囍訊訪問 "大秋文化"
仲有我同阿比登左係度, 成版紙
((我張帖既造型..KAKA))
內容請CLICK下面:
http://heiheiwedding.com/article/122
2011年7月10日 星期日
大日子 (送客篇)
大日子 (送客篇)
終於黎到送客篇喇!!YEAH!!!
上回講到.....敬完酒影完奶奶要求既大合照,
我即係衝入新娘房!好驚奶奶又捉左去影相...
入到去, MUA問我可唔可以拆左個花球
佢想用d鮮花黎做頭花!!
我挭係話好啦, 求之不得添啦!! 我諗我散席執野走都無手拎個花球
所以我送客look個頭係好多鮮花..呢個造形亦係我最鐘意
出到去大家好興奮
原來玩緊"鬥快飲汽水GAME"
每圍派一個代表出黎, 鬥快飲汽水
(亦可以棄權, 因為有D全圍都係老人家,我地唔會迫人參加)
最快個一位既全圍12人都會有大利是
win左個圍每人可以得到$100封既大利是
兄弟們太天真喇!
以為10秒好快,實WIN挭
點知.....阿比呢個同事仲勁
一睇個身型就知啦@@
佢唔算係飲, 應該係叫做直倒入肚
佢個喉核完全無郁過, d汽水係直衝落去...好恐怖!!
大家都睇得好興奮, 真係嘆為觀止
最後係8秒完成
每人$100大利是
然後逐圍同大家影相合照
送客喇!
不勞而獲win左大利是既朋友們好興奮
多謝你地咁賞面啊!!
洛洛BE BE啊
今晚好俾面啊, 著到好靚靚啊!成個花女咁出現..
真係抵鍚!!! 仲要拎左我D菇菇, 話送俾我...@@
仲飛撲過黎, 好彩我仲有氣力接住你...
下面有D咩呢??阿比做乜咁驚訝呢?
呢條送客紗裙我最鐘意
因為無需落鋼紗, 行動自如啊..
一見到自己既朋友就好興奮擁抱..哈哈!!
呢2張係朋友既FB度偷架!
佢臨走搭lip偷影緊我地, 嘿, 我對鏡頭好敏感, 偷影唔到架喇...
送完客
兄弟姊妹開始搗亂
拎晒D菇上台影相
永遠影呢D相 開心過 D死沽沽的大合照
3.27大日子完滿結束喇!
~多謝收看~
2011年6月28日 星期二
大日子 (被圍 敬酒篇)
大日子 (敬酒篇)
進場之後。。
坐低食完乳豬同第二道菜就入去換衫
換完出到黎玩ｇａｍｅ，玩左２次開口中
抽出黎朋友。。中唔中都會有利是
中左既當然有大利是啦！
我唔知點解抽襯都係超熟既朋友ｗａｋａｋａｋａ
連爸爸，２位哥哥都有份
好喇，好快玩完遊戲！
到敬酒時間喇。。
敬酒亦係我最擔心的環節
因為阿比真係好多仇家
事前己經叮囑好所有兄弟一定要跟身
幫手頂酒！！
所有搞事既朋友放晒係最尾ｏ個幾圍
我地未行到去，成枱人己經企晒係度，拎支紅酒，幾個杯等我地喇！！
（就係後面個圍喇，個個棟晒係度好期待我地咁啊）
開頭都未失控，只不過佢地係咁起哄。。
大家留意下面，有條友仲想拎枱上面支 ＶＳＯＰ
我。。我。。仲被人活埋左啊。。。
幾驚個髮髻整散晒啊。。。好恐怖啊。。
與此同時，兄弟們見狀衝左過黎。。
好順手拎左佢地個酒杯。。我亦乘機溜走左。。。（見下圖）
我無義氣啊，我掉低左阿比，佢被人圍緊啊。。ＷＡＫＡＫＡＫＡ！
ｄ兄弟個個都好幫手啊，睇下佢地幾落力解圍
終於甩難，睇下我幾開心，完全進入忘我境界，連阿比都唔知去左邊。。
敬完酒諗住入去回衫
點知。。。奶奶呢個時候話要影大合照＠＠
2011年6月21日 星期二
大日子 (進場篇)
近排好懶, 終於再打返大日子既BLOG喇!
大日子 (進場篇)
呢個新娘房真係凍到打晒冷震 起晒雞皮
臨出場前聽到自己成長片段首歌我跟住黎跳
真係凍到跳舞啊!!
好喇, 萬眾期待, 終於出場喇!!
一出去, 盞射燈實在太光喇.....我完全係見唔到周圍d人
淨係見到前面條路, 想同人say hi 都唔得添..
睇下面張相就知, 我真係俾盞燈射到我開唔到眼=.=!!
一路行一路問
我 : 你睇唔睇到野
阿比: 睇唔到啊..
我: 淨係睇到盞射燈咋..
搞笑事:
((呢件事, 係呢位姊妹事後同我講, 我都係事後先知))
事前我無安排有灑花瓣, 亦都係事後先知原來有灑花瓣
因為出場o個一刻真係乜都見唔到, 淨係聽到d歡呼聲..
我唔知d花瓣係邊度黎, 我呢家仲無問返..
呢個姊妹解釋因為緊張得滯, 將d花瓣一掉,
竟然係成個波咁掉左去阿比度...完全無散開..
((我諗係一個手球咁大啦))
嘿嘿, 阿比真係厲害, 完全無避既意慾
見到有個波埋黎, 用個頭頂走左..
就係下面um住咀笑呢個姊妹掉架喇...
隔離成枱人望到呢個情景, 真係笑得幾興奮
阿比件衫好型啊, 我地鐘意佢側邊d拉鏈花啊!!
呢張好搞笑啊...點解我地會咁既樣???
嘿嘿, 咪就係唔知邊個開花爆
一個射中我後尾枕, 一個係阿比側邊近距離開!
好彩無派俾d賓客, 阿比咁多仇家
如果唔係, 我實遍體鱗傷!!
其實我條婚紗背部都露得幾多背架喎..呵呵!!!
切旦糕...一路切, 我又一路同阿比講
原來假旦糕都有個切位俾我地扮切到落去架喎...
wakakakaka..!!
當我等MC講野發夢時, 突然隊左支咪俾我
丫丫丫丫, 我原來係要講野架!!
完全無左件事添.....
((結婚前我明明好緊張呢PART, 因為我真係好怕係咁多人面前講野))
當時完全唔識緊張, 因為個腦己經一片空白
最後只係多謝左爸爸媽媽老爺奶奶
仲有哥哥
然後就隊左支咪俾阿比喇!!!
到阿比喇....((我完全聽唔到佢講乜))
因為......................一睇就知我又發緊夢啦..WAKAKAKA!!!
祝酒喇!!!多謝晒大家咁賞面啊.....
呢個時候, 又到啜啜環節喇!!
我真係唔慣係咁多人面前咀 ((所以我好自然成日都避))
阿比唯有強吻我..WAKAKA..!!
**其實佢係咪想我露一露背呢??**
好野!!!!食得.....飲杯....
下一篇: 敬酒被圍篇
訂閱：
文章 (Atom)