租裙褂-永隆 (confirmed)

放工同阿kit一齊去上海街睇裙褂

通常人地一pair男女一齊去睇結婚d野

但我地兩次租衫都係兩個人去

好似無左個男朋友咁

 

第一站: 錦發

睇左相, 都係鐘意中五褔同小五褔

大五褔唔襯我, 太金同太銀

個sales仲推介我著小五褔, 話襯返我年紀同個樣

但我堅持要試中五褔先,

點知真係如佢所料, 著左係我身上當堂老左

拿拿淋換個小五褔試下

噢~~~good好多, 後生晒

點解會咁架???我明明見人地著得好靚架bor

 

我地試S碼, 覺得個腰位好鬆

叫佢拎件XS碼試下, 嗯! 好少少啦...

件褂又麻麻地新淨

 

問問價錢 講左一陣價

最後  佢話 兩個人租  一個$650, 另一個$600

送睡衣, 送紅傘

 

如果要頭褂就$950

最後當然唔好咁快決定, 去埋永隆先!!

 

 

第二站: 永隆

當然試返小五褔 XS碼

呢作d cutting好過錦發個件好多

仲新淨好多, 最後決定join永隆

 

((我笑容硬晒呔=.=因為隔離有2pair人欣賞緊我試衫))

 

價錢 佢一講個價錢己經平過錦發

兩個都係$600一套  咁我見佢平過錦發都無同佢講解

咁唯有R下佢睇下有乜送

佢本身一黎就話" 咁平, $600囉喎, 邊有野送架"

我當然唔放過佢 : "我上網見D人有睡衣同埋紅傘送架bor"

最後佢都屈服左, 都係送睡衣同紅傘