健康院歲半針

30 SEP 2013

今日patpat痕請左假, 同大爺去打針XD

之前三次我都無份去, 最後一次去健康院又想陪下大爺去

出奇地今日好少人, 仲好快搞掂走得!!

嘻!呢個小朋友未知驚, 仲好開心周圍走黎走去..

招牌笑 ((一問佢, 點樣笑架?? 佢就會EEEEEEE))

我不停同佢講, 打針針好無啊? 佢話"好啊"

之前幾日成日同佢玩扮醫生病人

我同佢打針針, 佢又同我打針針

可能佢以為今日又係扮打針XD

磅重: 大爺重10KGS

等見姑娘

一入到去, 姑娘就話"哦...原來係你, 頭先係出面走黎走去個個"@@

姑娘建議:

1) 要開始戒奶, 順便戒奶樽, 改用杯,可以飲鮮奶+包/生果代替

第二日即試, 失敗!!!!

俾學習杯飲, 飲左幾啖唔肯飲, 仲拖住我入廚房拎返奶樽黎飲

夜晚瞓覺, 諗住佢唔講就唔俾奶奶佢飲

不過我都估到佢一瞓落床就嗌"奶奶"架喇!!又失敗左喇!!

其實, 好難戒到奶喎, 大爺慣左朝早起身 同 瞓覺前都飲飲

算!!順其自然~~

2) 叠積木

平時O係屋企叫叠, 佢都唔肯叠

姑娘一叫佢叠, 佢又叠到晒喎=.=!!!

3) 說話 - 起碼可以自己講到十組字表達想要既野, 而唔係跟大人口水尾講

姑娘唔使考己經俾佢PASS

因為姑娘收埋啲積木, 大爺想繼續玩

佢就係咁同姑娘講"多謝" , "要啊", "叠高高"....

姑娘問佢, 一陣打針喎, 好無?? 大爺話"好喎"XD

4) 眼耳口鼻

識

5)有無同公仔玩, 扮餵公仔飲下水, 食下野咁

有,仲好鐘意扮添, 又要我扮埋公仔聲添=.=!!

之後都唔係好記得姑娘講乜添..因為大爺嘈嘈貢

連姑娘都叫佢等陣先, 唔好嘈住..wakakaka

下一次就係四歲再返健康院CHECK眼喇!!!

打針, 一支, 打手臂

姑娘手起針落, 好快打完, 大爺都未黎得切反應

起身出去先知痛, 喊左幾聲

陰功豬!!個樣幾可憐...

大爺爸用棉花禁住佢手臂

佢以為舊棉花整痛佢, 起勢咁MET爛舊棉花...WAKAKAKA

打完針幾得戚

時間尚早, 可以出旺角拎返之前訂既士的車

斑點狗士的車!!大爺好鐘意坐..