BIG Yeah Family台中親子遊DAY1 (上)

23 MAR 2015

BIG Yeah Family台中親子遊DAY1 (上)

機場-->酒店-->逢甲夜巿

期待己久第一次親子旅行出發喇!!

HKG 起飛時間: 11:30

RMQ 到達時間: 13:05

搭7:30既機場巴士, 約左9:00機場會合朋友

大爺第一次搭飛機, 所以突登早少少, 有返啲時間影下飛機

第一次, 乜都覺得好新奇

佢要望住啲行李o係輸送帶送走晒先肯走

又問啲行李會去左邊

十萬個為什麼既大爺

睇佢個樣幾多問號????仲問緊啲行李究竟會去左邊.

wakakakakaka

拿拿淋入去, 嘆返個早餐先!!

食食下就話要去痾poo poo~~

都好既, 好過o係飛機度話要痾..

食完去睇飛機喇!!!wow~~

順便話佢知, 下面啲拖車, 會運我地啲行李上飛機

咁我地落機又去返輸送帶度拎返自己啲行李!!

就快搭飛機好開心!!

睇左一陣, 影下相, 去埋廁所, 就夠鐘上機啦!!

明明仲有幾個字, 咁快最後召集? 

快手影左一張相就要入去喇!!!

掛住望架飛機, 嗌左好耐先望鏡頭XDDD

嘻嘻!!上飛機啦~

第一次搭飛機, 準備左啲糖, 餅餅, 仲有大爺最愛既車車

一上機坐低無耐就話:"一陣要問空中小姐拎蘋果汁飲, 同埋飛機餐"

聽到我IO晒咀, 我地搭呢啲廉航無野飲又無飛機餐架囉..

然後我問佢:"邊個話有架??"

大爺:"公公囉, 公公話有架"

跟住我又要解釋一輪俾佢聽=.=!!!!

仲未完, 佢見dad dad拎住個餐牌, 佢又走去拎黎睇

又俾佢睇中野

大爺:"媽媽, 呢度有公仔麵仔, 我想食"x N次

好彩起飛喇!!就叫佢收埋本野準備..

 之前己經同佢講, 起飛時好似玩嘉年華個虫虫過山車咁快

好好玩架!!!

嗯....佢真係當左玩過山車

起飛時個個唔出聲, 好靜既時候

大爺就不停係o度興奮大笑 ((全機應該都聽到佢笑囉=.=))

仲話好好玩, 好快啊, 好搞笑.....

 

本身諗住大爺o係飛機瞓個晏覺先,

點知佢又話唔眼瞓

玩下車車, 又食下餅餅, 話咁快就到喇!!

我地有小朋友, 可以行特快通道過關, 唔使排隊

去拎行李時, 大爺一見到我地啲行李就衝左過去

大爺:"呢個係dad dad個行李黎架"

拎完行李出去, 司機己經舉定紙牌係度等我地啦!!

首先去銀聯機禁錢先, 一出去轉右就見到

 最多可以禁NT20000

之後再去買電話上網咭 (好易搵, 最多人排)

因為司機架車有WIFI, 酒店又有WIFI, 

所以我地買左一張

本身包車機場返酒店 (約半小時車程)

司機見酒店3點先有得check in, 就提議帶我地去食啲野先

費事我地o係酒店呆等

我地話想去"春水堂"試下佢個珍珠奶茶

 司機話50嵐又平又好飲, 結果帶左我地去依兩度

叫我地每度買一杯黎比併下

 

大爺落機一上車就瞓左啦!!

結果,我地四個都覺得50嵐好味啲

其實春水堂都ok, 但啲珍珠就50嵐好味啲, 仲要50嵐平一半

之後司機帶我地食臭豆腐

小份-NT$40 (4塊)

送湯或紅茶

 

加呢兩個辣醬, 蒜蓉醬一齊食, 真係一流啊..

真係好好味!!!推介推介, 又平又好味

連個湯, 同紅茶都好好味....

講起呢家都好想食T___T

(大爺快叉半個鐘又起左身喇HAHAHA)

食完返酒店check in喇!!

酒店: 新驛酒店

之前酒店網book左經濟客房

不過後尾e-mail俾酒店要求轉去雅緻客房同kings size床

(加NT600)

大爺話好靚啊!!KAKAKA

夠晒大, 點碌都得!!

廁所好整齊乾淨!!

咁大張床, 唔係唔跳下啊嘛..HAHA

入樽

~~~待續~~~

((下篇 逢甲夜巿 ))