再戰沙灘@黃金海岸

上個星期又帶左大爺去沙灘喇!!

今次去左黃金海岸

不過下次都係唔去呢個沙灘, 水底啲沙勁吉腳

下午餵飽左大爺就出發

黎到又係要WARM UP一下, 佢真係好怕吉腳

全程都要著拖鞋

成日"筆"啲沙請人食!!

兩父子

一個掛住曬, 一個掛住玩

我就掛住HEA!!哈哈!!

睇下佢地兩父子幾溫馨

一齊出去裝水

幾興奮既大爺

大爺爸拎水搶射佢, 佢又驚, 又好開心, 又要避, 又想玩

佢心情都幾複雜

好喇好喇, 俾佢射下水水先...

今日勁曬啊...幫大爺厚搽左啲防曬

成日都要行落水...自己裝水

大爺爸幫佢拎, 佢死都要自己拎返...

結果未行到返去啲水己經無左一半!!!

大爺比較鐘意落水玩, 一半時間都要大爺爸陪佢出海

浸到巢晒皮都唔願上水

休息下, 食個包, 飲下汁汁先.... 買左3個迷李腸仔包

大爺最愛食腸仔!!!

由2點玩到5點, 臨尾同佢講要走喇, 返屋企喇!

佢不停擰頭, 唔肯走!!!睇黎佢愛上左沙灘~~

本來諗住俾佢玩左陣, 但佢踎踎下無端端定晒格

望住我話"唔唔"...當堂滴晒汗, 我邊度俾佢"唔唔"好呢???

結果, 我叫佢痾係片片度算!!!

痾完仲扮無事係度玩沙..=.=!!!

實在太臭, 好似石油氣咁臭, 唔走唔得...

沖完涼, 爽晒!!!幾得戚~

叫佢笑...佢都會一路笑一到講"EEEEEEEEEEEEEE"XD