剃頭日--大爺做左光頭仔喇!! ((附有大爺夾胸相))

14 JUL 2012

呢一日BK左同大爺去剃頭

其實大爺出世都唔係少頭髮(但又唔算多)

唔知做乜大大下就係咁甩, 沖涼盆水見到佢啲頭毛仔

佢張床又係有佢啲頭髮, 甩到一忽忽咁..


橫掂都唔多, 都係帶佢去剃頭

唔使甩到一忽忽咁肉酸!!!


大爺全程都無喊, 因為佢掛住啜手指

仲啜到"吱"吱"聲添.....真係唔得閒理我地..


大功告成, 大爺都非常合作!!!!

光頭仔黎喇

剃完個頭仲更加傻仔囉...哈哈!!





好喇, 橫掂都係, 我當然唔放過呢個機會

我都剪埋先, 終於可以剪左厚到死既頭髮..日日都好似帶左頸巾咁, 熱死我..



嘻嘻嘻!!全家褔~~~好似之前無乜影過全家褔咁.!!





好喇!!!剃完頭幫大爺影返啲光頭look先!!




近排大爺成日啜手指, 買左隻長頸鹿俾佢啜

希望佢唔好再啜手指喇..




轉身己經轉到非常之熟練

一瞓返低佢又轉上黎, 轉完又扒係度hold好耐,
個樣仲好得戚, 周圍望黎望去





呢張放上fb姨姨叔叔好鐘意...引死人喇呢個pat pat胸

大爺個胸勁過啲o靚模啦...哈哈!!!

名款其實既大爺

每個星期日都係親子日

平時大爺瞓到九點, 唔知做乜次次星期日都好早起身,

呢朝又八點就起左身喇!!

自從戒左夜奶後, 大爺起身都唔會喊, 只係打開眼望住我傻笑

一朝早開左個床鈴俾佢
((本身想買投射既床, 但好貴......唔捨得買
媽媽好古寒, o係tb買左個幾十蚊既床鈴就算))

好彩大爺都好鐘意望, 仲好興奮下添.. 張床都就黎俾佢dum爛





大爺呢個名好岩我個囝

佢真係好大爺!!!由細到大啲動作行為都好大爺

((設計對白: 媽媽~~~~你啊~~~快啲過黎同我玩!!!))



((再唔過黎信唔信我打你啊嗱, 哼!!))




相信個個bb都好鐘意掠隻腳上間bb車度

大爺都唔例外

單腳踩都還好, 有時兩隻腳係咁踩踩踩, 踩到成個身貢起, 又用啲腳指爪住.

條欄遲早俾佢踩爛=.=!!!






呢個係大爺招牌笑容  " 傻仔笑"




大爺好濫交, 係人都跟....個個抱都唔會喊




HELLO!!!!
點解呢張咁女仔既~~




呢朝要特別影低, 因為大爺瞓到十點先起身

佢應該遺傳左阿媽......懶瞓豬!!!





我諗大爺係好鐘意笑既小朋友

每一日都可以見到佢傻笑, 同佢單下眼就笑到咁..





同埋成日好似想打我咁既樣=.= 好肉緊



姨姨們都好鐘意同大爺玩



大爺啲肥肉吸引到好多姨姨




出街街最開心

基本上大爺每一日都會出街

公公湊就會帶佢去公園, 去百佳

嫲嫲湊就會帶佢去酒樓, 去探啲親戚, 去買餸

我湊就會帶佢接爸爸放工

大爺要做小手術

JUL 05 2012

前兩日沖完涼發現大爺加大拿位有粒紅紅地既野

禁下佢, 大爺又無反應喎, 唔知乜黎

第二日即刻叫阿比放工帶佢去睇醫生


醫生話應該係打卡介苗個位發炎, 過左落個淋巴位塞左

有3個做法 1. 長期觀察   2.抽針放"龍"  3.割左佢

寫左轉介信俾我地去威爾斯排期


下面係初初發現時影, 隔2日己經再大粒啲又紅好多


好彩大爺出世一個月己經買左保險

所以都係帶佢去私家睇, 等政府排期黎粒野應該爆鬼左



今日扮病請左假帶大爺去睇外科既兒科醫生

((我唔扮病既話我啲大假應該會好大用晒, 都係留返啲年尾用))

嘻嘻, 雖然好擔心, 但都幫大爺打扮下先出門口

今日係豹LOOK..WAKAKAKA




大爺要做手術, 唔通個天都唔開心

做乜今朝黃色暴雨警告=.= 出街要擔傘真係好麻煩



用揹咩帶大爺出街佢例必瞓覺

揹咩真係好舒服咩???咁好瞓....




