大爺十四個月

21 MAY 2013

大爺14個月喇!!


大爺唔知係咪幫我慳錢, 呢隻6M既哈衣都仲岩著

仲越著越鬆添!!!  

當初幾個月大既大爺真係好美肥
呢張好似人地減肥前減肥後既相




可能大爺每日既活動太大,  消耗晒啲脂肪

每日活動:
7:30-8:00 起身飲奶
8:30 去公園, 行草地, sir滑梯, 搖搖板, 氹氹轉
9:00 體育館遊戲室玩, 跑跑跑, 搬搬搬
10:00 回家再玩
13:00 瞓晏覺
15:30  落平台公園 打千秋, sir滑梯, 行行行

依家淨係瞓一覺, 打後就唔會再瞓, 玩到夜晚九點先沖涼瞓覺
公公湊住佢真係辛苦

大爺近排好鐘意整呢個"一字咀"

午睡中, 好優美既睡姿, 哈哈!!

(((由大爺初出世到呢家, 好多朋友都問我做乜大爺又唔著褲
kekeke, 我真係唔鐘意俾褲佢著架
咁樣著BB啲嘛, 見到佢條腿好似咬爆佢)))

我精心炮制既蕃茄薯仔牛肉旦ABC粉

同埋迪迪尼買既米奇碗, 大爺見到幾開心...

食方面同上個月差不多喇!!無乜改變...



某一日黑雨朝早, 好唔捨得啊, 下午變返黃雨又要返工喇!!!

我地相親相愛

因為條手指餅餅...哈哈!!!

大爺既舅父成日教佢撩鼻屎

唉~~~~大爺呢家撩得好開心

上星期日諗住帶大爺睇B DUCK

點知落雨, 無得睇

仲等我著定件鴨鴨衫添....唯有係屋企影下相啦.!!!

大爺成日係度嗌"額額"........."額額".............

多得其他媽媽講, 我先知大爺有份登係JESSICA BABY度

即刻買返本黎留念先!!

不過無奬架, 好似第一先有奬品

有得登下雜誌都己經好開心喇!!

My 2nd mother's day

12 MAY 2013

第二年母親節


設計對白: 你, 影夠未??邊間報館架??吓????



雖然母親節, 大爺都唔放過我

只係叫佢影下相啫, 死拎住把刀唔放

所以, 幅幅相都有把刀係手 想影型啲都唔得既

叫佢企定定係無用, 佢係要行走...=.=!!

搞到好似想過黎"筒"我一刀咁

唯一一張坐定定俾我影

是日活動: 朝早十一點去左搵dad dad食早餐

下午由1點瞓到5點

大爺都對我不薄喇!!瞓咁耐...

我都跟佢瞓咁耐...真係好爽!!!


所以我既母親節禮物係...............一個好爽既晏覺!!

Tea@Disney Hotel

5.1 難得放假

相約了我的好朋友tea一tea

今次試下去迪迪尼間酒店

叫左一中, 一西


當然, 帶埋大爺去啦!!哈哈~~



JOJO姨姨& SYLIVA 姨姨



其實味道麻麻地, 但就傾計環境唔彩

同埋梳化位好舒服!!




好彩俾呢個近窗口位我地, 大爺可以周圍行去放電

呢家成日lur要落地, 唔俾佢落地就發癲扭身扭勢

 一放佢落地就好開心


自己走埋去坐係度擺pose=.=!!




風景好好啊...大爺成日要走埋去呢個度


幾開心, 嘻嘻!!!


為左左令大爺唔好走黎走去, 帶左啲玩具俾佢玩

就係佢鐘意既玩具刀, 叉, 粟米..wakakakaka...



但係呢套野都唔夠個窗吸引, 玩玩下又走開左...



好鬼甜既肥pooh 曲奇


真係好肉緊啊!!!!

莊大爺13months

21 APR 2013

大爺13個月大喇!!

越大越古惑, 呢家成日做埋啲古怪野...


食方便都係一樣, 3奶2粥

其實想2奶3粥, 但佢又好似好鐘意飲奶咁, 成日嗌要飲奶奶...奶奶...奶奶..

真係好得意..wakaka..


學野方面: 識行, 識扮可憐


呢家識行成日lur落地, 一出街食飯坐得唔耐煩, 成日想落地行

一唔俾佢落地就扭黎扭去...



呢家俾公公訓練到克服到啲草喇~

但佢企係度好耐都唔郁..wakakaka...

((請留意佢隻手, 俾公公包住左, 因為佢食手指食得太密喇))



越黎越粗魯....呢張己經好好, 無企係度或者爬出黎..

明明以前會乖乖地坐係度食粥粥架...





o係大爺八個月時己經無用盆轉用花曬沖涼

平時沖涼玩具就放係地下俾佢玩

但佢就周圍郁, 又企又坐, 麻煩仔..

終於俾我係淘寶搵到set靚靚沖涼玩具痴係牆度, 咁佢就企定定玩, 幫佢沖又再舒服啲喇!!





我發覺大爺幾鐘意啲古怪野..

呢幾隻野佢真係好鐘意咁..

短片放送((行行行, 扮笑, 解lock) 13mths

13個月, 大爺識行喇!!

之後行左2步咁大把就用返爬爬爬..或者一定拖住行

呢家唔使拖住自己行喇...yeah yeah!!!

果然, 見到佢自己行, 真係好興奮, 我仲讚左佢好多次叻叻..

不過有時佢行行下跌底左, 佢有少少驚, 就要搵我隻手拖住行

不過仲未可以自己係街行, 佢有時心急, 行幾行又用返爬..

星期日如果無街去, 我都會睇running man...

大爺都好鐘意睇...

今集光洙係咁向天大笑, 大爺見到又學佢...

痴左線咁笑...

大爺對電話好有興趣, 相信好多bb都好鐘意玩電話..

佢見我禁得多, 佢就開始識禁..

成日要拎我個電話解lock...

 

恐龍仔大爺寫真

呢輯相好似己經o係2月左右影

因為大爺快一歲, 影返輯相留念


今日造型: 龍仔




側邊影有埋條尾..哈哈!!!




一放落去己經不受控制要爬走

所以影呢輯相真係好辛苦...





又以為自己係大爺, 擺埋啲大爺POSE




豬咀......前排大爺好興豬咀

呢排反而少左!!









今次同埋啷啷細佬一齊影



細佬做左大笨象, 好得意...










全家幅






好喇!!!!正野黎喇~~~~大爺除晒益大家..



我身型FIT唔FIT啊???




影幾張好喇, 都係著返條片片先, 我覺得佢會痾VV囉.....哈哈!!





細佬你條片片脹晒囉喎, 好換囉喎~~




骷髏骨兄弟裝!!


啷啷: 嗚嗚嗚....哥哥蝦我....唔同我玩...
大爺: WOHOHOHO!!細佬喊~~~