{BIG Yeah} 台北+宜蘭DAY 2 - >蔥油餅DIY>>清水地熱 >>菓風小舖DIY>>幸福轉運站>> 幾米廣場>>丟丟噹森林公園

31 MAR 2017

{BIG Yeah} 台北+宜蘭DAY 2

民宿(早餐)>>蔥油餅DIY>>清水地熱 >>菓風小舖DIY>>幸福轉運站>>
幾米廣場>>丟丟噹森林公園>>民宿(301會館)

尋晚大爺返到房, 玩左一大輪先肯去沖涼訓覺, 今朝又如常七點幾就起身

大爺好乖仔, 見大家未醒, 佢自己好細聲靜靜雞咁玩, 驚嘈醒人

八點半我同大爺梳洗換衫, 仲要執好個喼就落去食早餐喇!
(今晚住另一間民宿)
民宿有包早餐
另外亦有提供材料俾我地自制早餐

大爺一落到嚟就話要整米奇三文治

~自己整既特別好味既呢~

民宿提供既早餐, 好豐富, 仲好健康添!!
咖啡機沖出嚟既咖啡都好好飲~~~

大爺食完件三文治己經急不急待又走左去玩喇!!

玩到咁上下, 啲陪玩員先陸陸續續落嚟食早餐
((佢地呢幾日對我極速梳洗, 極速執喼都甘拜下風~WAKAKA))

今朝約左小吳哥哥10點嚟接我地出發
所以大家有晒充足時間食早餐, 痾乾乾淨先去玩

大爺: 小吳哥哥早晨!!
大爺幾咁掛住小吳哥哥呢~~~因為佢好記掛尋晚架電動車XD
開車尾箱放行李時見返架電動車幾咁開心~~

出發喇~
第一站: 蔥油餅DIY

換好水鞋同戴頂草帽就落田拔葱喇!!
大家既耕田look好搞笑!!

農場會有講解員介紹宜蘭最出名既三星葱, 然後先會教我地拔葱既
不過大爺可能聽唔明國語, 喺聽人地講解既時候有少少唔耐煩, 係咁問幾時拔葱

睇完講解員示範點拔, 就到我地喇!!!
咁當然等最心急既大爺先啦~~

不過臨尾要用手拔棵葱佢又潔癖發作=.=!!

登登~~大爺親自拔既三星葱!!!

到我喇!我今日條褲加埋對水鞋, 好似阿婆褲~哈哈哈!!

好鐘意呢張!!小吳哥哥幫我地影haha!!
我地一家三口既耕田look~

然後就拎住親手拔既三星葱入去洗乾淨

大爺鐘意踩水多過洗葱XP

到DIY葱油餅時間喇!!!
大爺唔食葱, 堅持落幾粒仔葱喺中間咁大把=.=

整完即煎~~煎好即食!!
呢個係我地食過最好味既葱油餅~三星葱果然係好味!!
呢家都好懷念呢塊葱油餅~

去下一個目的地前, 小吳哥哥買左啲地道小食俾我地, 真係好好味!!!
但我今朝既早餐同塊葱油餅己經食到我好飽, 未能盡情咁食~~

喺等外賣既時候, 小吳哥哥拎左支唱歌神器出嚟俾大爺睇住youtube唱歌~

經過見到櫻花停車影下, 不過得兩棵咁大把XD

到達第二站: 清水地熱

大爺一落車就問小吳哥哥可唔可以玩電動車, 仲以為佢唔記得添
就係咁, 大爺就喺停車場開住電動車入去清水地熱
我地5個 加埋小吳哥哥就喺後面護駕
沿路既途人見到大爺都係咁讚佢, 讚到大爺啲得戚樣出晒嚟

可能好少人會開住電動車入去, 一去到清水地熱好多人都望住大爺
呢個大爺真係威水!!!不過我地嚟係浸下溫泉水, 同煮蛋, 粟米
所以小吳哥哥搵個靚位泊好架車先~

大爺知道有得浸腳好開心(其實佢係玩水多)
呢個池無咁熱, 咁小朋友多啲~

我地大人就係上面個池, 超級熱溫泉水,
我都要適應左一輪先放晒對腳落去浸

喺浸之前我地己經買左啲蛋粟米去煮
浸完剛好有得食喇!!! YEAH~

啲蛋剛好做到唐心蛋既效果, 好味
粟米都超甜~

呢度啲石地岩晒大爺~不停執拎玩!!

我地食緊嘢時小吳哥哥陪大爺玩, 你追吓我, 我又追下你, 幾咁溫馨, 哈哈!!

呢個地方都幾好hea, 大爺話好鐘意呢度玩!!
出返停車場大爺又開返佢架靚車走~幾正~~

第三站: 菓風小舖 (糖果DIY)

大人細路都岩玩, 我地幾個陪玩員全部一齊入去陪大爺玩~

今日主題係整雞仔!! 

全部都係雞~

做完糖我地就去下個目的地:

幸福轉運站>> 幾米廣場>>丟丟噹森林公園

呢三個地方都係影下相~

喺幾米廣場影影下相, 大爺又走去問小吳哥哥可唔可以開電動車

由幸褔轉運站開住車去宜蘭車站~

我地有我地影, 大爺有大爺開住車兜圈, 陪玩員輪流睇住佢~

幸褔轉運站入面其實無乜野影
大笨象sir滑梯又無開, 入面得個波波池
見唔貴就俾大爺玩陣, 大爺爸好幸運欽點左入去陪玩wakakaka

我地幾個就喺出面好似睇動物咁, 睇住佢地玩~

丟丟噹森林公園

小吳幫我地影既一家三口照, 唔錯唔錯!!
好鐘意~

晚飯時間到~今晚食甕缸雞
不過民宿話8點前要check in, 食飯可能要好趕
小吳就提議我地買外賣拎返民宿慢慢食~
呢個提議真係唔錯啊~~我地個個都舉腳讚成

今晚住"301民宿"賽車六人房
一入到去,大爺立刻分配床位俾我地~
我又好榮幸得到紅色跑車床位WAKAKAKA

開餐啦!!!超級豐富啊~
每一樣都好好味~~尤其是隻雞~~

食飽飽又係房度玩到癲左~
我覺得呢2隻熊好慘~XP