[[種]] 大爺第一個盆栽

話說有日同大爺經過OK,俾佢見到OK既騎呢盆栽

佢即刻好快咁話想換藍色嗰隻, 仲話好想好想換添喎!!

 經過左3次都話想換,但我絕少去7仔同ok買野既人黎

所以儲到咁多個真係有啲難度, 唯有o係fb問下朋友仔有冇印花送俾大爺

好多謝送印花俾大爺既朋友仔啊!

我地好快儲夠換到俾大爺!!愛屎你地啊~

呢隻藍色騎呢怪係叫"黃麒精", 連個名都騎呢過人XP

俾大爺一手一腳整

~~登登~~完成喇~~

((um...真係好樣衰))

第二日大爺起身, 見到未有野生出黎, 

佢就係度喊:"做咩瞓醒左都未生出黎架"

=.=!!原來佢以為好似龍貓套戲咁,圍住跳舞, 瞓醒覺第二日就會長高

終於第3日生左少少出黎, 佢好開心..發現新大陸咁!!

開頭生得好地地架!!

正正常常

其後個幾日越黎越古怪

打晒風咁

((啲人話呢隻野加左款眼鏡似大爺爸, 所以我key返款眼鏡俾佢))

又多得大家陸陸續續送印花, 我地仲可以換多4盆添啊..

不過俾左2盆虎虎度種, 屋企無位放

依家一家三口 ((好明顯我係中間盆肥野))=.=!!

大爺嗰盆己經痴晒線~

越黎越高, 越黎越瘋癲, 同大爺一樣wakakaka

但黑面個盆到呢家都未生出黎, 點解呢???

大爺好錫佢地架, 日日都要望下佢地生成點!!

希望佢地唔好咁快俾我地種死啦~