冒險樂園

21 JUL 2013 

上回講到16M同左大爺去飲早茶

下午等佢瞓飽就帶佢去我同學既女生日PARTY

好近, o係屋企附近既冒險樂園搞..


之前佢打黎話o係冒險樂園搞我對眼即刻放光...一口應承話去..

因為大爺好鐘意架, 今次仲要唔使錢玩好耐添喎....開心死佢!!!



我地入到去, 同主角媽媽打完招呼, 但仲未搵到主角

大爺就急不及待喇!!!


睇下佢地兩父子, 個老豆玩得更加投入

其實去冒險樂園玩, 大人仲攰過啲細路

大爺望住個波波好入戲, 好似啲c9仔揀雞旦咁..

在波中央既大爺

噢....被波埋了!! help hlep~~~

佢真係好enjoy, 瞓左係度

仲好開心添....完全唔想出黎...wakakakaka

你有得玩好玩喇, 你個古寒媽媽無乜幾可會帶你黎呢度玩架!!

終於出返黎, 要簽返個名先...

我地終於搵到主角, 仲送埋禮物

((搵呢個主角搵左好耐, 啲小朋友真係跑得好快..kaka...))

型

無端端被大爺係呢啲櫃桶搵到隻恐怖BB出黎

仲幫佢換片片

呢間屋大爺好鐘意, 逗留左係度好耐都唔出黎

我就可以同朋友仔傾下計喇!!

剪旦糕时間, 乖乖大爺

我一唱排排坐, 佢就會坐定定

主角係無理過個旦糕, 掛住拆禮物.XD

食飽飽 (我), 又要陪大爺出去玩過

由三點玩到七點先走..爽!!!

Happy 16 Months

21JUL 2013

HAPPY 16 MONTHS

剛好星期日, 晨早同左奶奶一家去飲早茶

大爺既16M旦糕 (馬拉糕), 俾晒一籠佢食...哈哈!!!

16個月, 本身己經有八隻牙, 呢家再一次過爆緊四隻牙出黎

由於出牙仔, 瞓得差左, 一到半夜四點就起身搵我, 要過大人床同我一齊瞓

仲一路瞓一路EE UM UM, 攣黎攣去!!! 

搞到我都瞓得差, 連好耐無生暗倉既我, 都不停生倉


食奶亦都少左, 平時臨瞓個餐會飲到6-7安

呢家飲到4安都無就俾返支奶我

所以呢家通常沖5安算, 費事又倒, 好浪費


好彩粥粥都仲有胃口食

有時個日要去街, 又無時間煮粥, 我都會俾佢跟我地大人食



活動方面有少少更改

朝早: 去遊戲室+公園 +百佳

下午: 公園 +  睇魚魚 + 去天橋睇火車

大爺每日都好忙, 一日起碼出兩次街街


說話方便, 會學大人講野...但係選擇性

有次我乜"咩啊'.........點知轉個頭大爺學左, 佢個幾日係咁"咩啊..........咩啊"

搞到我俾爸爸鬧,話我教佢講=.=!!明明佢自己學識既...

近排仲識埋講婆婆, 但公公都仲未識

所以公公呢家好傷心, 話晒日日都係公公湊架嘛....

仲有, 食食, 蕉蕉, 星星, 波波, 餅餅....((唔記得佢仲識左咩喇, 總之每日都有驚喜))



最窩心係, 佢呢個月叫"媽媽"既次數不停增加, 仲越叫越大聲

俾公公鬧, 就喊住搵媽媽 <--虎虎仲錄左罪証俾我睇

爸爸抱住行, 見到我係後面, 又係咁叫"媽媽...媽媽" 

爸爸同佢沖涼, 我出左廳, 佢又係咁叫"媽媽...媽媽"

我入左房換衫, 佢又係咁叫"媽媽...媽媽"

所以近排爸爸勁呷醋

所以呢, 抵媽媽成日帶你去街街既!!!錫晒你~~~

當怪獸大爺遇上怪獸

16 JUL 2013

今日突登請左假, 同大爺去左CWB搵毛毛同單眼仔

好彩呢日去, 原來第二日己經開始拆走, 變左高達喇!!

HELLO, 我叫毛毛!!!

今日我唔再hea影喇, 今次帶左相機黎影架, 費事又影到震震狗


大爺: 呢個係我個好兄弟!!

好大隻毛毛啊...大爺好開心啊!!!


一家四口既合照!!wakakaka好襯啊我地~

單眼仔 ((大爺叫佢做"牙牙"))

不停撩佢柵牙然後逃走

好鐘意單眼仔個cool牙...好正!!!!

大爺可能想扮怪獸, 食住張濕紙巾唔放...

大爺又係咁撩淋吱吱啲牙喇!!仲要口入面有灘水=.=!!!

不停同我講"牙牙, 牙牙啊~~~"

呢隻乜水???唔識~~

入學喇!!!呢間學校好岩大爺

其他排隊既途人見到大爺咁, 都忍唔住笑佢...

我都好入型入格

呢隻排得最耐

帶黎影相既都俾大爺塞晒入單眼個口度..wakakaka

好襯色

大爺: 俾把掃把我啊.....

開始攰, 不停啜手指...

不停掉隻單眼仔落地, 掉完仲係度笑, 單眼仔真係可憐...

今日大爺都算合作, 雖然合作, 但我己經攰到想死~

又要捉住佢唔好周圍走, 又要影相..