爆趣事一則
話說有次趕住出街, 入房拎返個bra bra背住大爺就諗住帶返
(諗住大爺睇緊電視唔會望我架嘛)
點知俾大爺望到, 佢就好好奇問"媽媽, 你呢個咩黎架?"
由於我趕時間, 求其拋下一句"bra bra黎架",然後拿拿淋換埋衫就走
點知有次搭巴士抱住佢坐
佢竟然眾目睽睽下拍住我個胸講"bra bra bra bra,媽媽呢度有bra bra啊??"
我即刻細細聲stop佢話"唔可以咁架 !"
但我真係覺得好爆趣, 我stop完佢自己都忍唔住笑...XDDD
見佢個勢好似仲想問野咁, 即刻封住佢個咀, 同佢講巴士唔可以咁大聲講野架
我諗有啲乘客望住我地, 好彩o個次好快落車 ><尷尬死
跟住有次抱住佢, 佢唔覺意甩到條帶既物體
佢又問"媽媽呢個bra bra黎架, bra bra bra bra"
一路拍一路天真咁o係度笑
唔通佢覺得bra bra好有趣???
我答佢:"係啊, 媽媽要帶架, 但軒軒你唔掂得架, 男仔唔可以架,知唔知?"
大爺: "知!!!男仔唔掂得既"
為左停止佢啲好奇心, 呢家換衫都一定閂房門
等佢慢慢淡忘媽媽呢度有bra bra啦.. 唔好再o係公眾地方問我呢啲野啦
好彩佢淨係問我一個, 無乜其他人, 唔係真係尷尬死人..><
睇完我都笑左, 果然係爆趣.
回覆刪除係巴士上咁問, 大爺確實攪到媽媽好尷尬, 哈哈哈哈
佢仲用好輕快既語調黎講" bra bra bra bra"..><
刪除好爆笑喎。。。小朋友開始大，我都唔好意思喺佢面前換衫，我驚嚇親佢。哈哈
回覆刪除wakakaka...你咩嚇親佢先??XDDDDDDDDDDDD
刪除呢家有時佢死都要痴住我入房, 我會叫佢擰轉面先...
等佢有意識人地換衫係唔可以望
大爺有冇彈你bra 帶呀~ 哈哈~
回覆刪除我地晚晚放工返到去, 晉會陪我地一齊入房換返家居服架, 每次一除衫, 晉就會指住我地話"Dirty 呀"~ wakakaka~ 不過好多時我都會背住佢既~ 遲D可能真係要迴避下啦~
仲未識彈WAKAKAKA......佢應該唔知bra bra有彈性..XDDDD
刪除晉晉好搞笑, 話你地dirty....
囡囡冇呢個煩惱，哈哈~~~
回覆刪除芊芊陣係會拎住我個bra學我咁戴係佢自己度 XD
XDDDD...芊芊帶埋落自己度添, 咁搞笑...
刪除芊芊第時大個女先帶啦..HAHA
我真係好鐘意大爺～ 實在太天真可愛喇～ 哈哈
回覆刪除小朋友真係好天真無邪, 笑死我!!哈哈~~
刪除大爺真係好爆趣，雖然確係好尷尬，但EE都要畀個like你﹗
回覆刪除小朋友越大越有好奇心，我家陣換衫都盡量迴避，因為燒腩仔都會眼甘甘咁望到實，搞到我勁尷尬
始終佢地係男仔, 大個仔啦, 我地都要迴避下好啲...
刪除不過佢地啲好奇心真係好勁, 每事問....有時問到我都唔知點答好...
我都笑左出黎，真係爆趣呀，雖然果下好似好尷尬，但真係好好笑 XD
回覆刪除證明大爺已經大個仔，懂事啦 :)
真係好好笑, 所以一定要打BLOG記低佢.....XDDDD
刪除有次我背住個仔換佢話係"安全帶" =="
回覆刪除最近重會無啦啦抆開我衫領睇 (救命~)
WAKAKAKAKA..咁搞笑...好好想象力
刪除佢肯定想拉開你衫領拎返條安全帶出黎自己駁好啦...XDDDDDDDD
星期日我問下大爺先... keke...
回覆刪除吓~~~~~~~~~唔好喇掛!!!!XP
刪除經過事件, 你下次搭巴士有無得免費呀?
回覆刪除點解啊???
刪除哈哈，大爺真係好醒目，大人真係做咩都要小心啲！
回覆刪除係啊, 我都估唔到佢真係記住, 下次我都要小心啲先得~~~
刪除wakakakakak
回覆刪除真係好爆趣呀~~~~~~~~~~~~~~~~~~~~~~~~~~~~~~
可能男仔對brabra有興趣啲。潼潼就會扮帶住，haha
回覆刪除咁攪笑
回覆刪除哈哈~真係好搞笑~Yin B有次見到我個Bra係咁拎黎fing黎fing去..
回覆刪除佢老豆仲搞佢帶~真係俾佢激死~好在Yin B都未知咩事..
btw~不過我換衫都係會關埋門換..始終Yin B都唔係BB仔嘛~