2009年最後一日
己經好多年無出去倒數
年紀大, 唔好出去同人迫!!!
今年倆口子靜靜咁係屋企倒數
未12點阿比己經入左房訓=.=!!!
呢一年終於擁有左自己既家, 亦都因為咁成款身家用晒, 最窮既一年
都係因為咁, 今年無去旅行....((我真係好鐘意去旅行))
工作方面, 今年生意比上年明顯好了, 希望老闆有返封大利是俾我地啦!!
仲有, 終於箍完牙,真係天大喜事!!!!
其他方面今年一切都過得很順利!!
黎緊呢一年有乜目標????未諗到bor....wakakaka....
今日阿比送左份遲來的聖誕禮物
就係我搵左成個旺角都搵唔到既鞋
其實只係一對普通cons...不過成個旺角都無晒我個size=.=
對唔住, 浮誇左!!!! 我呢個浮誇表情都係學阿比..kuku!!
好鐘意佢咁多窿....
多謝晒!!!!
由於屋企無聖誕樹
今年收完d禮物就掉晒去櫃頂=.=
下年我一定要買棵聖誕樹o係屋企!!!
boxing day拆禮物...
禮物大合照!!!多謝晒~~~~~
今日阿比放假...訓到一點幾先捨得起身.....
本來諗住去影相, 點知搞完衫都成三點幾=.=
結果求其去左大埔逛下
逛逛下又話今晚倆口子打邊爐,
拿拿淋去買料, 兩條冷又唔食得多,
最主要其實想食小肥羊既湯料, 羊肉WAKAKAKAKA...
仲一路煲碟一路睇打, 真係捨意........KUKUKU!!!
由於今朝太遲起身, 夜晚成兩點都未訓得著
阿比就玩相機..玩電腦, 我就嘆左係梳化度睇電視...........
無聊到震!!!!!!!!!!!!!!!!!!!
24號平安夜
公司放四點
其實呢兩日返工都好似放緊假咁...kakaka!!
因為老細一家大細去晒日本過白色聖誕....真係無黃管..
仲要日日返公司都有禮物收!
收完拆完又包返, 等26號一次過再拆多次..HAHA!!
每年佢地都送俾我, 但係我就無買禮物聖誕呢種習慣...
點知佢地都繼續年年送, 仲要今年收到幾份都貴貴地咁........真係唔好意思喇!!
結果尋日放工拿拿淋去買禮物, 禮上往來好d...........
不過無乜錢, 買既都係小禮物, 有心意都ok啦!!!全部都好實用既....
今日阿比好好彩丫, 收四點!!
可以出街食下飯!!
聖誕當然食下大餐啦......wakakaka
人地食火雞, 我地食燒雞!!!
wakaka..咪就係KFC既燒食大餐囉!!
平平地又唔使同人迫!!!都好開心架喇..............
點解d士兵棚牙咁醜樣既!!!哨牙咁...........=.=
又黎聖誕波自拍=.=
我真係好鐘意影住d波波自拍架, wakakakaka................
哎唷, 咁大隻既bear bear!!
其實今日主要目的, 係阿比要買背包...
行混成個商場, 終於買到喇................唉!!!真係厭占丫..!!
我都有份送架, 當聖誕禮物..........!!!
各位
MERRY CHRISTMAS!!!
祝大家有個愉快既聖誕假期..HOHOHO!!!
今日中午公司做冬,
都係過MEGA BOX百樂門食飯!!
飽到上心口!~~食到成3點先返到公司...
臨放工仲收到老細份X'MAS禮物
嘩...今年搞乜送咁多野俾我=.=係咪想報答我平時幫佢湊女???
未等到boxing day我己經即刻拆左d禮物喇...
鬼死咁大既火箭, 仲高過我個mon...
無拎返屋企, 放係公司同洛洛玩下先!!
等佢玩到厭先拎返屋企放~~
三眼筆鎖匙扣, 旅行岩晒!!扣住o係個袋度....
仲有仲大過手掌既三眼仔....
仲有VW既銀包 (PVC料黎, I LIKE IT)
有禮物收真係開心!!!
聖誕未到, 己經開始慶祝!!
上年約唔成, 今年終於齊晒人...GOOD!!
每年必備節目--交換禮物!!
大家都好緊張, 千其唔好抽到豪o個份...
年年大家都好唔希望抽到,
但偏偏年年都係我抽到=.=
真係黑仔!!!
抽到4都知係不祥預兆架喇!!!!
點知...今年又真係我!!救命~~
睇下佢幾開心, 佢真係好想我抽到架!!!
登登登, 我咪抽到紀念版礦泉水囉.=.=
咁大支, 放邊呢????
男子組:
女子組:
今晚實在太刺激喇!!!
好耐無update下個blog, 都係一個字 "懶"
下個星期會勤力d!!!
近來
1. 終於將把厚厚既頭髮電左負理子, 剪埋...爽晒!!!爽住咁過聖誕~~
2. 每日都沉醉係"淘寶網" 同 "fb既cafe world" 中
3. 26號阿比放街, 諗緊去邊玩好~~
4. 約d朋友仔x'mas出黎聚一聚..
這個星期就係咁過, 準備x'mas狂出街!!!
過完x'mas應該無錢淨=.=.....
最後無聊搵到張騎呢舊相wakaka
牛屎小雲
((我手上支樹枝篤住既係牛屎))
唔臭架...乾晒架喇!!!
地下仲有成一pat牛屎kukuku!!
2年前去露營玩遊戲輸了的"程"罰..
不過其實我幾enjoy...
多謝收看!!!
