屯門巿廣場Toy Story + 棉花糖生日party

23 AUG 2015

今日去屯門參加朋友仔既生日party

所以可以順便去屯門巿廣場搵下三眼仔影相

HELLO!!
三眼仔X單眼仔

自HIGH中

叫左佢去到先帶款單眼仔眼鏡, 點都唔肯, 死都要帶住
咁樣出街啲途人係咁望住佢!!
雖然大爺媽我好鐘意青色, 但佢今日未免太青啦~

到達!!商場管理好好, 有控制人流, 我地好快影完~

kukuku, 呢張影到大爺好高大咁..

叫佢扮俾個爪爪住!!都扮得幾似啊~HAHA

一家三口!!

大爺叫我豬咀一齊影喎!!

臨走見呢個game, 原來o係商場買滿$100就可以玩
咁岩剛剛去完玩具反斗城買禮物, 可以玩一次!
um, 呢個game都幾無聊, 勁快玩完!!

影完差唔多時間就行去Vcity參加生日party
經過Godiva, 嘿嘿, 大爺爸又係度, 叫佢請我地食雪糕先

雖然呢個雪糕出左好耐, 但我地都係第一次食咋!

YUMMY!!


生日PARTY o係Vcity上面
party房, 有得bbq同有個泳池仔
大爺見到個泳池話想游, 但我地無帶泳衣喎
所以俾佢除鞋, 坐下池邊踢水

坐坐下佢就企左落一級, 即刻抱返佢上黎除左條褲先
好彩平時出街都帶多套衫, 所以都由佢落去玩水

一個人游晒成個池XDD
仲問我有冇水泡~~

大爺爸摺高條褲同佢玩左陣

玩到唔願上返黎!!
o係我地三催四請佢先肯上水, 換衫

搵返主角影下相先!!
HAPPY BIRTHDAY TO棉花糖!

下兩天節目-踩水氹+跑步

13 Aug 2015

星期六   下雨天

大爺一起身見到落大雨, 即刻話不如落去踩氹

嗯!!好啦好啦~~
橫掂近排買左對水鞋俾佢, 就同佢落去踩下水氹

因為第時返學校條路會淋雨,所以買定對水鞋俾佢
佢睇peppa pig成日都同我講想要一對水鞋, 終於都買左俾佢啦
把熊本熊雨遮都買左成年幾, 呢家大個仔夠力拎住喇!!

一落到樓下己經有水氹, 己經衝左埋去
勁興奮!!!

樓下既水氹差唔多個個都俾佢踩混晒~~WAKAKA

其實臨出門口公公打黎話一齊去跑步, 著住水鞋點跑步呢?
但又應承左佢踩水氹架嘛, 結果我就袋埋佢對跑鞋去到換

踩完水氹就出發喇!!

等巴士中

~~笑~~

搭兩個站巴士好快到

落車好開心咁去搵水氹踩

企定定等過馬路

平時公公湊, 每朝早起身都會帶大爺黎體育館
玩完地下既遊戲室, 就上2樓緩跑徑跑步
 公公就上去跑先, 我就同大爺去遊戲室玩一陣先上去會合佢

玩完遊戲室 
我同大爺講, 我未去過緩跑徑, 叫佢帶路
佢就問我拎個五蚊, 然後就帶我去locker命令我放好啲野
無錯, 扮大人係度命令我!!
佢就換好對鞋, 就自己鎖好!

然後就叫我跟佢行
大爺:"你跟住我, 我帶你去搭lift上2樓, 然後要簽名架"
果然上到去有個叔叔坐係度, 要簽名先入得去緩跑徑
 個叔叔望遠見到大爺就話:"喂, 軒仔,又黎跑步啊"

