3v婚照

由於阿比今個星期連續放七日大假,

我又拎左星期五, 六黎陪下佢!!!

 

今日星期六, 等阿KIT放工一齊北上去3V

上網睇過D人話3V影得OK, 評語都好好....

上佢web site睇都影得好靚

於是上去睇下, 順便了解下d plan....

 

原來個門口咁大.....一搵就搵到!!!

 

wakaka, 未入到去己經拎左部相機出黎影............

 

入面好大!!

 

裏面五張揀相既枱己經坐滿晒人.....

離遠偷睇左佢地d相, 都影得ok丫.........!!!

 

 

 

我地個sales 係coco,

講解得好好, 又好人!!!我地起咁問問問, 佢都唔會厭我地煩...

拎晒d相薄過黎俾我地睇, kukuku我地碼來來回回睇左幾次...

仲帶我地睇d婚紗, 室內景同空中花園

又俾我地狂影相, 服務真係抵讚!!!!

 

呢度係一部份既婚紗...另一邊仲有!!!

d款都ok啦!!!!都有d係新款............

 

嗱!!睇下阿比, 狂睇d西裝................

仲即場拎左三, 四件落黎試=.=!!!!

 

sorry, 見到佢就想扮...........係咪想打我???????????

 

跟住帶左我地去室內景度睇...

 

最後我同阿比揀左去東部華橋城+室內

阿kit就揀左世界之窗+海景+室內

我個PLAN:

東部華橋城+室內

15寸相冊

12寸相冊

30寸OS熱裱1幅

30寸娟絲簽名綢

10寸超平面水晶幅

10寸OS熱裱1幅

由於之前打黎hold起左個優惠, 只限100名, 所以仲有以下額外優惠:

名貴婚紗一件 (wakaka呢個係最吸引, 可以叫哥哥係香港幫我影多次婚紗相)

減$500現金

360度旋轉水晶之戀

16*16艾利水晶

1.8米巨幅油畫

10寸相本

3D立體電影DVD

7寸相冊

 

約左5月23日影相, 22號要返黎揀衫先..........

終於搞掂喇!!!!走得.....

 

由於阿kit好like個空中花園, 但佢個plan又唔可以影到個空中花園,

唯有臨走影下啦........

 

不過無影到個水池添...........

玩夠皮喇, 閃!!!!

 

去東門食個酸辣粉同炒土豆

仲買埋栗子就返香港lu!!!!!!

 

呢家要努力減下肥先得, 肥c大隻點影相丫..........

真係擔心!!!點解隻手咁那粗壯既呢??????????

拜拜肉我可唔可以同你講拜拜丫, 唔好再痴住我啦............!!!!!!!!!!!!

救下你啦.............

 

 

五月用左旅行d錢影結婚相,

今年都係無得去旅行!!!!!!!!!!!!!

算啦算啦......................

等honeymoon先一炮過去鑊金............

手信 + 炒飯

老細送既日本手信

全部都係三眼仔!!!!!真係多謝晒..............

其實鐘意三眼仔都係因為佢係青色

我真係好鐘意青色...........

***********************************************************************

前幾日大昌開倉, 食完lunch同d同事一齊去掃貨

買左三罐鮑魚汁海螺片, 26蚊罐, 真係抵到爛!!wakakaka.....

仲買左兩盒禮盒裝瑤柱 $320, 抵!!又大粒又好味......新年送禮岩晒!!!

今日開黎食下個螺片, 仲整左個咸魚粒炒飯 (倒左少少鮑魚汁一齊炒)

yummy丫!!!!

大家有冇發覺我成日炒飯..........點解呢???

因為公司成日叫外賣d白飯無人食, 所以我就拎左返屋企.....wakaka....

咁又一餐, 又唔使錢, 真係限唔少架!!!

睇戲變睇場

今日請左假陪阿比,

有人被迫放七日大假, 真係慘!!!!

 

訓到十二點先起身, 真係爽晒~~

但點解越訓得多, 個黑眼圈起大既呢?????

 

咪咪摩摩咁成點先出大埔,

新年喇, 阿比要剪定頭髮........點解星期五都咁多人......????

我剪左喇...........又係自己修左前面d陰!!!!

 

剪完出旺角諗住睇阿凡達,

因為老細俾左張coupon我, free兩張戲飛...

點知唔可以睇3D架....!!

咁唯有留返黎新年睇賀歲片..

 

無無聊聊臨時決定睇下d場.

始創 皇府

始創 彩褔

佐敦 彩褔

 

本來覺得皇府己經好好, 白色紫色為主, 簡潔我最鐘意既....

最重要價錢ok, 可以計圍數, 無最低消費....真係化算!!!

諗住真係請d好fd好熟同想請既朋友黎...所以15圍己經好夠....

 

點知...........嘩!!頂...............睇完佐敦彩褔, 真係鐘意到不得了,

有個飛天車..飛去個台, 仲要d燈好勁 ..演唱會咁!!

d怖置真係好靚......真係超級最鐘x100000000000000

但係11萬最低消費=.=人地得15圍都唔夠啦..........

 

所以始創皇府係我地首選,

地點方便, 價錢合理!!!!

 

 

*********幫我地擇日既阿姐.....擇左2011年3月30日星期三************

不過我地都未confirm呢日, 再問緊阿姐搵多幾日俾我地揀

佢阿媽想星期六,日最好....

 

但我無乜所謂, 平日d酒席可以有多d優惠添....

錢係最大考慮因素..

