!YEAH!!!

大爺爸生日, 第一時間我己經諗到去海洋公園

大爺呢家19M應該都岩玩!!

同埋一個大原因, 大爺爸生日免費kaka

我地金鐘食埋lunch先入去

YEAH!今日天氣好好啊, 唔太熱涼涼地...

晉晉1st Birthday PARTY

27 OCT 2013

晉晉1ST Birthday PARTY

HAPPY BIRTHDAY TO晉晉啊！！

今日我無掉低大爺喇....WAKAKAKA

~~多謝晉媽邀請, 大爺玩得好開心~~

HAPPY HALLOWEEN

31 OCT 2013

HAPPY HALLOWEEN

生左大爺到呢啲節日就想幫佢扮鬼扮馬影下相

上年套南瓜衫己經唔岩著, 好彩仲有頂骷髏骨帽岩帶

咁岩上次Candy ee送左個南瓜糖果盒俾佢, 岩晒!!!

大爺: 媽媽, 得未啊? 食得糖糖未啊?

豬脾1st Birthday Party

19 OCT 2013

3條KINGS之一((豬脾))生日PARTY

K姨姨今日放工單拖黎參加PARTY, 係咪好勁呢???WAKAKAKA

大爺呢???我無賴底佢架!!!我迫不得已架...

生日主角豬脾, 一歲喇!!

K姨姨祝你繼續肥肥白白, 健健康康

聽晒爸爸媽媽話

HAPPY 19 MONTHS

21 OCT 2013

HAPPY 19 MONTHS

又一個月喇, 又要講句"時間真係過得快"XD

大爺呢個月說話方面越黎越叻,己經唔係講2,3個字 例如:

餅餅俾婆婆

媽媽返工啊

公公去跑跑跑~~~~快啲啊~~

DAD DAD, 開燈燈啊...

搭火車~~~搭巴士~~~

等等...又係不能盡錄..哈哈

期待佢講完整句子

有時佢無端端講啲野出黎, 我地都好驚喜, 因為無預計佢會識咁講..

有人禁門鐘, 佢會望住門口, 問"邊個啊"

公公同舅父成日同我講

"你個仔好煩, 唔講一分鐘野會死"<--我控制唔到佢把口架喎,KAKAKA

怪獸二人組@毛毛X單眼

之前上網買左套單眼衫,諗住大爺歲半去虎虎studio影相

點知約緊虎虎都無個星期日得閒T__T

見今個星期去契MAMI度, 啷啷仔又有套毛毛, 所以約埋一齊著影下相

之前諗緊買毛毛定單眼俾大爺

不過大爺媽太愛青色, 最後都係揀左單眼仔HAHA

BB蕉@大尾督巴希雅

OCT 13 2013

大爺契MAMI生日, 我地揀左BBQ慶祝

次次都去大尾督燒烤王, 今次試新野

去左附近既"巴希雅"

同啷啷咁耐無見, 握個手先

捍衛媽媽

好想記低呢樣非常非常窩心既事

呢樣咁窩心既事早於大爺14M後開始發現

((最初都唔為意, 我仲以為個四仔包想拎我個電話玩XD))

大爺平時好少發脾氣同扭計 ((除非超級眼瞓))

亦都好少扭要一樣野而喊的!!!

當有人拎住 或 拎走左我啲野, 佢一定大嗌指住"媽媽".."媽媽"

如果你唔俾返佢, 佢會好激動, 喊住大嗌, 直到你俾返我為止!!!

事件一: 有時參加啲活動, 叫其他媽媽幫我地影相

佢一見到個位媽媽拎住我既電話, 佢會指住嗌媽媽~~媽媽~~

我會安撫佢, 姨姨幫我地影相咋, 佢都會等到影完就去拎返部電話俾我

事件二: 有次帶大爺返公司, 同事拎左我個袋諗住幫我咩住

佢見到又指住嗌媽媽~~媽媽~~仲去扯住個袋要俾返我!!

事件三: 大爺爸有次同我玩, 係咁拍我

大爺見到以為大爺爸打我, 佢又走過黎推開大爺爸, 嗌媽媽~

當時我又剩機扮喊話痛痛, 大爺仲走黎啜我咀咀添..

呢日, 宜姨又整鬼佢, 拎左我個電話

佢嘗試去拎..但宜姨死都唔俾返佢

佢又開始激動喊((其實我好鐘意見到大爺喊wakaka))

321BB歲半PARTY

29 SEP 2013

321BB歲半PARTY

今次o係其中一個媽媽屋企會所搞, 有埋私人泳池, 正!!!!