一入去到, 就自動波係度拉筋, 做熱身運動

準備!!!

~~~跑啊跑啊~~~
呢度得一個出口, 所以放心佢自己跑

見返公公同婆婆啦!XDDD

公公話平時大爺會跑到4-6個圈

好明顥大爺係唔會放過我!我都要跑埋一份~

終於知道平時佢同公公既蒲點原來係咁既
大爺平時啲活動都好勞動下喎, 點解佢唔攰???

我的管家男朋友仔(3Y5M)

我的管家男朋友仔(3Y5M)

雖然多數人都話生女比較窩心 (我當初未生大爺都係咁諗)
但生左大爺之後我又覺得生仔都好唔錯bor!
我家大爺一樣咁窩心, 講野好sweet, 仲好感性添~

成日都話要保護媽媽, 又細心, 好似我既男朋友仔咁~

永遠企o係我個邊, 永遠話媽媽係最好, 永遠話媽媽係最靚, 永遠話最鐘意媽媽
wakakaka, 我無洗佢腦架, 佢發自內心既!!
但你問佢, 邊個最惡, 邊個成日鬧佢~~~佢都話係媽媽=.=!!
 所以呢佢係愛我既全部, 無論好與壞, 愛一個人係麻木架, 嘿嘿嘿~
大爺爸睇到可能又話我發花癲, 戀子狂

真係唔好意思, 媽媽有舖癮, 鐘意幫小朋友扎辮架
都幾靚女啊wakakaka

記底下近期既窩心事件先
窩心事件薄:

(一)

有次出街抱住大爺, 有啲風吹亂左我個頭

又有條吊左落塊面度, 大爺突然控埋黎望住我,

然後好溫柔一邊幫我整返好條頭髮, 一邊講

"媽媽, 你亂左啦個頭, 我幫你整返好啦"

整好條頭髮又幫我睇下後面有冇亂, 最後好man咁話"得喇"

(二)

有次沖涼唔記得拎毛巾, 叫大爺爸拎黎

大爺爸就玩野o係門口遞完又縮遞完又縮, 唔俾我拎到

大爺見到即刻"dad dad你做咩, 唔得啊~ 你快啲俾媽媽啊"

大爺爸唔聽佢講, 仲繼續玩野

大爺就勞氣走去搶左遞俾我喇!!

(三)

自從之前同大爺著完親子衫, 依家出街我一換完衫
佢就會話:"媽媽我都想著埋同你一樣, 親子啊"
wakakaka, 真係怨氣啊, 可惜唔係件件都有得親子呢~

(四)

有時出街, 我話去換衫, 大爺會跟住我入房
"媽媽, 你今日著米奇個件啦, 我覺得你著得好靚啊"

嗯, 佢連我啲衣著都要管HAHA

(五)
有晚瞓覺前傾計
大爺:"媽媽, 係咪個個人都會死架?"
我:"係啊, 人老左就會死架啦"
大爺:"咁我都會死喎"
我"彩~~~~"
大爺:"咁點先唔死?"
我:"食多啲飯, 早啲瞓, 做多啲運動健康啲就無咁快死"
大爺用哭腔講:"咁媽媽你都要喎(嗚)~~ 如果唔係我咪好傷心見你唔到(嗚~)"
然後, 佢就伏左係枕頭度喊
~~~感性的大爺~~~

[[BIG Yeah]] 玩轉小檬家

9 AUG 2015

話說上次去playhouse同小檬傾計,
講開大爺鐘意玩車車, 小檬話佢屋企都有, 仲叫我地去佢屋企話bor!
小檬真係乖豬, 今次我地真係去左小檬家玩啦~哈哈!

不過去到小檬瞓緊晏覺, 同可愛到暈既妹妹豬玩住先~
妹妹豬好好客, 又熱情, 真係俾你冧死!!

兩個好sweet咁橕枱腳

大爺好愛呢個吸鹿機XD
幫手打掃, 吸左好耐, 仲吸埋枱底!
如果呢個係真既, gen ee會好開心haha

小檬哥哥起身啦!!可以一齊玩~

大爺好專心玩車, 妹妹黎個從後擁抱 , 笑屎我!
妹妹豬你黎攬ee啦, 大爺哥哥一玩車乜人都唔理架 ~

今日仲大爺既拖友小b 同姊妹一齊玩!!終於齊人啦~ 
妹妹豬真係好好客,走左去門口迎賓, 仲拖埋一齊行入黎hahaha

大爺司機唔該開快啲啦!

 落會所玩放下電先
=.=!大爺呢家啲pose真係令我有少少滴汗

((男女男))哈哈!!

一落到去, 大爺成日都話"我要拖小B" 

大爺唔拖媽媽, 好彩我都有妹妹豬抱, KEKE
你有你快活, 我有我開心!!

大爺細細個都黎過sir呢個小丑滑梯架
不過佢應該唔記得!! 佢仲同小Bo係度第一次見面架XP

呢隻八瓜魚我地齊齊放手彈開啲腳, 佢地個個笑到碌地..

嘭嘭嘭!!

玩完排隊勘水水休息下先!!

兩小無猜既拖友WAKAKA

小檬哥哥教拉筋!!

 終於有張齊人既大合照喇!!!

當大家正常影相, 大爺就係要玩突出
對腳抽筋嗎??對手唔攰, 握得咁實~wakakaka


好鐘意呢張, 個個都笑得好開心
(除左妹妹豬XDD)

唔該晒小檬爸去買pizza, 返上去就開餐啦!!!
一如我所料, 大爺淨係對白飯有興趣, 佢好快手食晒啲白飯就走左去玩
其他小朋友食得好乖乖, 尤其是小B, 坐到尾慢慢食無落過地! 

食飽飽仲有得整雪糕, YUMMY!!

兩個軒軒都古靈精怪

小檬仲攬住我條頸, wakaka幾friend

仲有妹妹豬, 幾咁識配合我haha

呢兩兄弟玩到癲左!!又攬埋一舊, 又係度大笑..
講野又似, 語氣似, 連把聲都似, 唔望住佢地都唔邊個係度講野

大合照 (永遠都唔會個個望鏡頭)
小檬: 呢~你睇下我拎左架車
 大爺: 一陣影完我就會拎返架喇!
妹妹豬: 你地爭夠未啊?

今日玩得好開心啊, 多謝小檬一家熱情照待啊!!
下次要再黎過(搗亂)啊~嘿嘿~