[[BIG Yeah]] 29個月- 管家仔

21 AUG 2014 

29個月大啦!!!!

話咁快下個月兩歲半啦~點解啲時間過得咁快??

言行方面: 

呢個老積仔大爺今個月做左管家仔

成日係度扮大人講道理, 佢又講得好好架喎, 有文有路

問佢點解, 佢又識答"因為xxxx" 解釋得到俾你知

有時我扮無知, 扮唔識叫佢教我啲野, 

佢又好有心機教我"首先你要咁既, 然後你就要xxxx"

真係覺得好搞笑..好鐘意扮無知同佢傾計..XDDD

 

 有次去7仔買TicTac糖, 佢自己搵到拎去收銀度

呢個時候大爺爸又拎起左包熊仔糖一齊去俾錢

大爺見到, 即係話"DadDad你唔乖喇, 唔可以買架, 放返低啦, 睇下得架啦"

((平時出街, 我都話唔買野架, 睇下得架啦, 睇完放返低))

呢個大爺真係學到足XDDDD

有次宜姨搶左佢架車車, 佢又同宜姨講" 唔可以搶人野架, 要講唔該架"

 有時佢玩得好興奮掉野, 我惡話佢"你做咩啊, 吓?"

佢就即刻"SORRY媽媽, 我唔敢啦, 唔可以掉野架" 呢句講得好順口架XDDD

((大爺好肯SAY SORRY, 佢有理無理, 拿拿淋SAY完SORRY再玩))

瞓方面:
當然大爺都有唔乖既時候啦, 最唔乖係瞓覺

呢家唔啜手指仲更加難搞, 無左個慰藉佢就不停攣黎攣去

呢家仲要好似以前BB時咁伏住o係我膞頭先肯瞓

飲完奶奶轉個頭又要奶奶(思覺失調咁....可能佢口痕想搵野啜)

又要我講故事啦, 講N咁多次又話要講多次, 講到我口水乾

快則半個鐘先瞓, 慢則一個鐘....唉, 多數佢都慢架啦...

戒片片方面:
今個月試左出街短途車 或者 上pg都唔著片片, 都好成功啊~
其實上上下PG佢要去廁所都幾煩, 要出返去商場個廁所
長途車, 我真係未敢住...如果中途佢要去廁所咁點??? 即刻著返條片??
夜晚瞓覺都係未住, 我怕無覺好瞓....再遲下先XDDD我係懶媽媽

活動方面:
今個月有啲改變啊!!!
送完我去搭巴士, 再送婆婆去火車站 ((做左陪送kaka))
然後同公公去室內體育館跑圈((大爺跑到3個圈, 叻過媽媽我XDD))
跑完大爺自己要求去飲茶茶XDDDD好識享受
最搞笑佢係要食盅頭飯 , 好似啲伯伯咁
之後去買餸, 就返屋企啦~


每個星期日,朝早都要諗帶大爺去邊度放電
好啦~~~今次去踢足球啦!!

我~~~踢!!!

好腳法, 係踢唔入架!
再踢!!

入左啦~~嘻嘻!!!

踢完波又去公園玩!!!

大爺: 媽媽你影夠未啊??

運動完出左一身汗, 食返條雪條先 ((我講緊我))
醒左兩啖大爺食, 其他我自己食晒..KAKAKA
小食多滋味, 多吃壞肚皮啊!!!