可惜,今日大爺爸又係要返工無得一齊去 

((哈哈, 因為臨時話搞party,趕唔切請假)

我一個人去咁遠, 個背包又唔夠大帶咁多野..

所以無諗住俾大爺落水玩

不過都帶定左套泳衣for影下相...

大爺對鏡頭都好敏感

一見到有人影佢就對住鏡頭笑!!!

健康院歲半針

30 SEP 2013

今日patpat痕請左假, 同大爺去打針XD

之前三次我都無份去, 最後一次去健康院又想陪下大爺去

出奇地今日好少人, 仲好快搞掂走得!!

嘻!呢個小朋友未知驚, 仲好開心周圍走黎走去..

LittleBALL 1ST BIRTHDAY PARTY

20 SEP 2013

LittleBALL 1ST BIRTHDAY PARTY

今日帶大爺參加波哥既一歲BIRTHDAY PARTY

門口整到咁靚, 挭係要大爺企定定俾我影張相啦~

大爺: 媽媽影夠未啫, 入去啦..

入到去, 己經見到波哥坐左係度..WAKAKAKAK

波哥今日個造型好正!!!CUTIE到爆

但大爺一見到波哥就不停嗌"驚驚"~"驚驚"~~@@!!

同波哥合照都唔夠膽行埋去, 點都要捉實我~

SOFINA beaute 系列

SOFINA呢個牌子, 一向都係我喜愛牌子之一

不過用開既都係化妝品 同 防曬

從未試過SOFINA既護膚品

今次有機會試到SOFINA beaute 系列, 真係好開心!!!

“product are sponsored by SOFINA” 

SOFINA beaute 系列

淡淡的鮮花芳香, 無色素

可使用於眼部幼嫩波膚

通過過敏性測試 

街童大爺(公園進階篇)

((試))放下短片先

講下大爺每日去公園玩啲乜先

公公每日都會帶大爺去公園晨操一次, 午睡後又去一次

朝早通常去遠少少既公園

13M識行後公公成日迫佢赤腳行草地, 

大爺越驚草, 公公就越要迫佢行(好變態),最近就行埋石春路

((大爺驚草地多過石春路..kaka))

sir滑梯同上樓梯己經玩厭左

呢家大爺向高難度挑戰

依段公公send黎既時候, 我..其實..一路睇..一路驚緊

但公公話佢玩左幾次, 隱陣先錄黎俾我睇

最近我放假同大爺去公園見識到佢爬呢個架,

又真係幾穩陣既, 不過我無公公咁放心, 全程係佢側邊旁住

打千秋都仲鐘意玩, 越fing越高

((聽到大爺不停嗌"咩啊".."咩啊"....))

近期都鐘意搖搖搖, 仲自己識踏上去, 又落返黎..

有時公公send完條片黎, 我成日問佢

"安唔安全架???跌左落黎咪死??你睇住佢啊~~之類..

公公心態, 放膽俾佢試, 佢自己會學識 ((當然係安全情況下))

你成日驚佢撞襯唔俾佢試, 就乜都唔識..

中秋萬勝慶團圓

大家~中秋節快樂~

依幅相好鬼秘啊...XD, 似萬勝節多啲..

真係要吟下詩!!!

中秋萬勝慶團圓, 燈籠月餅賀中秋!!!

((陽光系))大爺~~~18M

21 SEP 2013

由於大爺行唔到cutie路線, 大爺媽唯有幫佢行陽光路線喇!!

大爺: 我一歲半喇!!EEEEEE~~~~~

慶祝生仔一週年@大阪遊DAY4&5

YEAH!!YEAH!!埋尾喇~~兩日寫埋一齊, 比較長..

23 MAR 2013

慶祝生仔一週年@大阪遊DAY4 & DAY5

DAY 4

哲學之道-->嵐山(渡月橋)-->清水寺-->心齋橋

第一站: 哲學之道

遲多十幾日去, 呢度應該會開滿晒櫻花!!

得啲樹 , 又無花, 幾淒涼

再戰沙灘@黃金海岸

上個星期又帶左大爺去沙灘喇!!

今次去左黃金海岸

不過下次都係唔去呢個沙灘, 水底啲沙勁吉腳

下午餵飽左大爺就出發

黎到又係要WARM UP一下, 佢真係好怕吉腳

全程都要著拖鞋

成日"筆"啲沙請人食!!

