固定器

今日返醫生度拎左個固定器喇!!!

仲叫醫生幫我洗多次牙,

因為下排d牙仲有d漬!!

趁仲唔洗錢, 拿拿淋叫醫生洗乾淨晒..

 

登登登登

呢個就係固定器喇!

淨係夜晚訓覺先要戴

 

 

返到屋企先下自己戴,

試左好耐先戴到!!!

上排真係好緊,

比之前箍緊牙d箍仲要緊!!

下排好d, 一帶就入!!

 

嘩!!!戴左真係講野好困難,

d口水好難吞, 講野仲痴晒脷根=.=

戴住呢舊野訓唔訓得著覺架???????

今晚試下先!!!

 

下次一個月1月4日後又見醫生, check下d牙!!!

 

大件事-剛剛拆左喇!!

本來26號覆診,

不過姑娘打黎話醫生唔得閒, 要改25號

結果就提早左一日喇!!!

臨收線好似聽到姑娘話幫我拆線

但聽得唔清楚,

所以呢兩日都好期待~~

究竟今日拆得未呢???

 

終於等到放工返工見醫生喇!!!

~~登登登登~~WOW HO HO~~

**太耐無E起棚牙笑, 個咀笑起上黎有D生硬**

WAKAKAKA!!!笑得幾騎呢....等我呢家開始笑返多D先!!!

 

講下個拆粒粒過程先

一坐低醫生檢查左, 就同我講 "拆架喇"

我應佢 " 嗯" ((緊張中))

然後醫生就動工喇

夾晒D橡根, 鐵線出黎, 再拎個鉗"蚊"D粒粒出黎

嘩...呢個過程非常恐怖, 幾驚佢"蚊"埋我D牙出黎!!

其實都痛架, 我覺得係整過箍牙過程中最恐怖=.=

然後拎個磨鑽, 磨返走D膠水!

搞掂晒, 就洗埋牙!!倒埋牙模..

一星期後返去拎返個固定器~

淨係夜晚戴既!!

希望呢一星期D牙唔好移位啦!!

 

返到屋企, 發現牙仲有d漬,

下次返去叫醫生洗乾淨d先!!

 

WAKAKAKAKA!!!真係太開心喇!!

第一時間上黎同大家分享呢個喜悅~~

上箍後二十一個月

今日覆診

一入到去己經同醫生講門牙中間多左條少"la"

 

今次醫生幫我箍得好實,

醫生話下次黎應該會埋晒架喇d "la"

今次隔三星期後再覆診

快左喎, 平時四個星期架嘛~~

即係11月26就又可以見到醫生喇!!!

 

返到屋企, 照下, 中間條"la"己經無左lu.....

隔幾日再post d相上黎

睇下有冇進展先!!!

 

我諗X'MAS前拆應該無問題掛~

 

最新進展

最新進展

襯假期update下先!!!

o係屋企無聊丫嘛, 唔係有乜做bor

 

自從上次醫生話我x'mas前可以拆,

我日日都起勢咁照鏡,

睇下d牙有冇郁到真係緊張

 

其實我好懷疑x'mas前係咪拆得??

因為右邊呢條"la"位點解開左小小既???

點解????真係擔心!!

醫生, 你唔好要我一場歡喜一場空bor!!

 

仲有, 上次覆診完,

點解中間出現左條"la"架????

明明之前都無架~~

雖然要將塊鏡隊到好理先見到呢條"la"

((其實好好好細條"la"))

但係都唔係咁好啦!!!

 

下次覆診提下醫生先得!!!

 

近排成日發夢都同d牙有關,

唔通我太緊張???

尋晚先夢見自己咬崩左隻牙=.=

真係恐怖!!!!

 

下次覆診: 11月九日

**************************************************

題外話:

今個月頭哥哥拆左喇!!!

拆完之後成鬼日經過d有鏡既地方, 都E起棚牙笑=.=

唔知以為佢癲癲地, 精神有問題!!

 

同埋見到佢個固定器((for夜晚訓覺戴))

噢!!終於見到個固定器....

唔知你地有冇見過??定我大鄉理未見過呢??

使唔使我拎黎影張相俾你地睇???

 

 

 

 

上箍後二十個月

頭先放工去完覆診

真係急不及待要上黎報喜

WAKAKAKAKAKA!!!

