BOXING DAY 2011(下)打邊邊

BOXING DAY (下)

打邊爐@ HOME



WITH 惠惠 &聰



波點人挭係用返波點碗啦..KAKAKA








歡迎光臨, 下次再黎過喇!!!

難得咁遠入黎, 挭係預備左份聖誕禮物俾你地啦..HEHE!!





BEBE六個月喇....點解影出黎無左個肚???@@





多謝你地盒朱古力啊, 好味道!!

25th X'MAS & 26 thBOXING DAY 2011(上)

25 DEC X'MAS 2011

雖然我同阿比都今日放假

但訓到好晏先起身

下午去左街市買明天打邊爐既材料

夜晚返奶奶度食飯

咁就過左個聖誕喇=.=







26 DEC BOXING DAY




BOXING DAY可以拆禮物喇!!

今年阿比送左兩樣好實際既野俾我

第1樣 -- 暖水杯 (o係公司用, 大肚之後o係公司好想飲熱野)

第2樣-- 暖風機 (呢樣前年己經開始話要買, 但有人唔俾囉, 今年有bebe大曬!!嘿嘿)




仲有同事朋友送既, 多謝晒喇!!!

啲同事年年都送, 其實我唔係咁好意思, 因為我年年都無買返俾佢地

24週大肚相 (六個月喇!!!)

話咁快六個月喇!

呢一個月個肚真係大左好多

不停向前發展!!!



好好彩既係後面睇都仲有條腰型o係度

亦都好好彩手手腳腳都仲未開始肥同腫

希望一路keep住, 好驚變到肥腫難分





對比下先

第 四, 五, 六 個月

今個月真係大得好快啊!!

好神奇!!





其實由第四個月開始bebe己經開始踢, 但好輕力

呢排越踢越大力, 個肚上上下下左左右右都踢混

由其是我食緊野既時候, 就最大力同最密


唔知係咪個肚頂住個胃

我既胃口都無大到, 平時亦都無肚餓既感覺

X'MAS 平安夜@BULLDOG'S

24 DEC 2011

MERRY CHRISTMAS !!!!

各位.....平安夜快樂!!!!!!




結婚後過既第一年平安夜, 係無老公陪既

阿比一早約左佢既同事唱k

我當然好識做, 放生佢自己去玩!!!

((個衰佬仲要玩到零晨五點先返屋企))



我自己當然安排左節目俾自己!!嘿嘿!!!!!

約左好姊妹syliva去佢地頭BULLDOG'S 過我地既平安夜

仲有KITTEN & HING




一早BK左個靚位, 環境好好, 又望到對面海



枱面預備好一人送一份聖誕玩具






原來大家不約而同預備左聖誕小禮物俾大家


我以為今晚坐咁出會好凍, 又冷帽又頸巾,又貼左暖包

好誇張..WAKAKA....點知唔係好凍....



SYLIVA送既塊薑餅好得意啊!!!

唔捨得食喎!!!




戴左聖誕帽多返啲聖誕氣氛喇!!!!








大肚婆唔應該凍野

但黎到呢啲地方, 真係嗌唔落熱飲, 好異相!!!

所以放縱一晚咁多!!!!



WOO......凍野飲真係好好味..WAKAKAKA!!!!



越夜越多人, 間夜就越熱鬧

隊BAND亦開始出黎唱歌喇, 真係嘈到傾唔到計!!!

不過呢一男一女主音把聲幾好聽, 唔吵耳.....




平安夜DINNER, 開餐喇!!!




臨尾仲有甜品

朱古力旦糕, 好味好味!!!



芝士旦糕, 好味好味!!!



等到十二點倒數埋

啲人開始瘋狂, 企晒係度....啲鬼婆走晒出黎跳舞



好HAPPY既平安夜!!!

24wks威爾斯(見醫生)

23 DEC 2011
24wks (六個月喇!!)
今日9:00A.M晨咁早要去威爾斯見醫生

9點咁早即係我o係第一批喇, 所以預早少少去排隊

希望唔使等咁耐先完成!


早左5個字去己經有人排緊隊@@




仲有幾個字, 我當然坐下

辛苦阿比喇!!!真乖仔!!!哈哈~~~



今日主要又係驗小便, 磅重, 量血壓

同埋終於可以見醫生喇!!

咁耐以黎都未見過醫生, 次次都係姑娘幫我檢查


其實醫生都唔好得好多, 都係check得好求其同超快




check bb心跳, 聽到2下就話, "嗱, 心跳, 聽到!!", 然後好快收埋部機

跟住又好快手拎把尺出黎度下個肚

真係一放落個肚就即拎起, 厲害厲害!!



跟住聽我心跳, 又無叫我解個bra, 夾硬塞入去聽

又係聽左2秒都無又搞掂!!佩服佩服!!!

然後摸我條頸, 我真係唔知佢摸咩????真係輕輕摸左一下就搞掂@@



check完自己起身叫埋老公入黎聽佢講野

我俾晒私家check既唐氏, 結構報告佢睇

明明個結構份報告好詳細, 有晒數據, 同相, 好多頁架啦

仲話唔夠, 要有黑字白字寫既報告

又話究竟個胎盤生得高定低又無寫

@@那佢星啊, 我打開o個頁俾佢睇, 指張相上面寫住胎盤not low

佢話又唔得, 要黑字白字既報告

其實佢係咪佢懶得逐頁睇呢?????




之後俾左個期我, 係過左預產都未有反應, 就入院催生既日期

同埋俾左張入院要帶既物品

之後都係bk返健康院定期檢　


11點左右就完成走得喇!!!

X'MAS BBQ with Blogger@大譚霸底

17 DEC 2011

今日天朗氣清, 約左1120既BLOGGER們BBQ

地點: 大譚水霸底 - 翠華



MISS CHAN CHAN果然無介紹錯

環境好好, 又乾淨, 設備齊存既燒烤場!!

下次可以再黎啊!!!






呢啲係我入黎前係筲箕灣街市度買黎既海鮮

大大隻又新鮮!!!





呢個係任食BBQ場

有碗, 筷, 叉, 廁紙, 方包...



呢啲都係BBQ場提供的

蜜糖,蒜蓉, 牛油, 用完可以再添



任食既野味道都好好, 大大塊扒, 大大隻雞翼, 丸, 腸仔, 蔬果乜都有

食完又可以再去添, VERY GOOD啊!!!

仲用有蓋既膠盒裝住, 非常衛生!!




飲品唔包, 但o個度有得賣



任食又無限時間

未等齊人己經可以開動喇!!YEAH!!!YEAH!!!!

我BBQ癮忍左好左, 終於可以BBQ喇!!巧開心....




MC WIN你個眼神想點????好卑視我咁喎=.=




我成日都控制唔到自己個樣@@
WAKAKAKAKA!!!




今日唔係太凍, BBQ真係一流啊!!!




阿比放工自己入黎, 一黎又要打鑊我, 真係慘啊!!!

大肚婆都打, 無人性架!!!





好肥美唷!!!!!



真係好鮮甜啊!!!



仲有扇貝....加埋蒜蓉真係好未到不得了啊!!!






不經不覺就燒到夜晚喇!!

呢度都叫有啲燈飾睇下, 仲播埋聖誕歌, 都叫有少少氣氛..




聖誕節點少得交換禮物, 但規定係$20內

包得最靚o個盒野就係我抽到, $20都包到咁靚, 真係佩服佩服!!!



不過包到咁靚, 入面估都估唔到

原來...........................係...................暖包黎!!!!!!!!!!




今日好盡興啊, 又有得食, 又有得玩!!

幾時再有下次????