BIG Yeah Family台中親子遊DAY2 (下) 清境黃慶果園

24 MAR 2015

BIG Yeah Family台中親子遊DAY2 (下)

 清境黃慶果園

上回講到去完清境農場, 四點度我地就返民宿喇!!

我地bk左 清境黃慶果園既親子樹屋房 四人房NT$4300

上次見完3條kings玩, 實在太正!我諗大爺一定好鐘意

買左機票後乜都唔理, bk左依間民宿先, 因為佢地好快full

我地揀左瞓下面, 朋友瞓上面

我驚大爺o係上面瞓瞓下, 遊左去sir滑梯..wakakaka

 都未放底好啲行李, 大爺一入房己經好驚嘆:"嘩, 好正啊"

己經一箭枝去左玩sir滑梯喇=.=

由入房開始, 佢己經進入興趣狀態

仲拎埋房入面啲公仔一齊上去sir滑梯

 隻毛毛好慘,俾佢拖上拖落, 仲掉落sir滑梯!!

仲有Rody, 影完呢家之後

大爺彈彈下, 跌左落地"嘭"一聲撞襯個頭

之後就無再玩過啦~

都係繼續玩返條滑梯XD

佢己經懶得行樓梯, 直接滑梯度行返上黎再sir

仲要同我講bye bye!!!

之後仲拎晒啲野塞住個出口

要我地sir落去, 一落黎撞散晒, 佢就笑到咔咔咔, 笑到癲左

呢條滑梯我每次sir都覺得好刺激haha

 呢度有條滑梯, 其實我地唔陪佢, 佢都自得其樂!!

我同佢一齊sir,影得最清既一張haha

睇返啲相, 大爺爸叫我影相時

原來大爺o係下面好忙咁砌高啲野,好搞笑..

另一邊軟墊有攀石, 仲有頭盔同手套提供添

大爺見大爺爸爬到咁高無得反抗

係咁拎架車鋤佢隻腳wakakaka

玩到6點叫大爺去沖定個靚涼先

因為bk 7點半晚餐食甕缸雞

只有大爺可以享用到呢個開放式浴缸

佢真係好enjoy, 仲係度洗腳.XDDD

知道依度有浴缸,突登帶啲沖涼玩具俾佢玩

仲叫我地出返去, 佢自己一路玩船, 一路又係度作故事

大爺作啲故事有晒情節, 有好人, 有壞人, 仲扮埋高低音!!

壞人把聲當然係沉啲啦..WAKAKAKAKA

我地o係出面就聽到佢不停係度自己講野XDDDD

佢有佢沖, 我地四個就係出面吹下水打下機上下網

俾佢浸左四個字度上水, 但大爺仲同我地講未沖完

睇黎佢沖得好開心bor!!

民宿好好, 幫我地bk左枱!

伊拿谷係有免費專車接送, 好方便~

搭車去既時候, 大爺差啲瞓著左~我係咁同佢講唔好瞓

好彩佢合埋眼無耐就落車, 我夾硬整醒左佢!!

俾我整醒左, 成程飯大爺都忟忟憎憎

唯有迫於無奈出動部pad俾佢睇下peppa pig, 佢先冷靜落黎

有飯食啦!!!好大筒

主角黎啦!!!甕缸雞

推介推介, 好正!好好味!!必食啊~~

依個入面啲肉丸幾好味

條魚就一般!!

仲有兩個餸, 不過掛住安撫大爺所以唔得閒影

一路食,一路話一陣要返屋企, 要返XX中心(我地個屋苑名)XDD

突然思鄉病發!!

終於食完返民宿啦!!

等車時大爺就大停又講要返XX中心啊, 我唔返酒店啊

己經眼瞓到癲左~~~但佢又唔瞓喎, 不停係度暗暗沉沉

起碼講左幾十次, 我要返XX中心啊...

o係車入面又講, 真係救命!!!!!!

終於捱到返民宿, 放佢落床陪佢瞓, 佢先開始扭

扭扭扭, 又話唔要係度, 又話要返xx中心, 又話唔要去旅行

又話唔要羊羊, 扭扭下終於瞓著左啦!!唉~~~

終於鬆一口氣

可能今日瞓得少, 半個鐘晏覺都無

頭先又sir左幾十次次滑梯 

啊 , SIR左2個鐘, 都可能有百幾次添架!!玩得癲得滯

所以咁早眼瞓, 仲要俾我搞醒食飯,  返到民宿先黎扭都算係咁.

佢瞓左, 我地四個就靜靜地沖涼, 去左軟墊o個邊細聲吹水

飲下野, 敷下MASKS,四個好似做賊咁細聲HAHA!!