 

 

今日醫生照平時咁換橡根, 加力

臨走我問醫生

我: 醫生...我仲有幾耐丫??

醫生:  就快架喇....

我:  就快, 即係幾耐度丫???

醫生:  下次返黎可以拆得, 如果唔得, 再下下一次都拆得架喇...

我:  係丫......((不其然咀角陰陰笑))

醫生:  係丫...即係X'MAS前一定拆得架喇!!!你快過你哥哥好多...

我:  真係架.......係就好喇..哈哈哈!!

 

一出左診所我就自己係度笑...

真係好開心....

真係天大既好消息!!

 

 

**過幾日又影下D牙既進展POST出黎**

 

夢

箍左牙之後

成日都會發夢甩牙

你地有冇????

 

下個星期就覆診喇~

醫生醫生~我日日都好掛住你架!!!

四個星期先覆一次診太耐喇=.=

 

到時覆完診又可以影下我既最新進展喇!!

 

 

箍牙最新進展

最近進展

覆診後數天

哈~終於得閒影相post出黎喇!!

***************************************************

圖: 左面

條"拉"差不多埋晒喇^^

 

圖: 右面

之前咪話左面拉埋左, 右面又開左既,

今次經醫生拉一拉, 埋返好多好多喇!!

我諗住有0.01mm掛!!

 

中間四隻大家留意下,

上次己經無用橡根喇, 改左用鐵線撓

應該係用黎固定既!

 

而下排幾個月之前己經用左鐵線撓完固定左

呢家只係用返橡根!!!

 

牙仔丫~牙仔丫~你繼續郁快d啦^^鍚晒你!!

 

 

每次覆診都好想問醫生,

其實條有幾耐???

但每次都無問到=.=

 

上箍後十九個月

今朝"巨爵"仲未走, 真係難得!!

終於有個風係office hour掛~

返到去hea多三個字就食飯喇!

 

放工等村巴差d被雨淋死

仲要塞車=.=趕住去覆診架嘛!

 

******************************************************

今日覆診

都係例牌換橡根

今次比前幾次拉得緊左

前面門牙都幾"淵"下

好耐都無淵過喇!!

 

**隔幾日影返張相, 再上黎update下丫!!**

通常過兩,三日先會郁~~

 

下次覆診都係4星期後, 12 OCT!!

今日己經交晒箍牙錢喇!

下次開始唔使俾錢lu~

拉橡根

上次講上下加個勾

再拉條橡根仔, 如下圖:

 

今日得閒, 搵返包橡根出黎

個包裝面幾cute, 有隻fox~~

橡根好細個, 好有彈力

一定唔會斷!!!!!

 

每日換一條

一包夠一個月用架喇!!

我通常夜晚同朝早都會換橡根

 

我覺得訓覺既時候d牙郁得特別快,

一起身d牙有好緊的感覺!!

 

最新進展

 

今日影左張最update既相

 

下圖: 左邊牙

上次咪話仲有條"la"仔未埋得晒..

呢家埋左好多lu!!!

真係郁得好快!!!

唔好咁開心住...

 

一邊埋左, 另一邊就開左..=.=

下圖: 右邊牙

好彩條" la"唔係好大條

唔知仲有幾多個月先拆得呢????

 

醫生醫生~~好掛住你!!!

可唔可以密d覆診架???

 

 

上箍後十七個月

再update下我既箍牙進度

今篇係最新..- 即現在進行式喇!!

****************************************************

上兩個月開始唔使再拉橡根喇,

呢家淨返一條"拉"仔未埋...如下圖:

張相上個月影,

呢家條"拉"差不多埋晒添喇!!

但因為懶..所以無影張最update既相~

呢幾日要影低佢先得^^

 

醫生話只要d"拉"埋晒就ok架喇!!

快d快d快d!

唔知今年內拆得未呢???

15號覆診問下醫生先!!!!

 

呢家諗定一拆左個死人箍去邊度慶祝好先wakakaka!!

 

上箍後十二個月

上箍後十二個月,

醫生幫我上下加左個勾

用黎拉橡根的, 如下圖:

醫生俾左一包橡根我, 叫我每日換一條

食野時可以除下!!!

不過我因為懶, 帶住照食....

結果有一,兩次吞埋條橡根落肚

 

拉了橡根, d牙"la" 好似郁得快左,

朝早起身d牙特別緊~

 

 

上箍後八個月

又係打我既箍牙故事

其實全部都o係舊blog copy 過黎...再加返d相!!!

