[沖繩DAY 1] 大爺生日衝一沖 ~ 整HI-CHEW糖~

終於回魂返黎喇!! 去完旅行後隔2日後又再復活節4日連假

而大爺就由3月18號, 到今日4月3號先返學, 足足放左成大半個月假~

真係玩完返黎又再玩, 未停過!!呢家要收拾好心情喇~~~

18 MAR 2016

[DAY 1] 大爺生日衝一沖

HK Airline 起飛時間:  H.K.1145 >> 那霸機場1430

Hotel: Libre Garden Hotel

酒店check in>>Naha Main Place>> 國際通 >>HAPIHANA整糖 >>和平通商店街 >>激安の殿堂 >>100YEN妝藥點

YEAH!終於等到旅行既日子喇!

事前真係擔心...唔係擔心天氣唔好, 係擔心大爺會病左去唔到

因為佢學校爆發流感,  去前個幾星期大爺己經開始咳, 拿拿淋同佢睇醫生, 

病好又無端端耳仔病, 又再睇, 結果中耳炎, 真係睇左3次醫生先好

返學日日都提佢帶口罩, 唔好再返發, 真係好好彩, 可以病好晒去旅行!!

今次搭11:45機, 我突登揀呢個時間, 配合返大爺平時既起身時間

好快搞掂晒 , 大爺仲叫我地不如搭早一班巴士

好啦好啦, 橫掂搞掂晒就早啲出發!!

去到當然早左, 同大爺坐低等埋我地既好旅伴

兩個旅伴=大爺既陪玩專員HAHAHA

大爺契媽逼我地上機前影呢張合照俾佢睇

近期好HIT!! 大爺一教就識..HAHA

過左關慢慢嘆個早餐, 就準時上機喇!

空姐好好人主動幫我地影合照^^

發唔發現今日我地著左親子衫??

我一早今朝我同大爺著左紅色格仔

大爺爸見到又唔抵得, 拿拿淋入房換過件衫!

不過佢係低調既親子, 得條紅色格仔領突出黎~

大爺知道有旅行去就開始問"今次係咪搭貴機票啊?" "有冇飛機餐食啊?"

"有冇得同空姐姐姐要橙汁啊?" "有冇電睇啊?"

今次雖然都係廉航但都有飛機餐食.(得個腸仔包).有電視睇..大爺最期待!!

仲主動同姐姐講佢要飲橙汁

所以佢2個半鐘機係無瞓過既!!

不停係度搞個搖控, 不停係度話要玩GAME

終於到左那霸機場喇!!YEAH!!!!

第一日落機過埋關拎埋行李己經四點, 所以今日無租車~

突登BOOK左間酒店近單軌站 

去緊搭單軌

佢有份幫手買飛, 上到車未到己經終於頂唔順暈左!

好彩真係bk左間近單軌既酒店, check完in上房放低大爺

佢開左一眼就轉左呢個pose繼續瞓

幫佢除左鞋, 佢都仲係呢個姿勢...

大爺爸就好嘆咁係度篤篤篤....

我就同朋友一齊set返好張上網咭

等佢瞓醒就出發喇!!!
行去NAHA MAIN PLACE , o係酒店對面無幾遠就到喇!
朋友要去買護膚品, 我就同大爺去睇下有乜食下
佢自己揀左個朱古力冬甩, 好彩我咬左啖試, 佢轉個頭好快食晒
仲話好好味添!!

我真係好愛日本啲商場有BB車, 真係好好
大人又買得輕鬆, 小朋友又可以休息下..

買完逛左個圈就走喇!!
係商場對開見到檔燒八爪魚丸, 好香, 即刻買黎試下先

睇個樣未食就知好味啦~

真係好好味, 啲醬汁超正!!
o係日本食既係好味好多架..wakakaka

大爺初初話要食, 食左一啖就話唔食=.=

跟住去搭單軌去國際通

睇唔睇得出大爺有幾興奮??

首先去左HAPINAHA整hi-chew軟糖

見到就自動行埋去叫我影

去左預約, 俾左張咭我地17:20返去整
其實都係等多3個字就有得整

首先每人影左張相先

跟住就入呢度喇!! 我地五個人剛好一班~

帶好衛生帽, 口罩, 職員姐姐就幫我地著圍裙
仲每人都有名牌添, 好認真啊..!!

著好就齊齊洗洗手,職員姐姐好照顧大爺


預備好喇!!開始~
大爺既整糖工人look如何????

開頭啲步驟無影到, 因為要專心做
當我做好晒就可以幫大爺影下
佢將切好既糖放整返圓放入盒度

YEAH!!

職員姐姐亦都好好
主動幫我地影合照!!

最後一個步驟, 姐姐同佢齊齊禁制將盒糖封口

到我時, 佢又話要幫我禁!!!

完成, 可以出去等!
你自家制盒糖就會o係呢條輸送帶度出黎
~登登 ~

我地既糖, 大爺都好快手幫我地拎晒.

好靚, 盒面仲印左我地頭先影既相!!

其實隔離仲有得整燒餅, 但我地黎到時間太夜, 己經停左!
買左少少手信就 走喇!!

對面平和通入面係多手信買, 價錢平過HAPINAHA, 有間仲有得退稅
我地都買左啲啲!!!

平和通隔離Calbee試下新鮮即炸既薯條先
近排香港都開左間!!

新鮮即炸的確係好味既!!

之後就搵地方食DINNER
行左陣, 睇下有冇啲岩大爺口味...大爺要食白飯架嘛.XP
最後我地入左間居酒屋!!

全部都好好味!!好彩無入錯啫~

開餐喇!!!

 

食完飯再過激安の殿堂shopping!

佢開24小時, 所以可以慢慢行

不過其實激安の殿堂一啲都唔好行, 下次可以唔去

全部野放到好雜亂, 同埋我搵唔到啲乜野買=.=

早知返naha main place行好過~ 

回程我地決定搭的士, 因為5個人搭單軌既錢同搭的士差不多
酒店對面有大大間100yen店 +妝藥店, 仲要12點先收..wakakaka
真係好正, 又去shopping過!!!

返到酒店拿拿淋幫大爺沖涼先
佢最鐘意浸浴, 今日仲買左包麥坤浴鹽蛋俾佢今晚浸
睇佢幾開心

炸炸炸炸炸

原來係哨牙嘜

佢真係當浴缸係泳池仔

浸完仲有雪糕食, 爽晒!!