終極好消息--轉上午班成功

12 FEB 2015
終極好消息

上次講到收到取錄信後即刻寫左封感人信寄去申請轉上午班
老師都講明, 以佢經驗黎睇年年上午班都好少人放出黎,
機會好微, 叫我做定心理準備多數無
 ((機會微啫, 唔代表真係無機會嘛, 大爺媽唔會放棄既))

之後註冊日我地一家三口齊齊去學校註冊

其實就唔使全家人去, 我見排前面個啲都係一個家長自己去註冊

但我又有個希望, 諗住可能撞到校長, 或者見到啲老師駁下表現嘛XDD

((大爺爸成日話我諗多左, 仲話我大陣仗請埋假去))

註冊時我又交多次信((我怕之前個封寄失左嘛XD)
註冊個位職員又同大爺傾計, 又玩, 大爺最後仲醒左個飛吻俾人

過左註冊日都兩星期, 諗住仲未收到電話, 都無乜希望架啦!
因為打過去問, 有成70-80人申請轉上午班, 機會真係好渺茫

今朝竟然收到學校電話, 話可以俾大爺轉到上午班

真係好好好好好開心又好好好好好感動!!!

大爺可以繼續晨咁早起身啦!!XDD
依3年就開開心心輕輕鬆鬆咁返學

上次同大爺去學校註冊
見到操場上緊體育堂, 跑跑跑, 同跨欄
大爺見想走過去一齊玩 ..仲話要o係度返學
希望到時佢真係好鐘意呢間學校啦^^

[[公,婆, 孫]] 賞花 -- 嘉道理農場

1 FEB 2015
[[公,婆, 孫]] 賞花 -- 嘉道理農場

去完大尾督掘蜆,划艇仔第二日
公公婆婆又唔放過我, 問去唔去嘉道理睇櫻花
當時諗好快睇完啫, 仲約左大爺爸食lunch添...點知~~~~中伏!

今日星期日好多人, 排左一陣隊買飛入場

諗住買埋車票坐車上山, 點知朝早班班都full晒, 得返一點幾既
最後無買到!! 咁就燒焦啦.....公公話行上去好快啫..

HELLO!!好嘉道理叔叔打個招呼先~
大爺仲錫左佢一啖添..WAKAKAKA

周圍行下睇下
果然係兩公孫=.=!!好似啲伯父...

黎之前己經同大爺講有豬豬睇架~
佢就好期待, 話要去睇豬豬

大爺:"點解無既??做乜佢地唔出黎既??喂~豬豬, 出黎啊"
佢真係不停咁講XDDDDD
我:"豬豬先生太懶喇, o係入面瞓緊覺~ "
然後~大爺就扁咀啦~XDDDDD

睇唔到真豬, 唯有睇住隻假豬先啦~

啊, 原來仲有真野豬睇既~

YEAH!!!

大爺:"你影夠未啊"

叫佢企定定係度俾我影相, 佢就咁~

好高啊~

好明顯我同大爺既裝束唔似行山
=.=早知要行山, 就著返對波鞋...

艱辛之旅開始啦~
((其實得我一個人覺得艱辛))

大個仔, 自己上樓梯啦~唔使拖住

大爺:"媽媽, 你快啲啦~"

見到啲樓梯, 我好想自己一個返落去
叫佢地三個自己行上去算WAKAKAKA

但見到大爺咁開心, 我都唯有頂硬上啦~

行到一半喇!!見到呢條樓梯, 我真係縮沙
呢三個人不停話"行呢條路快啲上到山架"
睇下大爺, 佢一啲都唔攰囉

o係我苦苦哀求下, 終於俾我行返出面條外圍大路(斜路)
唉~咁咪好囉!又有啲花睇下...

好靚啊!!!((啲花))

呢個古惑大爺又黎料~
met~死~人~咩~
佢真係大大力met我啲肉出黎架>_<

大爺媽我行到發花癲~XDDD

影完又行喇!!!