搵返d相出黎, 發現呢一年影相都無E起棚牙

想搵張見到牙既相都難!!

********************************************************

上箍後第七個月喇!!

時間其實過得真係快..

d牙都算郁得幾快,

上下排每邊都加左個彈弓喇!!

加左彈弓d牙好似郁得仲快bor~

 

下圖: d牙入左, 個咀無再好似含住泡野咁喇!!

 

唔知係咪因為箍左牙, 出街都特別留意人地d牙

點解條解好似多左人箍牙咁?????

係咪潮流興丫?????~~

真係日日都會撞到!!好似見到自己d族人咁!

好親切

所以呢家其實唔怕俾人笑, 而擔心箍唔箍牙

其實真係好平常咋嘛~~

 

 

大家一齊加油, 變靚d..

 

 

上箍後六個月-凹面

又係繼續我既箍牙故事喇

***********************************************

上箍後六個月

每次覆診都係換線同換橡根~~

d牙真係郁得好快....

勁丫!!!郁快d郁快d~~~~

每次換完覆完診d牙開始又勁痛...........

連麵包都食唔到!!一咬野就痛!!!

通常都係過兩日就會唔痛架喇...

但痛得黎我又好開心.......痛即係拉埋緊啦..呵呵!!!

 

經過呢六個月, 有一件事不得不提....

公司仲未有人發現我箍左牙!!

真係要俾"十個叻"自己~~

但佢地就問我做乜瘦左...係咪減肥添~~~

不過講真......我塊面真係凹左好多...

瘦得有小小唔健康o個隻,

真係樣衰~~~

 

左圖: 上箍前   VS    右圖: 上箍後

拎返以前D相出黎真係自己都驚嘆!!

做乜以前咁鬼肉酸, 嘩嘩嘩!!

以前包包方角面, 呢家無晒個包包, 仲無埋個方角

我懷疑係因為我四隻智慧齒搞到我以前有方角面架!!

脫晒四隻智慧齒後個方角真係無左.....

 

 

上箍後三個月

又繼續我箍牙故事, 哈哈!!

一次過講返晒之前既事真係有D吃力

但係箍牙係我人生既大事黎,

所以點都要記錄返喎!

****************************************

上箍後三個月都換左線三次喇((每個月覆診一次))

每次條鋼線都會一次比一次粗少少!!

總括黎講乜都習慣晒喇.......食乜都食到,

除左咖哩, 呢個真係大忌黎架!!

 

經過呢三個月,

我覺得d牙入左少少啦........

有隻牙郁到有條"la"出黎~~~

咁算唔算郁得快呢??????????????

 

仲有仲有~~~

上箍後, 日日見既同事一直都未發現

淨係有d同事問我

"做塊面瘦左.??, "你係咪瘦左???", "你係咪有病??"...等等...

呵呵!!!真開心~~~我好鐘意人地讚我瘦架.

WAKAKAKAKAKAKA!!

 

絕密相曝光

好爆爆爆既相

有晚食完朱古力, d線即刻痴住晒d朱古力

d牙黑卒卒架

~樣衰到無人有~

 

下圖: 我&哥哥..

WAKAKAKAKA..兩個都係箍牙一族

其實上左箍遠睇都唔係好覺眼

 

~待續~

上箍

隔左一星期去覆診

終於上左cool喇!!!期待左好耐

個過程時間唔使用好耐.

首先痴左個介子o係四隻大牙度,

再痴埋d透明膠粒.

然後就上線喇!!!

大功告成~~~呢個醫生好快手..又好手勢..good!!

一d都唔覺痛!!!

 

醫生俾塊鏡我照下

一睇" um........=.=....一時間未接受!!!!!!"

合埋口都有野阻住左咁

醫生話四個星期返去覆診一次

 

上完仲返屋企打邊爐,

食到野又唔痛喎!!!

 

食飽到九點幾食生果,

想咬apple既時候...開始黎料

咬黎咬去都咬唔到.......仲好痛添!!!結果成個apple掉鬼左!!!!!!

夜晚痛到起身要食止痛藥~~~

呢d痛我會忍到架.......為左第時靚!!!值得架~~~

 

之後一個星期都食唔到硬野...........

不過, 過左一個星期後就唔痛lu!!

