01 APR 2017
{BIG Yeah} 台北+宜蘭DAY 3
民宿玩車車》宜農牧場》梅花湖》午餐》
蠟藝彩繪館DIY》晶英酒店紅樓中餐廳( (櫻桃鴨)
真係早晨啊!!!大爺一早就彈起身問我9點未
因為尋晚話過佢知9點開始有得玩電動車
=.=!咁挭係未到9點啦~點解要咁早起身??
到8點半我就同佢落去食早餐(其他人未起身), 食完剛好9點就有得玩喇!
不過呢間民宿既早餐就一般
終於等到有得玩, 由於太多選擇, 佢揀左好耐都決定要呢架警車
民宿後面有個有蓋空地俾小朋友玩電動車
今朝無落雨可以開出去, 圍繞住民宿嚟玩
今朝都係約左小吳10點黎接我地
第一站: 宜農牧場
其實我知大爺對睇動物無乜興趣, 佢成日厭啲動物有陣味
不過佢阿媽我好想餵下豬餵下羊wakakaka
飲奶奶俾啲豬豬, 啲豬走唔到出黎佢ok可以接受
初時仲好enjoy
本來都好鐘意餵
點知另外有一隻豬嚟爭飲奶, 本身飲緊嗰隻就開始大大力咁啜
大爺就開始驚, 大爺"啊~~佢太大力喇"口
好啦, 叫大爺爸陪佢一齊餵
點知大爺爸又捉左佢去另一邊, 但另一邊啲豬仲爭得激烈
撞嚟撞去, 仲咬嚟咬去, 餓鬼投胎咁
嚇到大爺走
好啦!!等大爺媽示範下點樣優雅地餵佢地啦~~
((好明顯係大爺媽鐘意多啲囉))
大爺爸成日話我好似豬咁懶,見返同類係開心啲!!
竟然大爺唔餵豬, 就帶佢去餵羊BB啦~~
都係啲羊溫純啲!!
企到有啲距離地玩羊羊佢, 佢先有返啲笑容, 無咁緊張~
呢度仲有啲攤位遊戲俾小朋友玩, 岩晒大爺~
第二站: 梅花糊
電動車又出動喇~哈哈!!!
一去到買啲小食嚟食下先, 好好味~~
呢個花生雪糕卷好好味!!!
喺梅花湖呢檔食最好味, 之後喺十分食嗰檔差好遠~
我地租左兩架電動家庭車, 大爺又分配左坐位俾我地喇!!
大爺緊揀左同我地三美女一架車啦, 哈哈~~
嗰兩個男人自己一架~
點解香港無呢啲電動家庭車架? 唔使踩真係好爽爽啊~~
大爺扮做司機~
小吳仲預備左大量魚糧俾我地餵魚
呢個大爺就不停係度掉掉掉~
到此一吻
好毒, 竟然喺度有人扭波波
仲要有POLI俾大爺見到, 真係唔買俾佢都唔得
不過呢個叔叔又扭得幾靚!!
大爺話好鐘意呢度喎, 又可以餵魚, 又可以坐呢架電動家庭車
之後小吳帶我地去食午飯喇!!
原來呢度慶食魚眼, 仲要好鬼大隻XD
樣樣都好好味!!
第三站: 蠟藝彩繪館DIY
填顏色
有凹凸紋既卡印啲花紋出黎
登登, 完成!!
~畫畫畫~
整水筆
每人可以整三支~
大爺好鐘意整, 我同大爺爸都分多支俾佢整~
之後到整蠟筆喇!
每人揀一模拎去揀想要既顏, 就俾啲職員過機
呢個係要將碎既蠟筆壓成一個海豚
最後就係彩繪, 可以畫面或手
俾我估中, 大爺實唔肯畫面~
本來連手都唔肯, 我地話有忍者標誌先肯畫
我本來想畫麵包超人, 可惜唔係好似
呢幾張好正, 大爺扮得好肉緊~
大爺話好鐘意整水筆同蠟筆
同埋呢度都幾抵玩, 玩完仲可以拎返票尾去買野
晚餐
晶英酒店紅樓中餐廳( (櫻桃鴨)
其實我地幾個都仲飽緊, 所以今餐食淨好多野~
可能飽, 覺得呢個出名既櫻桃鴨都係一般般, 唔係幾岩我地口味!!
今晚返民宿後就同小吳哥哥講拜拜啦!
聽日我地就離開宜蘭返台北~
多謝佢呢3日既細心照顧, 又同大爺玩得咁開心~
