BIG Yeah Family台中親子遊DAY1 (下) 逢甲夜巿

23 MAR 2015

BIG Yeah Family台中親子遊DAY1 (下)

機場-->酒店-->逢甲夜巿

o係酒店玩左一輪, 就出發喇!!

落機時己經落雨, 唔通連個天都唔鐘意我地??

仲要凍左好多添...明明天氣預告話好熱架~

等lift中XD

酒店-->逢甲夜巿 的士NT$300左右

 夜巿啲檔口未開晒, 仲要落雨

唯有去夾下公仔先

睇下大爺幾期待, 不停嗌加油加油..

好彩都不負眾望,夾到俾大爺

幾開心!!!

啲雨越落越大,去同大爺食個飯先

個魯肉飯超正啊,  有埋肉鬆撈埋啲肉同飯食, 簡直一流啊!! 

其他都好好味....真係好掛住台灣啲美食~

大爺反而鐘意食佢啲魚丸

食完又話要食, 結果嗌多碗俾佢..

食完飯啲雨細左喇!!

頭先我地突登唔食咁飽, 再出去掃街

呢檔雞蛋糕推介啊~

有雀仔, 象, 槍, 電單車既造型

大爺等既時候, 勁心急~不停話要槍, 要電單車

得未啊得未啊???  =.=!!!

小份NT$40 (有4個)

大爺自己食晒, 我都係痴左2啖黎試咋

 外脆內暖, 我地DAY4都有返返黎買HAHA

大腸包小腸

大爺好鐘鐘意食腸, 一見到又搶住要食!!

都好味!!!

懶人蝦!!

岩晒我呢啲懶人, 唔係剁穀XDDDD

夜巿度好多衫舖, 可以shopping!!

大爺好like係舖頭入面"厘"埋嚇我地, 個樣衰到呢.....

大爺:"你地試完衫未啊???"

大爺好合作, 我地試衫佢又陪我地試

仲跟埋入試身室, 佢又試....

多得大爺既合作, 所以我地個個都有收獲hahaha!!!

shopping完又繼續掃街

台灣啲紅茶都好好飲

連大爺都話正!搶住飲~~

呢個魷魚都好正, 熱辣辣, 即叫即炸~

之後我地瘋狂玩呢啲檔口遊戲

NT$50元一局, 抵玩過AIA嘉年華好多囉!!HAHA

個姨姨仲俾張凳仔, 氣球, 咇咇俾大爺坐係度睇!!

大爺就不停吹咇咇, 係咁嗌"加油, 加油"XDDD

但呢檔無收獲!!

 再去玩拋圈

亮點: 大爺o係入面自己玩一個XDDD ((唔使錢))

台灣啲人真係好, 顧及埋同行既小朋友!!

又有收獲喇XDDD

行行下見到有車車, 大爺即刻衝埋去

難得去旅行入錢俾佢玩下啦!!

差不多九點, 見大爺開始眼瞓

己經不停問返酒店未, 又話返酒店好舒服, 真識嘆~~

臨走見到呢檔棉花糖, 買黎過下癮

俾大爺食左2啖咋, 好鬼甜~

食飽, 玩飽, 我地就好滿足咁返酒店LU!

沖完涼舒服晒!!

平時臨瞓都有話要奶奶, 黎到呢度又無喎

見佢無嗌我就懶得沖俾佢飲HAHA

等大爺瞓左, 我地就食霄夜喇!!

頭先夜巿買左鹽水雞~KAKAKA好味道啊~