慶祝生仔一週年@大阪遊DAY3

嗱嗱淋打埋佢先得, 一陣又無左股動力大阪遊就爛尾.

慶祝生仔一週年@大阪遊DAY3

22MAR2013

環球影城-->心齋橋

一早起身食埋早餐就搭車去環球影城

G market（試手機打）

試下用手機打blog先。。

求其打下近排學識左買gmarket

不過雖然成功買左，但其實都仲有好多問號？？？？

今次買左兩間，同淘寶一樣有得集埋一齊先寄

so good!!!!!

嘩！！！黎到。。。嚇死，咁大箱既

打開。。。哦！！唔怪得咁大箱

原來咁多細盒，佢兩，三樣pack一細盒

包得好整齊，一定唔會爛

我買左乜？？？？

。。。。。。

。。。。。。

咪女人最愛既護膚品囉，哈哈

等到佢做半價先買，真係好抵

當然唔係全部我架喇！！

啲marks真係好抵。。折左幾蚊塊。。

慶祝生仔一週年@大阪遊DAY2

21 MAR 2013

慶祝生仔一週年@大阪遊DAY2

和歌山->貓站長TAMA車站->黑潮巿場->士多啤梨園->三段壁->千疊敷->圓月島

今日係大爺一歲生日喇!! 去旅行前己經同佢慶祝左, 仲影左啲相

每日搭車時我就會開返啲相出黎睇, 又開下公公send黎啲短片, 以解相思之苦..

慶祝生仔一週年@大阪遊DAY1

新C坑, 見新BLOG幾好用咁, 補打返之前一路想打既大阪遊

所以大家唔使理我!!哈哈!!

20 MAR 2013

慶祝生仔一週年@大阪遊DAY1

好多人都話我地咁忍心, 大爺一歲正日都唔同大爺一齊過!!

其實我地都唔想, 本身諗住月尾, BLOG標題應該係 慶祝結婚2週年既,

只不過大爺爸衰公司咁岩批左呢幾日俾佢放大假,

無得選擇之下唯有掉低大爺O係H.K.

我不知幾掛住大爺!!!!

大爺之沙灘初體驗

o係YAHOO搬過黎呢度第一篇blog就打下大爺既第一次

大爺第一次 -- 沙灘初體驗

30 AUG 2013

之前一路都想帶大爺去沙灘玩, 但我一個人帶咁多野無可能去到

大爺爸多數放平日, 要等埋大爺爸一齊真係有啲難度,所以今日我專登請假

小插曲: 之前一晚半夜行雷閃電, 第二朝仲落緊雨,仲黃雨添, 己經打定輸數

點知下午又好似停左雨, 所以拿拿淋叫醒大爺爸執野走, 唔想浪費左呢日假

出發GOGOGOGOGOGO

地點: 清水灣二灘

大爺向來驚行草地,同吉腳既野 e.g 地毯

所以未去之前己經預計到大爺會驚啲沙

結果....真係....

不停拍自己心口, 仲係咁講"驚驚~~~驚驚~~~"

啲沙痴住係佢手, 又係咁"咦吔~~~咦吔~~~"

好似有潔癖咁

TEA BUFFET@朗豪酒店

好喇!安頓好晒呢個新BLOG, 可以繼續打

呢兩日返工時間好返過, 多謝YAHOO BLOG令我咁充實..HAHA!!

25 AUG 2013

今日又係星期天, 我又帶左大爺出去蒲喇!!!

蒲乜呢???就係蒲...蒲...蒲...飛喇!!

通常去啲餐廳, 我都會第一時間問啲侍應有冇兒童餐具..

呢套餐具好重要, 可以令我有一段時間安樂茶飯食

呢套好令啊!!森林系, 獅子, 馬騮..

搬家成功!YEAH!

YEAH!!YEAH!!YEAH!!

成功搬晒YAHOO啲舊BLOG黎呢度,

寶貴既相 同 你地既留言都係晒度, 真係萬幸~~

呢家安心晒!!!

大家唔厭我有語障, 又無相片, 可以睇下我點轉移

大爺媽簡易教學(低b班):
((唔包識架, 哈哈!!))

