大爺一直各樣既自理能力進展都唔錯
係食飯呢方面差啲, 佢無心機自己食
無心機食我諗都有原因既, 公公嫲嫲都係煮粥俾佢食
日日黎黎去去都係個啲餸
其實佢地都想煮其他, 但大爺對粉麵類無乜興趣
食幾啖就唔食, 反而粥就一大碗都食得晒..
不過大爺最愛唔係係粥, 係白飯XDD飯筒一名
夜晚佢食完自己碗粥又過黎跟我地食飯
平時叫佢自己, 食3分1左右開始玩野, 不停係度搞個碗
最後都係餵佢食!!!
今日lunch拎左對筷子俾佢用, 諗住都兩歲學下ja筷子
啊......呢隻野有左對筷子不停係度夾餸食
仲同我講:"媽媽啊, 筷子好好玩啊"
((暈)) 即係平時用匙羹佢覺得唔好玩??
最後食淨幾啖, 不過己經好叻仔!!
到晚餐又試下俾佢夾, 嗯...佢都不停夾...
唔知幾時夾厭左覺得唔好玩呢??
我都想訓練田鼠b快啲學識用筷子, 唔洗我地拎住把較剪成日剪剪剪.
回覆刪除佢同大爺相反, 超鍾意食麵麵!
呢啲學習筷子都幾易用, 田鼠b學識左可以同你地一齊夾餸食飯..
刪除我都想大爺鐘意食粉麵類啊, 多個選擇嘛, 呢家連我都煮到悶..XDDD
大爺叻叻~ 識得用筷子~
回覆刪除晉粉麵飯都啱~ 哈哈~ 粥反而大左唔食, D飯有時多左水, 爛左D, 就食好少~
晉對筷子都好有興趣呀~ 成日爭我果對~ 不過我又覺得佢太細, 未係時候比佢同~
咁晉豬like啲有趙口既食物, 唔鐘意淋patpat個啲...
刪除遲啲晉晉兩歲後可以試下俾筷子佢...呢啲學習筷子都幾易上手...
大爺食無乜要求架, 粥粥可以快吞落肚佢仲like食, 拿拿淋吞晒落肚可以去玩..哈哈!
呢家佢對筷子有興趣會坐定定夾餸食飯, 不過唔知幾時玩厭XP
哈哈...原來用筷子都可以當係玩嘅一種, 睇黎大爺真係超級爛玩啵~
回覆刪除XD
大爺的確好爛玩架...HAHAHAHAHA
刪除大爺碗飯好大呀, 食得哂?
回覆刪除呢碗食淨幾啖啦........大爺食粥/飯可以食一大碗架..HAHAHA, 但唔知點解唔長肉..
刪除叻仔呀，夾得似模似樣呀~
回覆刪除係啊..似模似樣, 連粟米咁細粒佢都逐粒逐粒夾~~
刪除玩厭左筷子可以玩刀叉~ XD
回覆刪除我仔都好鍾意用筷子呀, 見大人用佢又要用...
係啦, 我諗佢地見大人用得多, 呢家有對筷子係自己既就鐘意左用
刪除我見到你FB條片, 佢仲勁過大爺啦, 用大人筷子都夾到, 叻仔!!
好叻仔呀~!!!!!!!!!!重點係食得晒, 唔駛煩!
回覆刪除多謝banna ee^3^
刪除keep住咁食我就唔使煩啦, 唔知佢會唔會三分鐘熱度....
小小年紀用筷子, 實在太太太太太太勁喇
回覆刪除我大仔四歲人都仲係控制得一般架咋....
大爺貪玩啊, 佢有興趣既野先有心機學..
刪除大爺叻仔~
回覆刪除最鐘意d小朋友食多d野架啦......hahahha~
多謝!!!^^
刪除小朋友食多啲肥啲健康啲得意啲..XDDD
可能自己拎筷子可以好似大人咁食野呀~ 好叻叻呀
回覆刪除嗯, 係啊, 佢成日要學大人架, 好搞笑....
刪除