*********************************************

**每次去覆完診換左線..都會痛兩,三日!!

其餘時間都唔會痛!!

只係前排牙用唔到力.........要用兩邊d大牙咬野......

 

 

藍色膠圈

續上

**要勤d update個箍牙blog先得喇, 要追返上我呢家既進度**

實在太想打我呢家既進度, 但次序又會亂左,

都係跟返次序好d!!!

---------------------------------------------------------------------------------

 

 每星期脫2隻牙, 四個星期後

醫生就幫我zip d藍色膠圈o係大牙兩邊,

上下排都要zip, 要zip條小空隙出黎,

方便第時夠位將個鐵介指套落去!!

 

zip完都覺得無乜野,唔痛

仲去左食雞粥!

點知過左一晚, d牙好鬼軟..........好唔舒服架.......

食野都要小心d..

一咬到落去d牙肉就好痛~

 

醫生話要zip一個星期返去就可以上介指同埋上箍喇~~

 

zip到第二日,有一粒膠俾我咬左出黎.....

打去問醫生.....

醫生話唔使理佢..佢走左出黎代表我條la夠位喇~~

咁都安心d..

 

~待續~

脫牙

~續上~

到第二日即刻拎返張x-光片俾醫生,

醫生仲問我依家有心理準備脫牙未

我即刻: "~~~~~~~~下!!!!!!好驚喎~~~"

諗再一陣..都係隔多幾日先

 

BK左隔幾日先再返去脫

今次先脫左邊上排兩隻,

打麻醉針......每隻附近要打一次!!!

即係總共兩支~=.=呢兩支針都痛架!!

打完叫我出去坐一陣等佢散出黎........

坐左陣己經麻痺左喇...........D牙肉腫腫地...

D肉腫起左一舊, 吞口水都有困難添~~

到脫牙...淨係feel到真係拔緊出黎.....一d痛都無..

.好古怪既感覺又好緊張喎!!!!!

我隻智慧齒可能太大隻..醫生"蚊"左好耐~~~出晒力咁~~

拔完, 塞左d紗布o係兩個窿度......

30分鐘後止血!!!!

嘩~~~d紗布塞到頂住我喉嚨....搞到我成搞日想嘔~~~

 

之後每隔一個星期就拔兩隻....

 

呢隻就係蛀左既智慧齒,

見到呢隻蛀牙, 即刻覺得我脫晒四隻智慧齒係正確既決定

WAKAKAKAKAKA!! 出面脫一隻都千幾蚊啦....

呢家包埋即刻覺得賺左!!

 

~待續~

見醫生+照x光

哥哥好厲害, 比我更快決定, 還己經去了見醫生

那醫生也是他朋友介紹

在一個屋邨內的

 

但我始終諗住等到哥哥上箍看看個效果

噢!!!!其實望落真係唔肉酸...淨係見到條線..........

比平時全部鋼的好看好多

所以我都決定去見見醫生了!!

 

這個決定可以話係我一生中最大決定

因為由我話箍牙...其實都無乜人支持我

個個都話唔覺我哨牙...又話我sei錢....又話會好痛..又話要幾年架喎.....

不過我為左結婚做個靚新娘....我就下了呢個決定喇!!

幸好男朋友後來也好支持我!!!

 

2007年的十一月尾我就去了見牙醫

跟哥哥一樣, $28000全包

但我要脫8隻牙

嗱!!本身係脫4隻,但後尾點解又要脫8隻呢????

 

答案:

因為醫生建議我脫埋個四隻智慧齒,

智慧齒其實放o係度無用的, 加上我四隻都有少少蛀左

呢四隻遲早都會脫的....所以醫生覺得橫點都係一次過k.o左佢

 

最重要既係: 脫 8 隻和脫4隻都係一樣價錢~(($28000全包))

**出面如果脫一隻大牙都成千幾蚊啦.**

好!!!!!!!!!!!!!!!橫掂唔使加錢......脫鬼埋佢一了百了~~

 

等我確認無問題,醫生就幫我倒模.......

俾左$6000訂, 第二日要去佐敦埋照x-光!!

照完等一陣就拎得

一打開睇

嘩!!!!!!!!!!!!!!!!!!!!!!!!!!!!

嗱!!都話哨架啦~d牙血晒出生架!!

呢張無乜特別, 好明顯有隻牙"杜"過牙根..