TEA @ THE ONE－HABITU CAFF

8 OCT 2011

近呢個幾月己經無乜點出街

放工一定返屋企

星期六放下午還可以出一出去...


所以今個星期六下午約左KITTEN TEA一TEA

去左THE ONE 既HABITU CAFF



仲有syliva 黎派觀視咭俾kitten, 所以一齊tea一tea..哈哈!



叫到成枱都係野，最終都係食唔晒。。ｗａｋａｋａ



呢兩個ｃａｋｅ無食到，實在太飽喇。。。

唔知好無味既呢？？




自從有ＢＢ之後，己經戒左咖啡

真係一滴都無飲，呢杯係朱古力黎。。。。



呢間既熱朱古力都好好飲，大家不防去試下。。

（見人飲咖啡我都好羡慕啊）

自制五天連假 - DAY 4 check唐氏 + High tea@灣仔君悅

補打: 拎左唐氏報告, 一切正常








10月4日  DAY 4

今日BK左11點check唐氏

由11點等等等等等..........等到十二點先到我

諗住私家唔使等, 點知都要等咁耐!!


今日度頸皮, 呢度照超聲波部機超部清啊!!

完全係好清楚,頭, 手手腳腳, 連鼻都見到, 仲有醫生話80%係仔

度頸皮正常


跟住又驗血, 今次抽一支啫, 好彩

(我發覺我每個月都抽血咁)



今次呢個姑娘抽得超衰, 打橫咁吉入去=.=痛死我喇!!!!

反而上次健康院個姑娘抽得好好多!!




餓左咁鬼耐, 去牛奶公司食飯個豐富既炒滑旦先..









三點約左syliva, 蚊一齊去灣仔君悅酒店high tea



$436/兩位



好彩見到隔離叫既tea set先, 我覺得我地實食唔晒

所以叫住一個先



好難得平日可以去high tea, 仲要阿比都一齊添喎!!



咸點 , 普普通通啦!!

((我都係覺得四季好味啲))



甜點 - 我淨係試左朱古力旦糕 + 一舊馬卡龍

好味!!!!!!

其他就唔知, 我唔太好甜野......




呢個雪糕筒咁既, 入面係朱古力漿

個玻璃入面啲粒粒都食得架, 都幾好味, 苦苦地既朱古力粒



仲有雪糕食!!!

自制5天連假 DAY 1-3 HEA+剪髮+私家產前檢查3

話說上次去健康院姑娘派左啲單張,

我先知做產前檢查可以問醫生拎一天假紙

WAKAKAKA....知道之後真係好開心

自此之後好期待下次產檢, 仲密謀呢5日連續的假期!!


剛好10月1日國慶, 2日星期日, 5日重陽節

咁我就BK左3號私家產, 4號CHECK唐氏

WOHOHOHOHO, 咁就有連續五日假出黎喇!!!!!!!

((講咁耐廢話入返正題先))





DAY 1  10月1日

基本上, 呢一日打掃日

洗衫, 掠衫, 吸塵, 抹塵, 換床單

做完一輪家務就頭痛左成日

唔通, 大肚婆唔做得家務???








DAY 2  10月2日

約左惠惠上水食lunch

呢間cafe 308都唔錯啊!!!!坐得又舒服

傾計好去處!!



不過掛住傾唔記得影相添!!


坐到三點幾就去剪頭髮喇!!

趁未見肚去執執個頭, 順便負理子

呢家個頭厚到不得了!!!





DAY 3    10月3日
BK左12點 私家覆診
但係上到去姑娘話醫生趕住去接生,
叫我一點半先再返去=.=

早餐又食左, 咁行去金都"專業制作" 拎返BIG DAY啲相
點知明明有三條又係度,都話未開門
仲叫我一點先再去 ((火都黎, 咁你都係三條友坐係度啫, 做乜唔幫我搵啲相出黎))

結果走左去仙踨林飲下野 HEA到一點半






YEAH YEAH YEAH!!終於見到醫生喇!!!

WAKAKA..我好變態, 我好鐘意去產檢, 因為又可以見到BeBe喇!!!

今次大左好多啊, 有頭, 有腳, 有手, 仲照到係男仔!!

((不過呢張影得唔清))



13wks  68.8mm

母嬰健康院1 + 私家婦科檢查2

岩岩post左呢兩篇blog係之前己經打好左, 因為未夠3月月所以無post出黎

不過有啲blogger好勁啊, 好細心, 留意到我多左個"BB在我肚"既分類

留言問我係咪有左BB, 真係醒目!!!



6 SEP 2011 9:30AM

母嬰健康院

好好彩今日阿比放中呢日, 有人陪我去檢查YEAH!!!!




登記完等叫名

今日有以下幾項要做!

每做一項都要等叫名=.=等到人都癲啊!!



磅重, 結婚後重返幾磅

有左後輕左幾磅=.=日日係咁嘔, 唔輕就假喇....





等...等...等...

早知等咁耐, 買定啲包一路等一路食

真係餓屎人喇!!!


