BIG YEAH 3 YEAR OLD
原來對上一次每月回顧係33M既時候
3歲點都要打下既, 雖然遲左一個月先打XDDD
話咁快3歲啦, 依個傻大爺帶俾我地好多歡樂!
成日都笑, 小小事都可以令佢笑到碌地, 好似傻瓜蛋咁!
有時真係唔知佢笑乜, 可以笑咁耐XDDD希望繼續開開心心, 笑口常開
大爺每朝都早醒過我, 醒左後會爬過黎, 輕輕鍚我個咀
我打開眼望住佢, 佢就瞇晒眼對住我笑 ,仲講"早晨媽媽" 冧死人咩..
雖然冧, 但我依然合返眼繼續瞓wakakakakaka
然後佢又繼續啜, 仲不停話要出廳玩, 要落床啦, 媽媽快啲起身啦
=.=!!!又冧又想仆暈佢~~~(點解要咁早起身????~~~~~嗚~~~~)
3歲點都要打下既, 雖然遲左一個月先打XDDD
話咁快3歲啦, 依個傻大爺帶俾我地好多歡樂!
成日都笑, 小小事都可以令佢笑到碌地, 好似傻瓜蛋咁!
有時真係唔知佢笑乜, 可以笑咁耐XDDD希望繼續開開心心, 笑口常開
大爺每朝都早醒過我, 醒左後會爬過黎, 輕輕鍚我個咀
我打開眼望住佢, 佢就瞇晒眼對住我笑 ,仲講"早晨媽媽" 冧死人咩..
雖然冧, 但我依然合返眼繼續瞓wakakakakaka
然後佢又繼續啜, 仲不停話要出廳玩, 要落床啦, 媽媽快啲起身啦
=.=!!!又冧又想仆暈佢~~~(點解要咁早起身????~~~~~嗚~~~~)
食方面: 一黎就講佢啲衰野XD
對食無乜興趣, 唔會搶食 (除左雜食), 好少聽到佢嗌肚餓
依然有頭威無尾陣, 開頭食得係威係勢咁
到食飽左少少, 佢就開始唔肯筆, 要三吹四請!!
大爺既奶癮越黎越大, 早晚都要飲奶奶
公公同我湊時, 一定會叫沖奶奶
但嫲嫲黎湊, 佢又無話要架喎
有時唔俾佢, 佢就不停發勞蘇
"我要奶奶啊, 我真係好鐘意飲奶奶架, 你沖俾我啦" xN咁多次
我真係投降, 所以唔知佢幾時先會戒奶=.=
自理方面: 各方面都OK, 好多野都要自己做, 唔使我地幫
己經自己著鞋著襪, 己經自己去廁所, 我唔使理佢
佢會痾完拎起個尿兜倒去大人廁所掛返好, 再自己洗埋手
好鐘意偷睇佢去廁所既過程 (變態XP)
但佢依家成日都要閂埋廁所唔俾我睇lu!
著外套又要自己拉拉鍊,扣扭....等等...
作息時間: 依家夜左瞓, 因為公公湊午睡可以瞓到3個幾鐘
點解可以瞓咁耐架??公公用咩催眠佢???
點解平時嫲嫲湊, 同我湊都係瞓得2個鐘都無??點解~~~~~~~~~
由於佢瞓左太耐晏覺, 夜晚依定10點半先瞓著=.=!
朝早又鬼死咁早7點就起身, 放假想瞓耐啲都無, 嗚嗚~~~
說話方面: 超級....勁...勁...多野講
個咀除左瞓覺係唔會停,己經係大人咁講野, 好老積
但又好搞笑, 聽到一個咁細人仔係度講啲老積說話
己經唔受我坤啦, 完全呃唔到佢, 仲識反駁我地
有時佢叫我一齊玩車, 我話我唔識玩車架
佢就會話"嗱, 係咁架, 你睇住我啦, 我示範俾你睇啦, 我教你啦"
嫲嫲黎湊, 佢到今時今日都仲唔鐘意
大爺:"今日邊個湊?" 我:"嫲嫲湊"
大爺:"下, 我唔鐘意嫲嫲湊喎, 我想你湊或者公公湊喎"
我:"唔得啊, 我同公公都唔得閒喎"
大爺好慘, dum底頭:" 唉~咁無辦法啦...唔~~~"
當堂笑死我XDDDD學人嘆氣..
有次同佢出街
大爺:"好近架?? 好近咁不如唔好著襪 啦"
我:"唔好啦, 唔著襪會刮腳架"
大爺好得戚話"吓, 唔會既, 我頭先同嫲嫲落球場都無著襪啦"
((UM, 講得好有道理咁, 所以我都無迫佢著))
性格方面:
活潑好動- 鐘意運動上既野, 鐘意去公園, 鐘意行山, 鐘意去郊遊, 平時公公湊會同佢去運動場跑4個圈(我跑一個圈都跑唔到XD)
開朗-成日笑, 笑, 笑, 同埋笑~~~
好感性- 睇電視見到啲人好慘喊, 佢又會扁晒咀, 眼濕濕咁
關心人- 見到dad dad貼左膠布, 佢會即刻好緊張咁問"吓, dad dad你咩事, 做乜貼左膠布"
仲摸摸話"唔使擔心, 我呵返你啊"XDDD
見到我個樣, 皺晒眉頭, 大爺又會問"媽媽, 你做乜咁既樣, 你唔好唔開心啦"
((其實只不過我睇電視慣性皺眉頭啫HAHA))
仲有好多搞笑, 又冧豬事件, 不能盡碌
3歲真係好好玩好過癮, 有時真係唔想佢咁快大個仔
希望佢KEEP住咁乖豬, 咁識氹人, 咁識關心人啦!!!
