[BIG Yeah] 四歲回顧

[BIG Yeah] 四歲回顧

My BIG BIG Yeah 話咁快就四歲!

好多謝大爺每日都帶俾我地無限歡樂, 令我地生活越黎越精彩
亦都多謝佢令我運動量多左, 啲節目越黎越健康
(但點解我運動量大左都無瘦到既??)


 有時大爺比大爺爸更加細心同關心我, 就好似我既男朋友仔咁
 落街會主動拖住話同我去拍拖陪我行街,又留意到我著新衫讚好靚
瞓覺又要拖住一齊瞓, 成日無端端對住我傻笑話氹我開心..XD
成日講埋啲sweet sweet既說話, 真係氹得我好開心..kaka

有次瞓覺, 我同佢傾計, 講下公司野,
我:"媽媽今日好驚, o係公司做錯野"
大爺:"老闆會唔會打你架?"
仲伏過黎摸摸我額頭, 好溫柔咁講:"唔使驚, 我係度嘛, 我保護你"
然後就錫左我額頭wakakaka!!

希望呢個男朋友仔第時大個都係咁sweet就好喇!!!

亦都唔止淨係關心我, 大爺亦都好關心身邊既人

有次去完拜山齊齊去公園開餐, 見到公公用刀切緊雞
佢就好緊張大嗌:"公公....你睇手啊, 小心啲啊"
哎...阿公聽到即刻笑到幾甜..haha

開心果大爺

而大爺爸對大爺要求都幾高, 算係嚴厲
大爺爸鬧起大爺都幾惡架..!!!
大爺爸就話佢越大越唔聽話, 但我又唔多覺喎, 唔通我太慈母?

其實鬧得最多係大爺呢家成日玩得太忘我時, 叫激佢都唔應人
同埋成日人地講緊野, 呢個大爺就不停加把咀埋黎嗌你

不過呢, 最搞笑係大爺爸鬧完仲要嬲大爺唔彩佢
大爺就認定左大爺爸係少器, 最好笑係...周圍同人講DAD DAD少器

公公:"你唔乖公公有冇打你啊?  "
大爺:"無啊"
公公話:"咁邊個成日鬧你?"
大爺:" DAD DAD囉, 佢成日少少事都嬲我, 好少器既"
WAKAKAKA 笑到公公死~

有次去超巿買野, 大爺見到益力多就走去拎起左一排話想買
大爺爸:"你做乜唔問我地就拎起啊"
大爺:"我想買黎飲啊, 可唔可以啊?"
大爺爸:"唔可以啊, 屋企仲有2枝"
大爺:"DadDad你都唔俾我買~~~咁少器既~~~"
然後就放返低排益力多
 
大爺爸俾佢吹到啤一聲, 我就真係忍唔住笑...XDDDDD

不過呢, 大爺爸係大爺既好玩伴黎架~佢比我更加有心機陪大爺玩
所以大爺都好愛Dad Dad架!!

始終大爺爸諗啲小玩意出黎比我出色!!

嚟緊趁未上小學, 希望繼續帶多啲大爺去周圍去玩,
遊山玩水, 親親大自然
真係有得玩好玩盡佢~~XD

I LOVE U!!!