大爺21個月喇!!

21 DEC 2013

大爺21個月喇!!!

~越大越似大爺媽, 好識HEA, 又好識嘆~

唔知係邊度學返黎~蹺腳~, 連飲奶都要嘆住電視蹺住飲

((我一路係佢面前左影右影, 佢都無望我一眼))

張搖搖椅無用一輪, 拎返出黎, 佢又好鐘意坐

仲坐到大班椅咁, 睇佢個樣坐得好舒服,

仲自己走去開個震震制, 震住黎睇TV=.=!!

之前最令我頭痕既事, 大爺今個月克服左

第一件事, 怕吉吉野既佢終於肯刷牙喇!!!YEAH!!!

我未加牙膏俾佢刷, 只係用清水

我會幫佢刷乾淨, 然後就俾佢自己慢慢刷

等佢慣左再俾牙膏佢

第二件事, 終於肯食藥

今個月大爺發完燒又傷風, 食藥不嬲大爺都非常抗拒,

基本上次次餵襯佢都bububub, bu晒出黎, 扭黎扭去

係咪過左20個月大個仔左????今次乖乖肯啜晒啲藥

唔使我同大爺爸夾住佢瞓底黎食

不過有樣野退步左

呢排天氣一轉凍, 佢poo poo完先同我地講!!

好耐無同佢抹poo poo, 真係石油氣咁臭T__T

食方面: 今個月有啲啲改變喇!!

1奶3固, 夜晚臨瞓前戒左飲奶奶

見佢晚飯食到個肚實在太脹,佢又無嗌要飲奶,所以無沖俾佢飲

講野方面: 依然咁多野講, 

講野浪過油..好識講讚美既說話, 氹死人

((好靚啊, 好正啊, 好勁啊, 好西厲啊, 好味啊))

佢又識主動同人講"唔該晒", "唔該借借","多謝晒"

講野成個大人仔咁...XD

**希望唔好咁快識駁我咀**