壓下腿, 拉下筋先!!

woo好高高啦~

嗚~終於去到蝴蝶園啦~
勁多龍友走黎影花, 棵棵樹下面都一堆人
((如果大家唔行上山, 係可以入口度買車票上山架
蝴蝶園有站, 總站觀音山))

我地搵啲高處黎影, 費事迫~
大爺冧人真係有一手架~
睇下婆婆幾咁開心!!

cool到婆婆差啲透唔到氣
加埋呢一錫, 婆婆暈lu!!

坐底食下野, 休息下, 睇下風景, 睇下啲龍友先XDDD

係咪叫松子??

大爺見有啲龍友拎啲公仔放樹上面影
又話要拎自己架機械人車車出黎影=.=!!

見啲人群消散小小, 又影下啦~
不過大爺想逃走

公公心諗, 呢兩母子又黎料, 去到邊啜到邊

都行到去蝴蝶園, 無理由唔行多陣去觀音山

行就行啦!!

大爺一啲都唔攰, 仲跑上去添...佩服佩服!

為左配合返個靜字, 叫大爺SHU~

SHU SHU下佢就急SHU喇~~
笑死我!!

 

由下面行上觀音山, 個牌寫住話要90分鐘

我地帶住大爺當然唔止90分鐘~~

不過大爺都好叻仔, 大部份時間都係自己行,  中途都係抱左一陣仔

見佢咁乖, 請佢食返隻出奇蛋啦!!

食完又跑過, 我就坐埋一邊無佢咁好氣!

休息到咁上下就走lu!完成今次艱辛之旅

當然落山我堅持坐車落!!唔係我條腿會斷...XDD

 

我對腳夜晚瞓覺都痛到瞓唔著...睇黎要跟公公婆婆行多啲山

[[公,婆, 孫]] 掘蜆 + 划艇仔@大尾督

31 JAN 2015

星期六, 我地又去左親親大自然啦!!

多左個星期六, 真係多左好多親子時間

大爺呢家開始成日問我, 聽日去邊度玩??聽日約左邊個??

佢仲期待過我咁喎!!

呢日我地一早公公婆婆又帶左我地去大尾督

大爺話要捉彈塗魚, 所以公公帶左我地黎呢度..

點知我地俾啲野吸引左, 完全無捉左彈塗魚... XDDDD

o係大埔搭75K巴士去龍尾站落車, 過對面就係呢個石灘啦..

  被逼影相先可以落去玩HAHAHA

想走

無咁易, 同媽媽影埋先..

發現正野!!!!

可能今次黎潮退, 竟然被我地搵到一大堆蜆

所以我地完全忘記左捉彈塗魚..HAHAHA

嗱!睇下..

潔癖怪, 又話濕濕, 又話污漕,

叫左佢好耐先肯拎住影相

好彩我帶左兩個玩沙玩具, 仲有個膠袋o係身

唔係啲蜆都唔知點袋走好~~

今日收獲, 今晚有蜆食...YEAH!!!

公公唔心熄啊,又話要去遠啲睇下仲有冇..

大爺完全係搞搞震無幫襯

大爺好忙架, 個咀又不停講野, 隻手又不停筆沙

好浪漫兩公孫=.=!!!

 

公公話畫架船船俾大爺搭haha

仲有火車!!

平衡力好好喎!!

我就無佢地咁好氣, 同婆婆坐埋一邊hea

咁早, 呢度真係一個人都無, 大爺玩晒成個灘!!

望咩???

咪望住公公囉..

勁!!WAKAKA

差唔多,飲埋盒奶就去玩第二樣野喇!!

公公問一係踩單車, 一係划艇仔

大爺指定要玩既划艇仔!!

2人船 $30一個鐘

4人船 $60一個鐘

 

GOGOGO!!出發~

兩母子都係有姿勢, 無實際!!

嘻嘻嘻!!!

我地仲係水中央開埋開餐, 食下包包餅餅, 好寫意..XDD

好彩有公公係度, 唔係我地返唔到埋岸架啦..XP

夜晚煮左啲蜆黎食!!YUMMY~~