BIG Yeah Family台中親子遊DAY2 (上)

24 MAR 2015

BIG Yeah Family台中親子遊DAY2 (上)

台中-->清境

<<中途息   觀音橋-->老英格蘭-->紙箱王-->午飯(雲南菜)>>

今朝約左司機9:30出發, 大爺8點幾先起身, 比平時遲左一個鐘起身
((唔通間房夠黑??等我屋企間房都整黑啲先))

拿拿淋落去食早餐, 酒店個早餐無乜岩大爺食, 連基本既火腿同腸都無

好彩仲有白飯, 結果大爺淨係食炒蛋撈飯

食完就返上去拎行李就出發喇!!!!

今日出發去清境, 車程大約2個鐘

YEAH!今日無落雨喇!!真係好啊~仲好好天添..

中途休息, 去下廁所, 入去7仔運下吉XDD

唔知點解去旅行好鐘意入七仔同便利店

廁所門口泊左架((靚車))<--大爺係咁叫

掂!大爺啲pose我都甘拜下風!!wakakaka

hea夠又出發, 開始多彎

我同大爺開始暈暈地, 司機就話去觀音橋休息下

一落車大爺又生猛返晒!!

o係條橋跑跑跑

點解佢可以跑到個樣咁衰???

風景唔錯, 影完過埋去觀音瀑布

um, 無觀音既??究竟觀音o係邊???

條瀑布就係後面o個條喇XDDDD

舒展完筋骨又再上車喇!!!

啲彎無小到, 仲越黎越多XDDD

大爺o係咁話唔舒服, 跪左o係車度((平時一暈都係咁))

我都唔得閒理佢, 我自己都暈..wakakakaka

之後司機又停埋一邊, 大家又落車休息下..

大爺爸抱住大爺行下行下, 大爺就瞓左啦!!

瞓左就好啦, 可以再出發, 我就轉左去坐車頭 , 車頭無咁暈

司機見順路,停左去老英格蘭, 叫我地影下相

到此一遊, 大爺瞓到隻豬咁!!haha

依度都幾靚, 影幾張就走喇!!

跟住司機又問我地去唔去紙箱王睇下野

哦哦, 都好, 又睇下啦!!

仲瞓緊!!

當我地影完呢張相之後, 大爺就醒左喇!!

即刻帶佢去玩下車車

不過岩岩瞓醒佢仲迷下迷下咁...

搖搖下又醒返啲喇!!!

買埋架車車俾佢仲更加清醒添喇!!kakaka

喵!

o個度間7仔入面有得影相

好似影貼紙相咁, 之後入返e-mail, 就e返俾你

好快就收到喇!

OPEN將 同 CLOSE將 

((佢地問我點知我會知呢兩隻野叫乜名, 好出奇咁=.=仲以為我老作))

OPEN將^^

之後搵間餐廳食午飯先

大爺o係咁要開盒車車黎玩,  大爺爸砌左好耐先砌好, 都幾難砌

今餐雲南菜, 味道都ok啊!

好鐘意個龍鬚菜啊~台灣啲菜特別好味既

依餐大爺都好岩食, 有佢最愛既魚, 蛋 同 白飯^^

食飽飽就去玩羊羊

 驚嚇之旅開始啦!! 嘿嘿嘿嘿~~

~~侍續~~~