大日子 (送客篇)
終於黎到送客篇喇!!YEAH!!!
上回講到.....敬完酒影完奶奶要求既大合照,
我即係衝入新娘房!好驚奶奶又捉左去影相...
入到去, MUA問我可唔可以拆左個花球
佢想用d鮮花黎做頭花!!
我挭係話好啦, 求之不得添啦!! 我諗我散席執野走都無手拎個花球
所以我送客look個頭係好多鮮花..呢個造形亦係我最鐘意
出到去大家好興奮
原來玩緊"鬥快飲汽水GAME"
每圍派一個代表出黎, 鬥快飲汽水
(亦可以棄權, 因為有D全圍都係老人家,我地唔會迫人參加)
最快個一位既全圍12人都會有大利是
win左個圍每人可以得到$100封既大利是
兄弟們太天真喇!
以為10秒好快,實WIN挭
點知.....阿比呢個同事仲勁
一睇個身型就知啦@@
佢唔算係飲, 應該係叫做直倒入肚
佢個喉核完全無郁過, d汽水係直衝落去...好恐怖!!
大家都睇得好興奮, 真係嘆為觀止
最後係8秒完成
每人$100大利是
然後逐圍同大家影相合照
送客喇!
不勞而獲win左大利是既朋友們好興奮
多謝你地咁賞面啊!!
洛洛BE BE啊
今晚好俾面啊, 著到好靚靚啊!成個花女咁出現..
真係抵鍚!!! 仲要拎左我D菇菇, 話送俾我...@@
仲飛撲過黎, 好彩我仲有氣力接住你...
下面有D咩呢??阿比做乜咁驚訝呢?
呢條送客紗裙我最鐘意
因為無需落鋼紗, 行動自如啊..
一見到自己既朋友就好興奮擁抱..哈哈!!
呢2張係朋友既FB度偷架!
佢臨走搭lip偷影緊我地, 嘿, 我對鏡頭好敏感, 偷影唔到架喇...
送完客
兄弟姊妹開始搗亂
拎晒D菇上台影相
永遠影呢D相 開心過 D死沽沽的大合照
3.27大日子完滿結束喇!
~多謝收看~
終於都寫完!!直頭精彩.....好玩!!(可惜我無份 )
回覆刪除鬥快飲汽水我就唔得，鬥飲得多汽水我應該會嬴梗....haha.....因為我係汽水怪!!
[版主回覆07/12/2011 19:26:00]係啊, 寫完晒大日子, 呢家唔知寫咩好, 有空虛啊...
喂喂喂, 我都係汽水怪喎, 我超鐘意飲可樂的!!!
送客呢條裙好靚!! 你mua都幾醒喎... 拆左你個花球黎做頭花... 不過如果到時我個mua咁問我.. 我未必捨得ga... 一定要拎番屋企望真d先...
回覆刪除[版主回覆07/12/2011 19:30:00]多謝晒....條裙同d頭花好襯, 我都好鐘意呢個look啊...
係啊, 真係未必個個捨得拆架, 因為個花球都叫有紀念價值..
細佬就係飲左支可樂個肚無位食野,蝕綽~
回覆刪除[版主回覆07/12/2011 19:31:00]傻仔啊..........
好勁呀~~~~~~~阿k結婚果晚個look好elegant呀~~~~~~不過dee合照就多數都係~.~""
回覆刪除雖然冇親身在場，應該一定好好玩的 ^^
by醒目主人simpson
[版主回覆07/12/2011 19:37:00]yeah...些些....!!!
我都好似無親身在場咁啊, 因為我超忙啊, 呢家打返blog回味返先覺得好玩..哈哈...
你的look好靚，送客look都唔例外吖！！！啲鮮花响頭度好震撼，但我又會想keep起個花球做乾花呢...
回覆刪除[版主回覆07/12/2011 19:38:00]多謝多謝....
咁你大日子買定多啲鮮花for頭花用啊, 用鮮花真係超靚啊...
o~~~ 巧好開心呀~~~~ 睇住你嫁哈哈哈
回覆刪除[版主回覆07/12/2011 19:38:00]多謝啊...........轉個頭好快到你架喇!!
我都要睇住你嫁...
送客look夠哂pink 個頭我超中意架 妳見我等到最後都要同妳個頭影相就知啦 現場睇真係十級令~~~~
回覆刪除[版主回覆07/12/2011 19:39:00]仲要係十級靚添啊..........真係開心屎我喇!!
多謝啊~~~~~
你呢條送客裙我超級鍾意呀,之前o係人哋blog見過呀,我copy咗tim呀,呢隻baby pink紗裙真係揀得好呀!!!!great~~
回覆刪除[版主回覆07/12/2011 19:40:00]係啊, 我最like呢條紗裙架喇, 隻色又靚, 著左上身行路又方便...大愛啊!!!你copy左添啊, 咁你都好有taste啊......
我最鐘意就係你呢條粉紅花花裙,,襯埋個花花頭好靚呀
回覆刪除[版主回覆07/12/2011 19:41:00]我都係我都係.....超like啊!!!
你個mua好叻喎,諗到拆個花球用鮮花造頭飾....
回覆刪除[版主回覆07/12/2011 19:41:00]鮮花真係好易襯啊, 真係多謝我個MUA...
ha.. 我都好 like 你 li 個 look 呀
回覆刪除[版主回覆07/12/2011 19:41:00]WING, 多謝, 我都最鐘意呢個LOOK
好PINK! 加埋花球做頭花，留埋齊陰成個LOOK都好可愛啊!
回覆刪除[版主回覆07/12/2011 19:43:00]YEAH....多謝!我都幾like pink colour架.....真係將個花球用到盡啊...嘿嘿!!
你送客個LOOK真係好靚靚呀~!!! 加埋D花真係勁夾~!!!
回覆刪除[版主回覆07/12/2011 19:44:00]多謝多謝....
hehe, 成個look 好襯你, 你條裙最靚係lee 條
回覆刪除haha, 我都有利是收! 筍a!!!
[版主回覆07/12/2011 19:45:00]哈哈, 係啊, 你都係不勞而獲成員之一...kaka
so nice look ^O^/ I like
回覆刪除[版主回覆07/12/2011 19:46:00]多謝啊......
好靚ar送客條裙!!!真係好開心呀~~~~
回覆刪除[版主回覆07/12/2011 19:46:00]條裙我都好鐘意, 呢家睇返都好鐘意...
送客look好好睇吖~ 特別鐘意d 頭花~~~
回覆刪除[版主回覆07/12/2011 19:47:00]多謝晒..... 絕對係將個花球用到盡啊.....
你個wedding真係好正, 好開心 呀
回覆刪除[版主回覆07/14/2011 15:21:00]多謝, 呢家打返BLOG先覺得開心...
你到時都會有個好正好開心既WEDDING架....
love your wedding series!!! and the last few pics are very funny ar XD all the props are on stage......... btw your pink look is very prettttttyyyyyyyy!!!
回覆刪除[版主回覆07/14/2011 15:22:00]多謝..JANICE...哈哈, 送客呢PART真係全晚最開心........