23 DEC 2011
24wks (六個月喇!!)
今日9:00A.M晨咁早要去威爾斯見醫生
9點咁早即係我o係第一批喇, 所以預早少少去排隊
希望唔使等咁耐先完成!
早左5個字去己經有人排緊隊@@
仲有幾個字, 我當然坐下
辛苦阿比喇!!!真乖仔!!!哈哈~~~
今日主要又係驗小便, 磅重, 量血壓
同埋終於可以見醫生喇!!
咁耐以黎都未見過醫生, 次次都係姑娘幫我檢查
其實醫生都唔好得好多, 都係check得好求其同超快
check bb心跳, 聽到2下就話, "嗱, 心跳, 聽到!!", 然後好快收埋部機
跟住又好快手拎把尺出黎度下個肚
真係一放落個肚就即拎起, 厲害厲害!!
跟住聽我心跳, 又無叫我解個bra, 夾硬塞入去聽
又係聽左2秒都無又搞掂!!佩服佩服!!!
然後摸我條頸, 我真係唔知佢摸咩????真係輕輕摸左一下就搞掂@@
check完自己起身叫埋老公入黎聽佢講野
我俾晒私家check既唐氏, 結構報告佢睇
明明個結構份報告好詳細, 有晒數據, 同相, 好多頁架啦
仲話唔夠, 要有黑字白字寫既報告
又話究竟個胎盤生得高定低又無寫
@@那佢星啊, 我打開o個頁俾佢睇, 指張相上面寫住胎盤not low
佢話又唔得, 要黑字白字既報告
其實佢係咪佢懶得逐頁睇呢?????
之後俾左個期我, 係過左預產都未有反應, 就入院催生既日期
同埋俾左張入院要帶既物品
之後都係bk返健康院定期檢
11點左右就完成走得喇!!!
2011年12月24日 星期六
24wks威爾斯(見醫生)
訂閱：
張貼留言 (Atom)
醫生寧願睇字都唔睇圖!!??(我睇blog寧願圖多過字囉) 咁你呢份報告佢唔收貨, 下次幾時俾佢睇黑字白字o個d report?? by笨豬小慧simple
回覆刪除[版主回覆01/02/2012 15:41:57]=.=佢打左封信, 叫我去俾返私家個醫生睇, 拎返份黑字白字既報告
下次16號覆診俾返佢睇....
咁快就俾個期你FOR入院催生~~~個感覺//好似好快就生咁呀~~~!!
回覆刪除[版主回覆01/02/2012 15:43:30]呢家1月喇, 好快就4月, 好似陀住過得咁快咁既.....
連bb野我都未買...
其實真係唔知點解交哂稅都有d咁嘅回報.........
回覆刪除同佢嘈都side 氣!!!
咁快比催生期??? 真係step 1 跳到step 10~
[版主回覆01/03/2012 09:22:08]係啊, 我都覺得同佢地嘈係side氣, 我直情都費事問佢啲咩添喇...我知佢地唔會解答到我啲問題, 只會制造問題俾我....只係希望我生b既過程順順利利就真係心滿意足喇!!!
係啊...呢家就俾催生期我喇, 仲叫我之後去健康院得喇..如果有血, 穿羊水先返醫院...
政府個d 依家好唔掂!!!
回覆刪除[版主回覆01/07/2012 10:06:05]非常同意啊....次次去襯我都忟忟地架...