{BIG Yeah} 台北+ 宜蘭DAY 4 - 民宿>>返台北>>西門町>>品火鍋王帝蟹放題

02 APR 2017

{BIG Yeah} 台北+ 宜蘭DAY 4

民宿玩車車again>>返台北>>西門町>>品火鍋王帝蟹放題

今日返台北喇!!今朝有足夠時間俾大爺玩個夠先走~
 呢個大爺又係一早起身等9點落去玩車
不過我地早少少落迫佢食左啲早餐先!

今日揀左黃色跑車, 玩玩下仲厭慢想換車
民宿個姐姐知道左佢厭慢, 就幫佢調較返快啲
噢, 原來有得快啲既WAKAKAKA
 呢個大爺當堂開心晒~

喺外面咁曬既天氣, 佢玩左個幾鐘都無停過=.=
真係要拎返頂帽俾佢帶, 唔係變黑炭頭~

終於肯入嚟玩下玩具

我地大人小朋友依兩朝早就係咁玩呢個彈珠機, 哈哈!!

今日12點check out, 就返台北喇!!
今日小吳唔得閒, 由佢同事車我地返台北~
小吳啲同事都好好人, 知我地未食午餐, 帶我地去食左牛肉麵先

食飽飽上車返台北

呢兩個EE係咁塗毒大爺睇啲韓國女團 XD

話咁快到左台北, 但民宿又未夠鐘check in
我地一家三口就喺附近行下,佢地三個就喺民宿樓下等等, 因為要看住啲行李~XP
民宿對面就係西門町, 好方便~

呢兩父子行左一短短路就各自睇中野想買喇=.=
好彩呢個時候EE佢地話己經可以返民宿, 叫我地返去~


今晚我地又全部人住埋一齊, 哈哈哈~
  唔記得影相, 喺官網copy返啲相

地方都唔錯, 不過就當然無宜蘭啲民宿咁大

雖然唔係大, 但大爺都照樣喺條樓梯走上走落玩得好開心!

張梳化係可以打開做床

我地今晚一家三口瞓上面!!
大爺終於恩淮大爺爸今晚同我地瞓...哈哈~

放低行李休息一陣, 就出發喇!!!
本身諗住去新開既outlet, 不過大家可以休息左一陣, 啲惰意出晒嚟
決定喺西門町行下,shopping, 買下手信

行行下同男子組分開行, 但呢個大爺又要跟住我
 我地去嘆咖啡, 做乜要跟住我呢????
為左佢我嗌左杯凍既, 仲有埋雪糕
um, 佢將我個雪糕全部食晒=.=

坐係度嘆下, 傾下計真係好寫意呢~~

到六點會合返兩位大叔就去食dinner

今個旅程大爺好愛呢個陪玩員叔叔~WAKAKA
我呢個旅行真係好爽!!咁多人陪大爺玩.....

今晚我地食" 品火鍋王帝蟹放題"2小時放題
早兩日己經叫小吳幫我地book左位, 嚟到等左一陣仔就入得去喇!!
 

全部食物都新鮮好味, 啲蟹好鮮甜多肉,
上菜都好快, 呢頭叫, 唔夠1分鐘就嚟~~
唔似香港啲放題, 成日漏你單

我地狂叫蟹嚟食應該係抵返晒!!

食飽飽經過見有間10蚊店就入去逛下
俾大爺見到把忍者刀, 仲要有埋刀套
佢呢排迷左做忍者當然話要買, 一買左佢就忍者上身HAHA