擇日

我頭婚事終於有個開始

一直等佢阿媽去擇吉日, 等到頸都長

結果尋晚佢阿媽好突然打黎問我d時晨八字

真係緊張

聽日佢阿媽就去搵人擇

唔知邊一日呢???

 

自從聽完阿比同佢阿媽傾電話後,

我個心真係好緊張, 又煩..

佢阿媽又話不如擺大埔, 屯門, 葵芳.......=.=

頂!!!!!!!我最憎架啦....零願唔結!!!

希望阿比悅服到佢阿媽啦...救命丫~~

 

仲有兩樣又係好擔憂

錢錢錢錢錢

減肥減肥減肥

 

好!!!!我今日下定決心減肥!!!

其實跑步減唔減到拜拜肉架?????

 

廢UP!!!

近排有乜搞????其實無乜野搞!!!

窮到褲穿窿!

 

近排真係好煩腦

煩乜??

煩我既人生大事

個個都話大有大搞, 細有細搞!!

我知我知.......但係無錢真係無得搞呢~~

我就真係唔係咁想搞,

反而阿比好想好想擺酒!!!=.=

結婚真係好煩!!

 

就黎我個好朋友結婚

我做伴娘

即係係時候要減下肥!!!

點樣減拜拜肉丫??救命丫.....

睇黎都要地獄式減肥!!!

 

 

就快到我最鐘意既節日 - - 新年!!

點解係最鐘意????

有利是

由年廿九 放到 初八

有雙糧

新年係我賺錢既日子!!

終於可以多返d錢喇...

 

 

sorry, 呢篇打得亂七八漕!!

都係因為近排又窮又煩, 所以上黎廢up下~

 

 

 

 

洛洛birthday party@山頂 - PART II

另外個同事部相機............收返D相返黎喇!!!

 

去相!!

 

GIVE ME FIVE~~~YEAH!!!

點解我笑得咁開心???

WAKAKAKA..咪就係我o係隔離枱拎左成碟壽司走....

有得食挭係開心啦!!!

呢枱係俾小朋友坐....

怨鬼痴身..........又走左過黎玩!!

呢個小朋友好得意, 隻眼又大又靚仔!!!

晴晴bb...............又抱黎玩一陣!!!

d小朋友真係好得意........!!!!

臨到尾聲, 係要拖住我周圍走......我要落山喇洛洛!!!!

洛洛birthday party@山頂

星期六, 放工即閃!!

我地要去洛洛個birthday party丫...

地點: 山頂 - 太平餐廳

有人請又唔使錢當然要去下呢d又貴又高貴既地方啦...........

去到主人家己經到左啦

 

洛洛死都要我除鞋陪佢玩=.=

好彩我今日著對"物"正正常常無穿窿啫!!唔係咪失禮死人....

 

等佢d同學仔黎到, 剩機鼠返埋位食野....

實在太肚餓喇..!!!

又食下, 又傾下.....一場黎到挭係欣賞下d地方先!!!

 

仲以為洛洛會同d同學仔玩會唔記得我, 等我有安樂飯食下.....

點知............=.=又係痴住!!!!食食下見佢老豆帶佢過黎........oh god!!!!

做乜黎搵我丫, 杯野又未飲完, 野又無乜點食過.........

 

我諗佢真係唔多鐘意咁多人~~

所以我同阿kit今日差唔多全程陪住洛洛玩.....!!!

個攝影師影d相, 可能大部份都有我地上鏡....

 

呢d係送俾洛洛d同學仔

女仔係公主, 男仔係thomas..........

 

好多好多氣球, 真係好靚!!!我細個時阿媽一個都唔俾我買......

 

登登登登.................好好好靚既生日旦糕丫!!痴線~~~~

我都想有個丫!!!

 

d小朋友一見到圍晒過去, 死唔走開, 相又唔肯影.........真係癲!!!!

 

小朋友有城堡旦糕食

 

大朋友有cup cake食!!=.=又係有公主d樣係上面..............

我以前都無鐘意過d公主野...乜真係咁吸引咩????

 

現場有魔術表現, 仲有小丑扭波波..

仲有印水紙俾d小朋友玩...

哈哈....我都印左..!!!

其實今日都幾好玩丫, 佢d同學仔真係好鬼得意..

鬼妹仔, 日本妹, 韓國妹....真係聯合國咁...!!

玩到唔知時間, 要痴車坐返落山走人.........

 

噢...原來阿比黎左cwb接我,

真係抵鍚^3^

去完ilea買野............食個晚飯就返屋企lu!!

是日晚飯: 翠華

 

 

洛洛Birthday

洛洛豬3歲生日

佢阿媽掛住星期六既PARTY, 

正日無買旦糕, 臨時臨急買,所以今年呢個旦糕好普通!!!

但普通得黎其實係半島造架, 都係貴野=.= 

 

等D人散開晒先有機會同洛洛影返張合照!!

 

 

 

嘩, 公司D同事送, 大部份都係粉紅色.......

洛洛最鐘意粉紅色!!!我個份係HELLO KITTY琴!!

 

仲畫左張咭仔, 佢既好朋友..花塔餅同蝠蝠蝠先生............

佢兩個朋友都係好樣衰!!!

 

一黎就開左個化妝枱出黎

呢家小朋友D玩具真係誇張!!!

要插電,

風筒真係有風

 

仲有呢個魔掌搖控

一禁制對鏡門會自己開關=.=痴痴地!!!

 

仲要有櫃桶, 入面好多首飾....

洛洛好enjoy搽唇膏, 反晒白眼, 所以遮遮佢.........

 

期待星期六洛洛o係山頂既birthday party