[BIG Yeah] 踩單車@雙魚河

23 APR 2016

踩單車@雙魚河

今日本身約左去探BB既, 可惜大爺咳咳要押後, 等好返先再去!
前一晚我都病病 , 不過自我治療後好似好返啲喇..XD

下午無野做悶悶地, 即慶去踩單車
大爺4歲大個仔, 試下俾佢自己踩一架喇!!
佢聽到亦都好興奮, 有得自己踩一架~
出發前同大爺約法三章先, 無得踩踩下唔踩, 要自己完成, 唔係下次唔會再同佢去!

恐嚇完佢就出發喇!!!XD

 今次唔去大埔踩, 驚太多人!
我地o係上水租單車 踩去雙魚河
3點先去到上水租單車, 依度租都幾平喎
$40-$60,  6點前還車便可
大爺爸 同大爺o個架係$40
我揀左架輕身既, 所以貴少少$60
可能我地太晏去, 小朋友單車淨返1架, 仲要係粉紅色


努力上斜, 大爺踩到一半唔夠力, 哈哈
結果大爺爸一路踩一路拉佢上斜.!!

經過上水工業區就到雙魚河

一黎到就見到有人o係度練騎馬
大爺第一次咁近距離睇, 佢定左係度又唔踩係度等隻馬經過

踩到中段又見返隻馬, 係邊條路出返黎既呢?

又停左係度睇HAHA

大爺仲一路踩一路話好開心同我地一齊踩

一路踩把口無停過!!!

大爺話要踩左去食左豆腐花, 飲左豆漿先再慢慢玩
((平時如果係呢度附近行山, 大爺都一定話要黎飲返杯凍豆漿架))
$12/一個人, 任食豆腐花/豆漿

大家請留意枱面, 每次出街大爺都揀一堆車陪佢=.=!!

食飽飽又周圍踩下

踩返去呢度睇下火車先!!
YEAH!!

係咪好熟悉呢??

大爺2歲, 我地就係呢度影相2歲相

HELLO!!!

有~~~~型~~~~??

大爺大嗌:"嘩~~~直通火車啊"

今日天陰陰唔太熱, 唔錯唔錯!!

痾左大爺出黎!!!
大爺好配合我..WAKAKAKA

6點剛剛好踩到返去還車
大爺同我地踩左3個鐘己經好叻仔喇!!!
 奬佢下次再有得一齊踩XD