SORRY, 己經攰到坐到粗粗魯魯, 仲要俾阿比偷影左...@@
(大家應該唔會嚇襯, 我係大家心目中都唔係斯文KAKA)


最後一項, 抽血

啊..............抽四支啊..............啊...........OMG

早餐又未食, 又凍又餓, 仲要抽血


個姑娘仲話, 凍就著多件衫, 咁凍可能抽唔到血架

=.=我點知要等咁耐, 仲要咁大冷氣喎...

俾佢嚇人嚇即刻企起身郁下啲手手腳腳

抽唔到捱兩針咪死......





由9:30AM......等....等...等....搞到1:30PM先走得






下午BK左3:15 返去私家醫生度覆診

BeBe...我地又見喇!!




今次大粒左, 我覺得好似一舊便便咁...WAKAKAKA...

9 WEEKS    23.7mm

私家產前檢查- 7wk

25 AUG 2011 17:30

第一次去私家做產前檢查

BK左, 都要等成個星期先到我 真係等到頸都長埋



第一次同BeBe照超聲波

因為太細粒喇, 係肚皮照唔到, 要用陰道照聲波先照到

第一次照呢種照聲波, 感覺怪怪, 唔太舒服


見到BeBe喇, 好細好細粒啊!!!



由於之前西醫跟我經期第一日黎計, 話我有8 weeks

不過醫生話我經期唔準, 要照超聲波度size先最準

呢家正確應該係:
7weeks 10.2mm



照到BeBe之餘, 仲照到粒好細好細既類似肌瘤既物體

=.=初初見到我都好擔心, 會唔會有影響

不過醫生話唔會有影響, 或者係有左先生出黎, 同埋呢家好細粒, 唔會有影響



醫生知我係威院生, 提我驗唐氏一定要係11-13週入驗

如果過左呢個時間驗就驗黎都無用, 係唔準確的



另外, 醫生開左葉酸俾我食

因為呢家未係穩定期, 所以2星期後要返去覆診





後話:
威院之前俾我驗唐氏個期係10月23日, 己經過左13周


所以叫阿比放工幫我去改期

點知.....同佢講明話想提前個期, 佢竟然最後仲排遲左, 11月1日

即係17週, 真係俾政府吹脹

威院解釋, 之前既期己經full晒, 排唔到俾我, 呢家排11月呢個係第二輪

算!算!算!!!!!!!費事勞氣


都係bk私家驗, 可信多啲 , 準確多啲

只係使多千幾蚊, 買個安心!!!!

發現了My BeBe...........

16 AUG 2011

呢3日一朝早就嘔, 成日作嘔作悶

M又未黎

lunch同四位同事過左萬寧買支捧捧驗下


但返公司靜雞雞自己去廁所驗下 ((wakaka..係咪無人會係公司驗孕??))

點知..................................兩條間



點算點算點算!!

心情...好混亂, 又開心, 又複習

唔知係咪心情大起大落

臨放工去廁所時發現有少少血絲....點算???




即刻打去BK個婦科, 點知最快下個星期一

算喇, BK住先!!!



再上網睇, 啲人話好多孕婦都會出現呢個現象

去到睇醫生, 醫生都係叫佢休息多啲小心啲



應該無問題掛, 因為之後無再有血絲出現

無事既無事既!!






17 AUG 2011

今日請左一日假, 去左睇普通西醫驗孕

其實佢都係用普通驗孕捧

不過我要有呢張醫生紙證明懷孕先可以去醫院登記





睇完醫生, 打去BK母嬰健康院預約檢查先

諗住政府又CHECK下, 去私家婦科都CHECK下


下午一個人去威爾斯登記

好彩頭先健康院個姑娘提我,

要帶定住址證明, 醫生紙, 身份證





去到威爾斯迷路, 搵左半個鐘先搵到婦科係邊度

最後都係去詢問處問, 條80後旦散唔想答我咁

叫我沿地下黃線直行然後XXXXXXXX <--鬼食泥咁, 唔知佢講乜餘, 啲聲氣好衰..

火到黎, 己經搵左咁耐, 呢條旦散仲咁樣態度

重點係, 地下無黃色線囉=.=

我用返佢啲死人態度問返佢" 黃線....我見唔到有囉, 你係咪想講橙色啊"

80後旦散" 咁咪橙色囉..XXXXXXXXXXX" <--都係唔知佢講乜




去到婦科

登記條隊都幾長, 等左幾個字到我喇!!

俾左張字我, 叫我睇下啲文件齊唔齊, 齊就去後面個籃度拎張FORM填

好彩我帶齊左, 唔係又要再黎過=.=

填完又要再排過隊交FORM

又等左幾個字, 交完叫我坐低等下....等叫名

終於等到叫名喇, 幫我排左2個日子

** 一個係見醫生 12月23日

** 一個係驗唐氏綜合 10月20日

咁走得喇!!!咁佢話呢幾個月又未見醫咁點呢?

就係去返各區既母嬰健康院