04 MAR 2012
哈哈, 今日成功整左藍莓芝士餅
其實係因為經過間賣整餅材料既舖頭, 見到佢話3月優惠
焗芝士餅材炓包$68
乜都包晒, 連6吋餅盒...WOW, 好抵啊!!所以買左..
整完仲分左半個拎左去娘家, 爸爸都話妹味..
易整又好味, 下次可以再整...
全部都量好晒份量PACK好晒
自己唔使出去再買啲咩材料..
材料: (6吋旦糕盤)
1. 芝士餅底碎80 (a) 牛油(溶) 30g
2. 忌廉芝士 250g
3.糖 60g
4. 旦 2隻
5. 檸檬汁1茶 檸檬青半茶匙
6. (b) 牛油(溶) 55g
餅面材料: 藍莓醬100g
做法:
1) 將消化餅加入(a) 牛油溶液, 攪勻
平壓在餅模底
2. 忌廉芝士放置在室搵回暖 (大約30分鐘)
3. 忌廉芝士和糖一起打至沒有糖粒便可加旦, 旦分5-6次落, 每次2分鐘
4. 加檸檬青和檸檬汁, 最後加入(b)牛油溶液, 拌勻, 倒進旦糕模內
5. 焗爐預熱180度, 用170度, 約焗35-40分鐘
6. 取出後塗上餅面裝飾, 放涼即成
(放涼縮左一大半)
我既"亂煮"分類終於可以新增一篇blog喇!!!
之前見其他blogger整木糠布丁好似好容易咁
我成日都話要整, 但懶人上身既我為左唔使洗碗所以遲遲都未整
((我真係好憎洗碗HOHO, 不過呢家大肚大晒, 我知阿比實會幫我洗, 嘿嘿))
木糠布丁
材料: 淡忌廉, 鍊奶, 馬利餅, OREO餅
做法真係好容易
1) 將啲馬利餅同OREA餅攪碎 (由於屋企無攪拌機, 呢個任務交左俾阿比)
但佢壓得啲餅唔夠誶
2) 將淡忌廉發起, 再加鍊奶打至企身
3) 逐層逐層加落杯就完成
嘿嘿, 之前外賣食埋食埋唔少膠杯, 儲起左...
呢家大派用場!!!
啲餅好明顥係壓得唔夠碎, 不過唔會應該個味道!!
都好好味...嘻!!!
剛剛好, 整到三個細杯, 一個大盒
以後唔使係出面食木糖布丁喇!!! 自己整同出面整既一樣味..
焗豬排骨
媽媽公司同啲同事訂左4排豬排返黎
俾我一條我, 呢度淨係斬左一半出黎, 仲有一半留返下次整
我求其拎啲鹽, 黑椒, 鼓油, 胡椒粉, 孜然粉 "葉"一"葉"佢
個"葉"字點打???
再拎去焗爐兩面各焗20分鐘左右就完成喇!!!
金菇肥牛炒烏冬
由於上次打邊爐淨左啲肥牛同烏冬係度
所以先炒埋佢一堆
啲調味憑感覺去加, 但都好入味啊!!!!WAKAKAKAKA....
婚後第一個情人節, 阿比提議o係屋企整壽司
難得佢有主見, 我當然舉腳讚成啦!!
今餐都係阿比整多, 切好晒啲材料我就負責卷左啲壽司, 哈哈!!
easy job, 我以前成日都整卷卷壽司...
冷烏冬, 壽司, 騎呢飯團..仲有甜品雪糕
呢個"紫菜頭" 同 "圓版麥多勞叔叔" 係阿比既傑作
對唔住喇, 我要食左你地喇~~~!!
我地啲小學雞程度, 咁就完成左呢餐情人節飯喇!!
又有得玩, 又有得食!!!
HAPPY ~~ HAPPY~~ HAPPY!!
追加:
情人節前兩日
我地試整左個心太軟!!
其實成功架, 熱辣辣既古古力漿流出黎架!!
賣相都唔錯!!
只不過.....個面焗燶左咋嘛..........WAKAKAKAKA!!
明明我都聞到好大陣燶味...係好強烈既燶味..
但阿比係咁話唔覺唔覺, 仲話呢啲係香味=.=
結果...一打開, 真係焗到個面超燶囉........激死我!!
淨係了左入面食, 味道都OK..
下次再接再厲!!
一個月總要煮幾次飯
阿比好鐘意我煮
每次都會同我清晒佢
今日有 揶菜炒雞柳+煎魚+蒸肉餅
評語 好味 好味 同好好味 
除左個肉餅...wakaka, 個肉餅縮晒水
今次蒸肉餅真係難到我!!
老細送既日本手信
全部都係三眼仔!!!!!真係多謝晒..............
其實鐘意三眼仔都係因為佢係青色
我真係好鐘意青色...........
***********************************************************************
前幾日大昌開倉, 食完lunch同d同事一齊去掃貨
買左三罐鮑魚汁海螺片, 26蚊罐, 真係抵到爛!!wakakaka.....
仲買左兩盒禮盒裝瑤柱 $320, 抵!!又大粒又好味......新年送禮岩晒!!!
今日開黎食下個螺片, 仲整左個咸魚粒炒飯 (倒左少少鮑魚汁一齊炒)
yummy丫!!!!
大家有冇發覺我成日炒飯..........點解呢???
因為公司成日叫外賣d白飯無人食, 所以我就拎左返屋企.....wakaka....
咁又一餐, 又唔使錢, 真係限唔少架!!!
