大爺20個月喇

21 NOV 2013

大爺20個月喇!!

~~話咁快2字頭喇~~

大爺呢個月講野又叻左, 講到短句喇!! 

((佢呢家無野叻, 最叻講野XD))

佢識表達到自己既心情,

識話我地知佢想乜做乜, 己經無再聽到佢講外星語

聽佢講野真係好搞笑, 原來佢己經暗地裏識講某啲野

爆趣語錄: 

沖完涼, 瞓左o係床抹身, 佢一款hea樣講"好舒服啊"

有次佢睇電視見到啲好笑野就同我講"喱個..好搞笑啊"

暗佢瞓覺佢會叫我"媽媽一齊啊, 拖住"

有時唔要大爺爸, 就會話" dad dad 走啊, 唔要dad dad,bye bye"<--我暗爽中

有次問佢叫咩名, 我話莊咩啊, 佢"莊沚軒...唔係莊大爺"<--但平時我無乜叫佢大爺

日日聽住佢講野, 心情都靚啲..真係氹得我地一家好開心

BB記性好好, 大爺都唔例外, 講左一次既佢己經記得

不過大爺鐘意記啲唔等使野 (即係第時學校唔考既野)

形狀, 顏色, ABC, 佢無興趣去記=.=!!!

睇黎大爺唔係讀書既材料XD

食方面: 無乜特别, 個個月都差不多咁

瞓方面: 唔使暗佢, 我只要瞓佢隔離, 佢自己會瞓著

有時佢想瞓, 會話我地知好眼瞓, 然後一枝箭衝入房上床瞓

POO POO方面: 之前同我地講"唔唔", 我地拖佢去廁所,

 呢家佢會主動走黎拖返我地去廁所話要"唔唔"

仲學我地講"等等, 唔好住"WAKAKAKA..

啊, 仲有, 20M呢個月我終於同大爺報左PG上喇!

不過搵左間o係屋企附近, 又有星期六下午既黎上~

因為星期日通常有街街去嘛!!

佢上完一堂, 個晚就不停話"返學學啊, 老師唱歌歌 , 玩遊戲"

我問佢鐘唔鐘意 佢話" 好鐘意啊"

但返左兩堂, 隔一日大爺就發燒,

今個星期仲發埋高燒, 燒左3日..呢家都仲未好

唔知關唔關上pg事..

襯佢2字頭同佢去公園影下相

UM......我家大爺真係好爆...失禮晒HAHA!!

佢啲褸真係好抵著, 今年又岩著喇, 不過有少少短.

講真, 我今年真係少左買衫俾大爺!!((暫時))

HI!咁多位靚姨姨, 靚姐姐, 早晨!!

媽媽, 你影夠未啊??

真係好悶啊...我要走啊..

你唔俾我走, 我嗌架!!!

大爺最愛"喱"埋..

佢所謂既"喱"埋, 係會俾人見到既..KAKAK

~~~"哦"~~"咋"~~~

莊大爺...."到"

平時大爺成日都有呢個古惑樣出黎 ((似晒大爺爸))

好正經既一張, 靚唔靚仔??? 

正經唔夠一陣, 就開似唔正常喇!!