27 NOV 2013
同大爺爸拍拖14週年
今年拍拖週年無乜特別慶祝
只係求求其係屋企打個邊爐仔算喇!!
等結婚週年先食大佢...
大爺都好合作, 一早瞓左, 我地倆口子可以安安樂樂地慢慢打
自從生左大爺之後, 都冷落左大爺爸好耐~
真係對唔住, 我個心分左一大半俾大爺
不過我呢家開始要公平啲, 兩個都咁錫, 兩個都咁愛先得!!!
講下大爺爸, 佢好錫大爺,我亦都知佢好錫我
大爺爸好乖仔, 屋企上上下下既家務都係佢做
連幫大爺沖涼既都係佢
um, 其實我都唔好意思, 所以搵樣家務做下
就係洗奶樽..WAKAKAKAKA
大爺爸放假, 佢要湊大爺, 等公公放假
即係佢自己都無假放, 無得瞓耐啲
為左報答佢, 佢想同啲好友踩單車, 篤波, 食飯, 踢波
我都會係咁叫佢去玩, 等佢平衡下啲心理啊嘛XD
出去同啲老友傾訴下, 我老婆屋企唔做家務, 成日係度HEA
有個地方發洩下嘛...HAHA
好喇!!黎緊2014年開始, 大爺爸同大爺兩個我都會咁愛你地架!!
唔會咁偏心架喇!!
嘩..14週年, 勁呀!!
回覆刪除祝你一家三口日日都咁開心, 咁sweet sweet~
多謝AMY~
刪除大爺爸做晒D 家務, 好羨慕呀... 佢真係好錫你呢~
回覆刪除因為佢平時放四點, 大爺又係公公度, 所以佢襯個段時間做晒啲家務佢...XD
刪除14周年﹗﹗﹗你哋睇來係青梅竹馬來喎﹗﹗﹗
回覆刪除祝你哋一家繼續sweet sweet同keep住咁型格呀﹗
多謝IVY, 無錯啊, 我地青梅竹馬, 我同大爺爸中二己經相識喇...哈哈~~
刪除哈哈哈好搞鬼呀～原來你唔使做家務實在太幸福喇～祝福你地繼續甜蜜快樂😘
回覆刪除多謝CINDY~
刪除其實大爺爸都有怨言架, 不過我扮聽唔到咋..WAKAKAKA...
嘩, 大爺爸真係好好呀, 好羨慕你呀大爺媽~!
回覆刪除好彩爸唔睇我個BLOG, 如果睇到一定話我唔做家務仲大大聲講俾人知...HAHAHA
刪除嘩，好勁呀，14週年，祝你地繼續恩愛，甜蜜蜜^^
回覆刪除多謝晒啊~~~~
刪除嘩，14週年，睇大爺爸同大爺媽都仲係咁sweet咁恩愛，大爺爸仲肯幫手做家務，真係抵讚呀～
回覆刪除等我話俾佢知好多人讚佢, 等佢繼續加把勁做家務先~~~~HAHA
刪除勁呀, 已經拍拖14年啦~~~ Keep sweet !!
回覆刪除多謝珊珊~~~~^3^
刪除大爺爸真係好好呀！我老公係唔會一個人湊b架！
回覆刪除因為大爺爸無得選擇XD
刪除你老公應該都可以架, 呢啲野迫出黎~~~^^
如果屋企無工人, 都迫住自己一手一腳搞掂晒佢