MUA - by Gipsy阿優 (confirmed)

今日係婚禮我覺得最重要既一環--試妝

我BID DAY個樣靚定醜真係靠晒佢

今日阿比要返工, 唔得閒陪我, 所以又係阿kit同我去!!

 

阿優office係太子, 好近地鐵站, 好易搵!

問左我鐘意d邊類型既妝就開始

kaka, 我話我要少女d既妝, 要自然, 要似返自己

勁快手就化好個妝, 好貼面, 唔厚, 好自然!

我自己好喜歡!!

 

然後阿優set左幾個頭俾我睇

全部頭係"賓"辮為主, 佢話我個樣細個, 受到  "賓"辮

 

第一個..褂頭

d花可以到時改用自己鐘意既色

阿優話我襯d粉色系列既花, 少女d..

後面

 

呢個我好鐘意架, 簡簡單單得黎又有d野睇下..

 

呢個阿優話可以敬酒時用, 到時可以揀下鐘意d乜頭飾

 

 

呢個註冊look..um..本來唔太鐘意珍珠

覺得戴左好娘

但放左落個頭度又好似無乜野咁

呢個look仲考慮緊..

 

呢個阿優話係仙子look

到時如果唔鐘意d花花, 又可以改用其他頭飾

 

 

試完晒拆晒個頭, 阿優問我臨走想點扎

我話我一陣行街, 求其扎起晒佢得架喇..

點知佢真係好好人, 幫我扎到咁靚wakakaka

真係唔該晒!!!

 

個妝同個頭都好鐘意, 所以即係confirm左!!

BIG DAY前一個月會再約一次見面

俾阿優睇返我揀左乜衫, 同埋佢會睇返我d皮膚狀況

同埋揀返d頭飾, 襯返d衫...

 

**最重要**

要留長返前面d陰, bid day前最好唔好電負理子

阿優話d陰留返長, 前面唔好咁一幅野咁, 有多d造形!

 

嗯嗯, 我呢家開始唔可以剪短個頭

 

 

YEAH!!!!又放下心頭大石喇..超開心!

仲走左去大shopping, 又破財!!kaka

 

..

..

..

..

..

黎緊仲有野睇

唔好嚇襯

..

..

..

..

..

 

*******************************************************************

其實之前仲試左兩個MUA

一個係個FD既FD ((其實唔想試, 因為佢唔係咁多經驗))

但呢個fd既關係, 唔收試妝錢, 咁即管試下..

大家唔好嚇趁

..

..

..

登登登

真係好古怪架

成個人老左十幾年咁=.=

隻眼好古怪, 妝又好厚, 頭又唔襯我個樣

OH NO!!!!!!

 

 

***********************************************************************

第二個MUA

..

..

登登登登

我話要自然, 唔要厚妝, 要清...似返自己..

但佢真係化到我太薄...我個FD話同出街既妝無乜分別

一d都唔滑=.=

仲要個頭SET頭好hea=.=真係好古怪

真係好唔掂!!!

 

 

MUA- confirmed

今日去左試妝  confirm左喇!

一身都鬆晒...

聽日再放d試妝相出黎分享下

 

 

P.S 加左上次係大澳pre-wedding其中一張相係頁面

 

低能花絮@石澳

影到差不多尾聲

去緊第二個景時, 哥哥一舉機

大家d低能潛能又要爆出黎

 

kathy好似忍者龜

 

嘿嘿, 平時唔係影pre-wedding d pose咪就係咁

 

失禮晒

婚紗@淘寶 pre-wedding用

影pre-wedding ((by哥哥))

想買過條婚紗, 3v送個條己經被我out左

本來諗住去廣州造, 但又係抽時間上去

一來一回d車錢又貴, 最後都係o係淘寶落手

 

近排不斷上淘寶睇婚紗  真係好多款  仲好平

睇左成個星期  呢件清清地最岩去石澳影  襯返個太陽同海邊

如果現貨得M碼, 我為免要改都係度身訂造

俾齊尺碼佢就OK, 訂造要得15-18天

其實等左唔夠10天佢己經寄左  真係快手

 

試左上身, 真係好fit身, 唔使改, very good!!!!

但望望下, 胸前有朵花點解唔同左位=.=

我鐘意佢本身相個位置多d bor

((肥臂又出現喇, 請忽見怪))

 

唯有自己郁手, 改改佢

順眼好多wakaka, 仲剪開左佢一面個條野

本身連住都幾古怪

 

背面唔使改

好鐘意pat pat個兩朵花wakakaka!!

唔使加鋼紗都ok

咁樣都好廷身!!!

 

評語:

跟原圖85%相似, 質料OK

只係嫌個裙腳收得古怪左少少, 不過影相應該影唔到

同埋花係用熱容膠痴落去=.=好彩痴得好實啫

價錢最重要: RMB208 真係抵到爛!!!!

呢個價錢, 呢個質素, 影pre-wedding可以接受

 

 

3V改期

今朝執好晒野, 己經行到去火車站

3V打黎話建議我地改期

話佢地個邊天文台呢兩日都有暴雨

因天氣關係改期唔需要俾錢

嗯!!橫掂落雨都影唔到

咁唯有取消!!!!

 

最快排到7月6日先有位

=.=7月咁耐, 唉~~~都無辦法啦!!

好彩我地下年3月先結婚

仲有時間

 

呢家BK左7月12日影

希望到先好好天啦!!熱我唔緊要...

最慘阿比啫, 大熱天時仲要著住件禮服WAKAKA

 

 

************************************************************

不過我地照返大陸, 上去dup骨

同搵好野食!!

 

 

石澳 pre-wedding

5月21日佛誔....yeah!!放假........

當然把握機會, 今次論到我同阿比去石澳影pre-wedding喇!

哥哥同kathy負責影!

今日竟然無落雨, 仲好好天

 

化好晒妝1點先出發去石澳

 

傻仔@.@

 

咁曬唔戴帽會曬死!!!

不過哥哥呢頂又誇左d 

仲有kathy咩住個塊野就係換衫既帳蓬

我今日就係打開個帳蓬係石灘同馬路邊換衫...kakaka!!

今日帶少好多野, 所以無叫多個人黎幫手!!

 由於無叫多個人, 無花絮睇

唯有又等哥哥執完d相先post出黎俾大家睇!

但哥哥連上次蒲台島既都未得閒執,

睇黎都有排先有得睇=.=

 

 

求婚

阿比今日開始放五日大假,

下午打俾佢話今晚落樓下食哦哦哦...樓下食

點知放工返到屋企打開門

下????煮緊野既

((阿比從未煮過野, 除左公仔麵))

咁離奇當然影底留念下啦..WAKAKAKAKA!!!

係廳等左一陣..HOHO..有野食喇

心形牛扒  肉醬意粉 仲有 粟米磨菇湯

個賣相好靚丫!!

 

味道都好好味

第一次煮得咁好味, 真係無得頂!!!讚!!

.

.

食完仲話有甜品

咁正???但我好飽bor...

佢話咁拎出黎俾我睇下先!!

-

-

-

-

登登登登

嘩!!!我等左好耐佢終於求婚喇...

之前一路都以為佢唔會求婚架喇, 真係好感動!!

 

" YES, I DO"

 

HOHOHOHO!!

 

 

雖然無超浪漫既排場

但心意己經搭夠晒KAKAKA!!多謝晒!!

 

 

難忘suprise既一晚!!