1) 要downlaod完yahoo俾你既備份

2) dowload "blogtrans"
http://sourceforge.net/projects/blogtrans/files/blogtrans-1.1.0.zip/download

((因為yahoo備份入面xml檔唔岩o係blogger.com用, 要用blogtrans將yahoo備份中既MT檔轉返適用於blogger.com既xml檔先得))

3) 左上角"匯入"-->MT檔-->選yahoo備份檔內的hk-blog_XXXXXXXX Moveable-Type.txt
((見到左邊show返晒你所以blog title同右邊有blog既內容就代表ok))

4) 去返blogger.com -->設定-->其他-->匯入網誌-->選取選yahoo備份檔內的hk-blog_XXXXXXXX Moveable-Type.txt

只需幾分鐘, 我以前幾百篇blog就搬晒過黎喇!!!
其實好簡單!!

不過大家可能唔明我教學講乜..wakakaka...
如果唔明, 可以上網seach其他教學, 佢地會專業詳盡啲!!

注意:
**我以前yahoo blog啲相o係up去photobucket架,
如果你地啲相o係up去yahoo既, 啲相會變死圖
我都唔知點算..大家去搵高人求救**

研究中

.....研究中....

YAHOO BLOG友搬左黎呢度既話請留言, 等我加返你地先, THANKS!!

BYE! YAHOO BLOG!---更新((開左新BLOG))

YAHOO !BLOG 關閉服務

尋日同大爺去完海灘諗住上黎打下BLOG,

點知收到呢個壞消息!!!..



咁即係唔使再打啦~~~~等搬..........

相片會FACEBOOK post架喇, 大家去我FACEBOOK睇喇



更新 2 SEP:
 開左個新BLOG喇!!!
http://lowbki.blogspot.hk/

暫時未打野住, 等我呢個電腦白痴研究下點搬BLOG過去呢度先..


BYE YAHOO BLOG

Play Academy (遊學園) 油塘

24 AUG 2013

首先多謝小檬媽邀請, 我地成班BB都有得免費全日任玩油塘呢個PLAYHOUSE


Play Academy (遊學園) 油塘

九龍油塘高超道38號（油塘港鐡站A出口）
上午7時至晚上11時
電話：+852 2870 2660


由於朝早要返工,  唯有放左工返去再會合爸爸, 再去接大爺出黎

好彩爸爸今日早放, 去playhouse如果得我一個睇住大爺, 我應該會虛脫


我屋企有巴士去藍田, 再轉MTR一個站就到油塘喇!!

大爺每次落到MTR月台都好興奮, 因為有佢鐘意既地鐵睇.

Happy 17 Months

21 AUG 2013

HAPPY 17 MONTHS

又一個月喇! 

依個月大爺說話方面有好大進步

教佢講啲新野, 佢都好乖跟住講

所以我依家同佢出街, 或者搭巴士時都係咁不停同佢講野, 叫佢跟住我講 

**但講襯都要孖字佢先跟住講**

見到識或唔識既, 總之望住大爺笑既, 我都會叫大爺打招呼,

佢都好似親善大使咁SAY HI, 叫姨姨, 叔叔, 哥哥, 姐姐...有時心情好會自己加個飛吻俾人.



平時叫我MAMA, 呢家教佢個MAMI, 佢係講MI~MA 

平時叫爸爸做DAD DAD, 教佢講DADDY, 佢就DY~DAD

點解會咁既????兩個字唔同音既佢就調轉黎講...

近排大爺愛上 玩咀

不停玩自己個咀, do咀, 扁咀, LAM咀, 一字咀, 總之一得閒就係度玩咀



食方面: 無乜改變, KAKA, 因為我太懶喇!!!

都係粥, 粥, 粥, 同粥, 有時唔得閒煮就跟我地食大人飯

好彩大爺對食無乜要求



POO POO方面: 都係用廁板痾POO POO

但未開始罰練戒片, 遲下先...


作息時間: 無乜改變, 同上個月差唔多

上, 下午都各出一次街放電



呢個細佬仔成日靜靜雞留意大人啲一舉一動, 悄悄地學


婆婆新剷既型仔髮型, 維持左三日, 俾公公破壞左.

呢個係剷完影既!!

哈哈哈, 呢張好大個仔啊... 件衫後面睇成條裙咁長..

點解你咁矮架????

有一日放工返黎望望下咁古怪, 做乜前面啲陰齊輯輯架, 然後問邊個剪過

第一個懷疑: 虎虎, 佢死話無~~~~我不停問都話無

然後宜姨話: 你睇下, 公公唔出聲, 擺明係佢啦.~~~~~

好, 阿公唔認~~~仲係咁話不嬲都係咁, 依家咪幾得意



我估公公係想幫大爺剪到個髮型似自己

中間有個尖尖位, 但佢剪衰左, 搞到大爺變左傻仔頭=.=!!!