{BIG Yeah} 台北 + 宜蘭 DAY 1 - 桃園機場>>米妞的假期>>羅東夜巿

30 MAR 2017

{BIG Yeah}台北 + 宜蘭 DAY 1
3月係我地一家既慶祝月, 一年一度既旅行又來了

今年遲左3月30日先起程, 因為想夾返啲紅日請少2日假XP

地點: 台北宜蘭

中華航空 :

 去程 香港起飛10:15 - 到達桃園 11:55    回程 桃園起飛16:55 - 到達香港: 18:50

行程: 桃園機場>>米妞的假期>>羅東夜巿

今次大爺有5個陪玩專員同行, 幾威水!!!

(有個朋友己經飛左先, 台北會合)

雖然今次有飛機餐食, 但我地都喺機場食埋早餐先上機
出發喇!!!

必影位HAHA!大爺要求我地做既心心

呢個小朋友好鐘意搭飛機, 今次又係無訓過!!!

掛住玩game睇戲, 食飛機餐, 好享受咁既樣~~

食完飛機餐無耐就己經預備降落喇!!真係話咁快就到~

我地會合返朋友, 拎WIFI蛋, 然後就打俾包車司機接我地喇!

YEAH!~非常順利!!

包車: 機場>>宜蘭 單程NT$3000(九人車)

由於機場ATM拎錢排長龍, 司機(小吳)車我地去附近7-11拎錢

知我地想飲珍珠奶茶, 又車埋我地去買

搞掂晒然後先出發去宜蘭民宿

宜蘭咁多親子民宿, 真係揀到眼花花, 心大心細

最後都係揀幾間俾大爺睇, 最後佢揀左兩間

一間佢睇中火車 同樹屋(米妞的假期)

 一間就睇中可以玩電動車(301會館)

全部都係圍繞住車車車....全部都係車~

所以我地兩間都book晒!!哈哈~

民宿: 米妞的假期

第一晚住米妞的假期 (小樹屋房)NT$5100 加床NT$1000 

登登~~~我地既小樹屋房
好靚啊~同埋估唔到都幾大喎!

睇得出民宿主人真係好有心思怖置同打理呢個民宿
地方又乾淨喎!!!

今晚我地六個齊齊訓喺小樹屋房, 好熱鬧啊!!

大爺一嚟到己經分配好床位喇!!

呢個閣樓就係兩位ee瞓

下面就係大爺爸同叔叔瞓

我好榮幸被大爺點中我同佢一齊瞓樹屋, 哈哈!!

條滑梯都好快好刺激~

雙人床, 夠晒我同大爺瞓, 點碌都得~

開心到傻左!!

大爺一入到房己經玩到癲左!!爬嚟爬去~~
己經進入左瘋狂狀態!!!

玩完一輪, 整理好晒行李我地就落返去大廳度玩陣
大廳都好好玩啊!!大爺一落到黎又忙東忙西咁, 不停走嚟走去~

賣雪糕

做小食店!

今日無安排行程, 只係約左司機夜晚車我地出羅東夜巿
未夠鐘決定出去周圍逛下

民宿門外

嚟宜蘭最多見到既就係田~田~田~哈哈!!

好多稻草人

又見到滑梯, 大爺又玩左一陣

6點半小吳就嚟接我地去羅東夜巿

台灣夜巿最多啲攤位遊戲玩, 大人小朋友也瘋狂啊~
我地所有陪玩專員都好貪玩, 好癲過大大爺haha!!

羅東夜巿都幾好行!!!

不過我地都係決定坐低醫飽左大爺個肚先~

全部都好好味!!

食完再出去慢慢掃街,再買啲返民宿

一路行, 一路食, 一路玩!!

呢個臭薯條其實好難食, 哈哈!!

差不多走就打返俾小吳嚟接我地返民宿

原來小吳預備左啲煙花俾我地玩, 喺民宿附近空地玩
yeah! 估唔到有得玩~

好靚啊!!

仲有心心型既煙花~

~嘭嘭嘭嘭~

其實小吳預備左好多煙花, 都未玩完, 大爺就話唔玩
因為佢知道小吳哥哥拎左架電動車俾佢玩!!

呢個小朋友有車車就萬事足

天黑黑玩又另一番風味~

玩完一輪, 佢又記掛住民宿間樹屋房,話要返去玩
好喇!!咁就走啦~
但臨走仲叮囑小吳哥哥, 佢聽日都仲想玩電動車XD