Blog Blog BB gathering

630 期待己久21個BB'S GATHERING終於到喇!!


首先要多謝檬媽 & 檬爸咁努力為我地籌備,

檬爸仲辛辛苦苦抬部車車落黎俾我地啲BB玩


另外, 又要多謝幫大爺影左好多相既MAY EE ,一次叔叔, MAN CHI EE &檬爸...

好感激你地啊!!!,無左你地, 我就無咁多相打BLOG架喇!!!

我自己部手機影既全部震震狗, 無乜邊幾張見得人..


仲有, 我係其他媽媽blog度偷左啲大爺相, 多謝你地啊..哈哈


((((我好似講緊得奬感受咁)))


檬媽好細心啊, 仲準備左靚靚名牌俾每個BB

我知大爺實會蚊走張牌, 所以索性貼去後面

點知越貼越多, 一人三個身份





齊晒人, 黎張大合照先

大爺不停扭落地, 抱到我手都軟...kaka...





大爺同小檬好好兄弟




睇下, 眼神一致, 兩個唔知係度望乜呢???




基本上大爺一去到食完粥粥之後就全程痴住架車

唔肯落地, 就算落左地又要爬返入去!!


TAREBABY好開心喎!!

大爺: 快啲上黎喇, 你想去邊啊??我車你去啊...




大爺: 謙謙做乜乜啊???你唔鐘意同我一齊遊車河啊??





一見到小檬行過, 又捉左佢影相喇!!!但大爺個咀咩事呢???一字咀又發作...






大爺: 點解你唔俾我飲.....



檬爸實在影得太好喇.... 呢張我睇完都笑左好耐

點解大爺個樣可以咁....




大爺好似當左波哥係公仔咁攬到實一實, 仲要從後擁抱個種..

波哥實在太似一隻公仔咁得意喇, 大爺都抵受唔住...


媽媽抱波哥一陣你就死拉住我,

你自己攬攬波哥又得, 唔公平啊...



大爺:  媽媽啊, 呢個名牌唔係我架......



唯一一張同3KING'S合照





中途見到朗朗食通粉, 又要走去食

多謝朗朗媽, 哈哈, 大爺痴左2條食..YEAH!!!




謙謙, 就算你喊緊, EE都會抱你架...嘿嘿!!!!

我同謙謙表情幾一致




柑B媽今次第一次自己帶柑B出黎, 叻叻

咁難得緊係抱左黎影相啦,...有星星餅係手, 柑B係唔會喊架...WAKAKAKA




大爺表現取襪俾小B睇...

多謝小B請大爺食餅餅啊....





好喇, 轉場去遊戲室度俾大爺玩

佢最愛SIR滑梯

((大爺做左LITTLE BALL, 我都唔記得點解會痴左LITTLEBALL個牌係前面..))





仲有呢個, 大爺玩到好HIGH既滑梯, 開心到佢啊...



其實我仲開心過佢, 多謝MAY EE影到我咁真情流露

大爺仲笑到咁開心添...




唔知小B係咪鐘意同大爺玩呢?? 小B仲主動走去攬攬大爺

大爺艷褔不淺啊, 有靚女黎搵你...


但大爺掛住玩走鬼左去!!

一入到黎好似癲左咁不停周圍走周圍撞....真係好恐怖...

可憐我得返半條人命


中途, CREAMY EE又唱歌仔, 大爺被美妙既歌聲吸引左去

仲肯坐定定聽!!!

CREAMY EE, 大爺真係你忠實FANS黎架...



大爺: 好野好野, 唱多次唱多次...




好喇, 由於我真係攰到頂點, 仲要流晒大汗..

所以我都係抱走佢...等佢冷靜下..


返到去, 啲人走得七七八八

大爺就可以獨享架車車, 影個單人照喇!!!!


大爺: 媽媽, 啲BB去晒邊啊???




小FANS同CREAMY EE影相





兩個企定定做乜呢????



咪就係檬媽吹泡泡波時間囉...幾開心!!!仲有朗朗, 同小草B



小檬玩得幾開心, 大爺就係後面笑住睇, 又唔去捉啲波波..






咁遠黎到, 我地仲一齊食埋燒鵝先走


大爺臨走前己經扭眼瞓, 狂扭狂喊

係未試過扭得咁厲害

鬼咩, 七點起身, 中間搭車瞓左九個字就無瞓過喇

終於捱到夜晚八點, 佢真係眼瞓到極點..

最後返到屋企涼都唔肯沖, 唯有幫佢抹身, 咁就瞓左喇!!


MAY EE & 一次叔叔, 多謝你地車我地啊...!!!