未夠鐘去左嘆個TEA先

無過無你份食喎!!!爸爸同媽媽食架咋...



差啲俾佢拉跌碟野, 好彩阿比捉得住=.=嚇屎人咩..




有得睇無得食..嘿嘿嘿!!!




媽媽強吻!!!

呢張都唔夠勁,  我同大爺無時無刻都會打車輪....((啲FD見到成日話我變態))

當佢地真係做左媽媽, 我諗佢地都會咁...





嘆完個TEA上診所

等左2個人左右到大爺, 醫生幫佢用超聲波照下粒野

一路照大爺不停係度"阿BU.........阿BU...........阿BU........"撩醫生講野...

醫生話粒野生到好深, 好多"龍", 睇呢個情況就隨時會爆..

建議"介"開放"龍, 咁個傷口就細啲, 易處理啲..

如果等佢自己爆, 個傷口會浮起好大個, 仲未必會清得晒出黎

咁聽完醫生講緊係"介"左佢啦, 一了百了

唔使日日擔心, 又要日日睇住佢幾時爆=.=


醫生即刻幫佢搽左麻醉藥, 隔半個鐘先做手術

呢半個鐘餵左大爺飲奶, 穩定下佢情緒先

但大爺飲完奶好快扭瞓, 仲瞓著左添, 諗住瞓著左岩喇, 一陣做手術整完佢都唔知乜事

點知...............一放佢落手術床就喊


大爺喊到拆天, 仲喊到扭埋一舊咬自己隻手



戲肉黎喇!!!!

醫生姑娘同冷靜, 完全無理到大爺喊

好快"介"左一刀, 好多"龍"同血流出黎



心痛屎我喇!!!

流左好多血添啊...陰功!!!!

雖然搽左麻醉藥啫, 但我點都覺得有少少痛..


搞掂完抱起大爺, 喊到頭都濕晒

好慘啊!!又喊到扯晒氣又咳..



夜晚沖完涼睇一個傷口, "介"個刀好明顯, 好彩好細條啫

但個手脾位唔知點解有瘀血



醫生話一個星期唔可以令個傷口埋口, 要等佢有個窿流埋淨返啲"龍"出黎..

仲俾左啲管我地每日幫大爺篤一篤落去, 等個傷口開返..


咁樣"介"一"介既手術費盛惠$2000 (唔計診費)

好彩有買保險!!大家BB出世記住快啲買保險喇!!



但之後個晚沖完涼幫大爺篤=.=喊到拆天

應該都痛痛地...唉!!!!

聽到佢喊就心都UP晒!!!!

探我契仔~趙啷啷

23 JUN 2012

12 JUN 2012

我個契仔啷啷出世喇!!!

哈哈, 咁又多個仔玩喇~~YEAH!!!


呢日 23 JUN 一早約車左KIT去佢屋企探佢地

當然帶埋大爺去啦!!


因為我成日拎住個電話日日狂影大爺

呢家大爺有鏡頭敏感症




HELLO!!!!契MIMI黎探你喇!!!



抱返啲咁細粒既BB好唔慣啊, 哈哈!!

((大爺鏡頭敏感症又黎喇..WAKAKA))


呢個時候要介紹一下俾大爺識

呢個就係佢弟弟喇!!!



雖然佢瞓左, 但難得黎到當然抱返夠本啦!!

阿比唔知做乜, 抱返咁細粒既BB反而唔知點抱好=.=

明明大爺細個佢都係咁抱, 佢解釋係....人地個個要小心啲



呢個BB真係好瞓得, 黎咁耐瞓咁耐

連大爺喊都嘈唔醒佢!!!

我枱到佢咁高都無反應..WAKAKAKA.....((我的確係好變態))


個個都話大爺似阿比

因為大爺對眼係單眼皮, 似足佢老豆..

其實合埋眼係好似我囉((得我自己覺得))



咁岩大家都夠鐘飲奶, 齊齊餵奶


我地係咪好賢淑呢???


大爺飲晒, 啷啷仲慢慢飲, 飲兩啖停好多先再飲

好似係度嘆奶咁



哈哈, 好好笑, 一齊掃風



食完奶啷啷終於開左一陣眼

契mimi有幸見到你對眼就係好開心..wakakaka

即刻幫佢影返啲騎呢相先..



下次契mimi再黎探你, 到時要肥肥白白啊!!